តើ ឈាង វុន និង យ៉ែម បុញ្ញឫទ្ធិ «ឈ្លោះគ្នា» បែបណា? (vdo)

មានវីដេអូអម - «អភ័យឯកសិទ្ធិ»រដ្ឋសភា ជាស្នូលនៃរឿងទាស់សម្ដីគ្នា រវាងមន្ត្រីជាន់ខ្ពស់ទាំងពីរ លោក ឈាង វុន និងលោក យ៉ែម ប៉ុញ្ញឬទ្ធិ ដែលសុទ្ធតែមានភាពល្បីល្បាញ ខាងសំនួនវោហាស័ព្ទដូចគ្នា ប្រចាំឲ្យគណបក្សប្រជាជនកម្ពុជា និងគណបក្សសង្គ្រោះជាតិ។
Loading...
  • ដោយ: អ៊ុម វ៉ារី ដោយ អ៊ុម វ៉ារី (ទាក់ទង៖ [email protected]) - ភ្នំពេញថ្ងៃទី៣០ កក្កដា ២០១៤
  • កែប្រែចុងក្រោយ: July 30, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

មានវីដេអូអម - «អភ័យឯកសិទ្ធិ»រដ្ឋសភា ជាស្នូលនៃរឿងទាស់សម្ដីគ្នា រវាងមន្ត្រីជាន់ខ្ពស់ទាំងពីរ លោក ឈាង វុន និងលោក យ៉ែម ប៉ុញ្ញឬទ្ធិ ដែលសុទ្ធតែមានភាពល្បីល្បាញ ខាងសំនួនវោហាស័ព្ទដូចគ្នា ប្រចាំឲ្យគណបក្សប្រជាជន​កម្ពុជា និងគណបក្សសង្គ្រោះជាតិ។


រូបចំកណ្ដាលៗ៖ លោក យ៉ែម ប៉ុញ្ញឬទ្ធិ និងលោក ឈាង វុន។ (រូបថត MONOROOM.info/ S. Tith)

ដៃគូរជម្លោះ - គ្រាន់តែកិច្ចប្រជុំ ដោយ«អសាធារណៈ»នៃក្រុមការងារ របស់គណបក្សទាំងពីនេះ បានចាប់ផ្ដើមបន្តិច ដោយការចាប់ដៃចាប់ជើងគ្នានោះមក លោក យ៉ែម បុញ្ញឫទ្ធិ បានផ្តើមនិយាយមុន ពីការប្រកាសសុពលភាពតំណាង​រាស្រ្ត (គណបក្សសង្គ្រោះជាតិទាំង៥៥រូប) ត្រូវតែមាន«អភ័យឯកសិទ្ធិ»។ ការចាប់ផ្ដើមលើកករណីនេះ មក​និយាយ​ដូច្នេះហើយ ទើបធ្វើក្រុមការងារទាំងពីរ បានចាប់ផ្ដើម តឹងសសៃករដាក់គ្នាភ្លាម។

ហេតុការណ៍នេះ បានកើតឡើងក្នុងកិច្ចប្រជុំ កាលពីថ្ងៃទី២៩ ខែកក្កដាម្សិលម៉ិញ នៅមន្ទីររដ្ឋសភា ដែលចូលរួមដោយ ក្រុមការងារមកពីគណបក្សទាំងពីរ៖ លោក ឈាង វុន មកពីគណបក្សប្រជាជនកម្ពុជា និងលោក យ៉ែម បុញ្ញឫទ្ធិ មកពី​គណបក្សសង្គ្រោះជាតិ ដើម្បីនិយាយគ្នាពីការកែទម្រង់បទបញ្ជាផ្ទៃក្នុងរដ្ឋសភា។

មន្ត្រីតំណាងគណបក្សសង្គ្រោះជាតិ លោក យ៉ែម បុញ្ញឫទ្ធិ បានបញ្ជាក់ ហាក់ដូចជាមិនចង់ឲ្យមានភាពប្រពិចស្រពិល ពាក់ព័ន្ធនឹង​អភ័យឯកសិទ្ធិសភា នៃអ្នកតំណាងរាស្រ្ត។ លោកស្នើដាក់បញ្ចូលករណីនេះ ក្នុងការធ្វើ​វិសោធន​កម្ម​បទ​បញ្ជា​ផ្ទៃក្នុង​រដ្ឋសភា ដែលចែងពីសុពលភាព នៃអ្នកតំណាងរាស្រ្ត«ទាំងមិនច្បាស់លាស់នោះ»។ លោកលើក​ឡើង​ដូច្នេះថា៖ «តើការប្រកាសសុពលភាពហើយ មានអភ័យឯកសិទ្ធិឬអត់ ដែលខ្ញុំចង់លើកយកមកពិភាក្សា​គ្នាឲ្យ​ហើយ»។

