Posts tagged as "Droits de femme"

តាមការអះអាង របស់ព្រះរាជអាជ្ញាអមសាលាដំបូង ខេត្តបាត់ដំបង បានលើកឡើងថា អតីតពិធីការិនីស្ថានីយ​ទូរទស្សន៍ CTN កញ្ញា ឯក សុជាតា ហៅ សាសា បើបន្តការគេចវេសជាលើកទីពីរ និងមិនព្រមចូលខ្លួនមក​ឆ្លើយ​បំភ្លឺទេ តុលាការនឹងអាចមានវិធានការ «នាំខ្លួន»ជាបន្ត។ ការថ្លែងព្រមានរបស់មន្ត្រីតុលាការនេះ បានធ្វើឡើង បន្ទាប់ពីព្រះរាជអាជ្ញារង សាលាដំបូងខេត្តបាត់ដំបង បានចេញដីកាកោះហៅកញ្ញា ឯក សុជាតា ហៅ សាសា ជា​លើកទី២ ឲ្យបំភ្លឺក្នុងសំណុំរឿងគ្រោះថ្នាក់ចរាចរណ៍ (កើតហេតុ កាលពីថ្ងៃទី២ ខែសីហា កន្លងទៅ)  នៅថ្ងៃ​ទី​១០ ខែកញ្ញា ឆ្នាំ២០១៥ វេលាម៉ោង៨ និង៣០នាទីខាងមុខនេះ។

សូមរំលឹកថា ព្រះរាជអាជ្ញារងអមសាលាដំបូងខេត្តបាត់ដំបង បានចេញដីកា​កោះហៅកញ្ញា សាសា ឲ្យចូលបំភ្លឺ ក្នុងថ្ងៃទី២៧ ខែសីហា ឆ្នាំ២០១៥ ទាក់ទងសំណុំរឿងគ្រោះថ្នាក់ចរាចរណ៍ កាលពីថ្ងៃទី២ ខែសីហា ឆ្នាំ២០១៥ តែ​មិនបានចូល បំភ្លឺតាមការកោះហៅឡើយ ហើយក៏មិនបានបញ្ជាក់ ពីមូលហេតុនៃការអវត្តមាននេះ [...]

ការគេចវេសពីការទទួលខុសត្រូវ នៅក្នុងគ្រោះថ្នាក់ចរាចរណ៍ ទោះហេតុការណកើតឡើង ដោយចេតនា ឬ​អចេតនាក្ដី មិនមែនជាជំរើសល្អទេ ជាពិសេសនៅពេលខ្លួន មានឈ្មោះបោះសម្លេង ត្រូវបានសង្គមស្គាល់​ច្រើន​នោះ។ ផ្ទុយទៅវិញ ទង្វើនេះ នឹងបន្ថែមទំងន់ទោស ទៅឲ្យជនដែលគេសវេសនោះទៅវិញ ប្រសិនជា​ប្រព័ន្ធ​យុត្តិធម៌របស់ប្រទេស បានរកឃើញថាខ្លួន ជាអ្នកបង្កហេតុ។

ដូច្នេះហើយ ទើបករណីគ្រោះថ្នាក់ចរាចរណ៍ ដែលមានសាក្សីបានឃើញថា បង្កឡើងដោយកញ្ញា សាសា ឈ្មោះ​ដើម ឯក សុជាតា អតីតាតារាទូរទស្សន៍នោះ ត្រូវបានព្រះរាជអាជ្ញារង អមសាលាដំបូងខេត្តបាត់ដំបង លោក តូច សុភក្ដី ធ្វើការកោះហៅ មកឲ្យចូលបំភ្លឺជុំវិញ ករណីបង្កគ្រោះថ្នាក់ កាលពីថ្ងៃទី២ ខែកក្កដា នៅ​សប្ដាហ៍​​ក្រោយ​នេះ។ ព្រះរាជអាជ្ញា បានបញ្ជូនដីការនេះ ឡើងមកដល់តុលាការរាជធានីភ្នំពេញហើយ មុន​នឹង​ត្រូវបាន​ចាត់​ចែង តាមនីតិវិធីបញ្ជូនទៅដល់សាមីខ្លួន។

ស្រង់សម្ដី ដោយសារព័ត៌មានក្នុងស្រុកមួយ លោក តូច សុភក្ដី [...]

រឿងភាគថ្មីស្ដីពីកញ្ញា សាសា តារាសម្បូររឿង«ពេលយប់» នៅតែបន្តមានទៅមុខ... មិនដាច់សូរ។ អតីតតារា​ទូរទស្សន៍ ដែល​បានល្បីខ្លាំងក្នុងសំនុំរឿង វាយតប់ទាត់ធាក់បោកសក់ ពីសំណាក់ឧកញ៉ា សុខ ប៊ុន នោះ ទំនង​ជានឹង​ត្រូវ​ទៅ​បង្ហាញ​ខ្លួន ក្នុងពេលឆាប់ៗនេះ នៅមុខការស៊ើបសួរ​របស់ព្រះរាជអាជ្ញារង អមសាលាដំបូង​ខេត្ត​បាត់ដំបង។

