ឈាង វុន សាទរជំហរបក្សសង្រ្គោះជាតិ ថានឹងចរចានយោបាយជាថ្មី
គណបក្សសង្រ្គោះជាតិដែលជាគណបក្សជំទាស់ បានបង្ហាញគោលជំហររបស់ខ្លួនជាថ្មី ដោយបានអះអាងថា នឹងកំណត់ថ្ងៃចរចានយោបាយជាមួយ គណបក្សប្រជាជនកម្ពុជា ដើម្បីរៀបចំយន្តការកែទម្រង់ការបោះឆ្នោត និងឈានទៅរៀបចំការបោះឆ្នោតមុនបញ្ចប់អាណត្តិឡើងវិញ។ គោលជំហររបស់គណបក្សសង្រ្គោះជាតិ ត្រូវបានស្វាគមន៍ដោយ មន្ត្រីជាន់ខ្ពស់គណបក្សប្រជាជនកម្ពុជា តែមានភ្ជាប់លក្ខខណ្ឌ។
លោក ឈាង វុន ថ្លែងនៅមន្ទីររដ្ឋសភា។ (រូបថតរដ្ឋសភា)
នយោបាយកម្ពុជា - ក្នុងសេចក្តីថ្លែងការណ៍របស់ខ្លួនចុះថ្ងៃទី១៤ ខែកុម្ភៈ គណបក្សសង្រ្គោះជាតិ បានបញ្ជាក់ថា៖ «គណបក្សសង្រ្គោះជាតិមានបំណងចង់ដោះស្រាយភាពជាប់គាំងនយោបាយ ដោយសន្តិវិធី អហិង្សា តាមរយៈការពិភាក្សា រកដំណោះស្រាយ។ ដូច្នេះគណបក្សសង្រ្គោះជាតិ [...]