តែការលើកឡើង របស់លោក យ៉ែម ប៉ុញ្ញឬទ្ធិ ត្រូវបានលោក ឈាង វុន បានធ្វើការបដិសេធភ្លាមៗ និងបាន«បិទ»​មិន​ឲ្យលើកមកធ្វើការពិភាក្សាឡើយ ព្រោះអាចនាំរឿងវែងឆ្ងាយ ឈានទៅដល់ការបកស្រាយ របស់ក្រុមប្រឹក្សាធម្មនុញ្ញ។ ម្យ៉ាងទៀត កិច្ច​ពិភាក្សាគ្នានេះ កំពុងតែរលូនហើយ។

លោក ឈាន វុន និយាយថា «ឯកឧត្តមចង់ប្រកាសសុពលភាពហើយ មានអភ័យឯកសិទ្ធិ? កាលណានិយាយចឹង (វា)​ខុសរដ្ឋធម្មនុញ្ញ។ (...) រដ្ឋធម្មនុញ្ញគេថា ដើម្បីបានអភ័យឯកសិទ្ធិ អ្នកតំណាងរាស្រ្តត្រូវចូលសច្ចាប្រណិធានសិន។ នេះ​បាន​ទៅជាតំណាងរាស្រ្តកើត អ្នកតំណាងរាស្រ្តមានអភ័យឯកសិទ្ធិ។ (...) ដើម្បីក្លាយជាអ្នក​តំណាងរាស្រ្ត​ត្រូវចូល​ស្បថសិន។»

អស់ភារកិច្ចហើយ អញ្ជើញចេញ ...

បន្ទាប់ភ្លាមមក លោក យ៉ែម បុញ្ញឫទ្ធិ បានសុំឲ្យលោក ឈាង វុន បង្ហាញនូវមាត្រាដែលលើកបានលើកឡើង។ តែ​ទំនង​ជា​លោក ឈាង វុន រកមិនឃើញ លោកបែរជាធ្វើការ«បន្លប់»វិញ ដោយងាកមកដេញអ្នកសារព័ត៌មាន ឲ្យចេញ​ពីក្នុង​បន្ទប់​ប្រជុំតែម្តង។

អ្នកច្បាប់ម្នាក់ជាសមាជិកសភា ក្នុងលក្ខខណ្ខសុំមិនបង្ហាញឈ្មោះ បានពន្យល់ប្រាប់ប្រាប់​ទស្សនាវដ្តីមនោរម្យ.អាំងហ្វូ​ថា បច្ចុប្បន្នសមាជិករដ្ឋសភា មានតែ៦៨រូបនោះ (វា)បានរំលោភលើមាត្រា៧៦ នៃរដ្ឋធម្មនុញ្ញបាត់ទៅហើយ។ មាន​ន័យថា គ្មានសុពលភាពតំណាងរាស្រ្ត គ្មានអភ័យឯកសិទ្ធិសភា នោះប្រាកដណាស់មិនមែនជា សមាជិកតំណាង​រាស្ត្រ​នៃរដ្ឋសភា។ ដូច្នេះការបង្ខំចូលសភា នៃតំណាងរាស្រ្តទាំង៦៨រូបនោះ មិនចាត់ទុកថា ជាការធ្វើរដ្ឋប្រហា​រដ្ឋធម្មនុញ្ញ​ទេឬ? ជាងនេះទៅទៀតលោកបន្តថា ក៏មានន័យថា «មិន»គោរពតាមព្រះរាជក្រិត្យរបស់ព្រះមហាក្សត្រ នរោត្តម សីហមុនី ដែរ ដែលព្រះអង្គទ្រង់បានឡាយព្រះហត្ថលេខា កំណត់នូវចំនួនតំណាងរាស្រ្ត ក្នុងអាណត្តិ​ទីប្រាំ​នេះ ថា «ត្រូវមាន១២៣រូប»នោះ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...