លោក តូច សុភក្តី ព្រះរាជអាជ្ញារង អមសាលាដំបូងខេត្តបាត់ដំបង បានថ្លែងឲ្យដឹងថា នាង ឯក សុជាតា ហៅ កញ្ញា សាសា អាចនឹងត្រូវកោះហៅ ឲ្យមកបំភ្លឺជុំវិញរឿងគ្រោះថ្នាក់ចរាចរណ៍ នៅក្រុងបាត់ដំបង កាល​ពី​យប់​ថ្ងៃទី០២ ខែសីហាកន្លងមកនេះ។ ការថ្លែងអះអារបស់ព្រះរាជអាជ្ញារង បានធ្វើឡើង បន្ទាប់ពីលោក បាន​កោះ​ហៅមិត្តភក្តិ ២នាក់ របស់កញ្ញា សាសា មកសាកសួរព័ត៌មាន អំពីបញ្ហាគ្រោះថ្នាក់ខាងលើនេះ រួចហើយ។

ហេតុការណ៍គ្រោះថ្នាក់ចរាចរណ៍នោះ  បានកើតឡើង រវាងរថយន្ត​ស៊េរី​ទំនើប​ម៉ាក Porsche ពណ៌​ស និងរឺ​ម៉ក​ដឹក​ទឹក [...]

តាមសេចក្ដីរាយការណ៍ ពីខេត្តស្ទឹងត្រែង បានឲ្យដឹងថា នៅថ្ងៃទី១០ ខែ សីហា ឆ្នាំ២០១៥ វេលាម៉ោង ១៩ និង ៤០ នាទីយប់ មានហេតុការណ៍មួយ បានបង្កឲ្យភ្ងាក់ផ្អើល ដល់ប្រជាពលរដ្ឋ ដែលរស់នៅ ក្នុងភូមិសំរោង ទាំង​មូល ដោយសារតែករណី អំពើហិង្សាក្នុងគ្រួសារមួយ រវាងប្តីនិងប្រពន្ធមួយគូរ បានផ្ទុះឡើង រហូតឈាន​ ដល់​ដកកាំភ្លើងបាញ់ប្រពន្ធ ពីសំណាក់បី្តដែលជាទាហាន ហើយបណ្តាលឲ្យប្រពន្ធ រងរបួសធ្ងន់ធ្ងរ។ ករណីបាញ់​ប្រហារប្រពន្ធនេះ កើតឡើងនៅភូមិសំរោង ឃុំសំបូរ ស្រុកសៀមប៉ាង ខេត្តស្ទឹងត្រែង។

មន្រ្តីនគរបាល ដែលចុះទៅដល់កន្លែងកើតហេតុ បានឲ្យដឹងថា ជនរងគ្រោះមានឈ្មោះ និច ចាន់ណៃ មាន​អាយុ ៣៧ ឆ្នាំ រស់នៅក្នុងភូមិចំការលើ ឃុំចំការលើ ស្រុកថាឡាបរិវ៉ាត់ ចំណែកឯជនបង្កជាប្តី ឈ្មោះ នៅ សារិទ្ធ មាន​អាយុ ៤១ឆ្នាំ រស់នៅក្នុងភូមិឃុំជាមួយគ្នា និងមានមុខរបរជាទាហាន នៅវរ:ការពារព្រំដែនលេខ ១០១។

សមត្ថកិច្ចបានដាក់សង្ស័យ ជាជំហានដំបូងថា [...]

នៅពេលដែលសម្លឹងតាមបង្អួច មើលទៅក្រៅ បុរសចំណាស់ម្នាក់ ដែលជាអ្នករស់នៅ ក្នុងក្រុង «Grand Rapids» នៃរដ្ឋមីឈីហ្គែន  បានប្រទះឃើញ នូវឈុតឆាកដ៏កម្រមួយ ដែលបានកើតឡើង នៅចំពោះមុខគាត់ កាលពីថ្ងៃសុក្រមុន។ ក្រាបនៅរាបស្មើ លើដំបូលផ្ទះរបស់ខ្លួន យុវជនអ្នកជិតខាងមួយរូប ដែលនៅផ្ទះជាប់​ទល់មុខ កំពុងលេងបិតពួន​ ជាមួយនឹងក្រុមនគរបាល។ បុរសចំណាស់ ដែលបានថតរូបនេះ យកមកដាក់​បង្ហោះ នៅលើគេហទំព័រចែករំលែករូបភាព «Imgur» បានសរសេរអមនឹងរូបថតថា៖ «នគរបាល​ចំណាយ​​ពេល​ជាង១០នាទី ទម្រាំ​រក​បុរស​នេះ​ឃើញ»។ រូបថត(ខាងក្រោម)នេះ គ្រាន់តែបានដាក់បង្ហោះភ្លាម មាន​មនុស្ស​ចុច​ចូលទៅមើល ចំនួនដល់ទៅជាង៣លានដង៕

ភ្នាក់ងារនគរបាល ប្រចាំតំបន់មួយរូប លោក តេរី ឌីស៊ុន (Terry Dixon) បានសរសេរ នៅលើទំព័រហ្វេសប៊ុក​ថា៖ «មើលទៅ រូបថតនេះបានក្លាយជា រូបថតដ៏អស្ចារ្យ ហើយមនុស្សម្នាចង់ដឹងថា តើមានរឿងអ្វីកើតឡើង»។ ហើយ​ដើម្បីបំពេញចិត្ត [...]