ណាដាល់ ឈ្នះ​ពាន​រង្វាន់ អេធីភី ម៉ាស្ទើរ បន្ទាប់​ពី​បំបាក់ ដេលប៉ូត្រូ

កីឡាករវាយកូនបាល់ រ៉ាហ្វា ណាដាល់ (Rafa Nadal) ទទួលបានភាពអស្ចារ្យថ្មីមួយទៀត ក្នុងអាជីពរបស់គាត់ បន្ទាប់ពីតាមយកឈ្នះកីឡាករអាស្សង់ទីន ចនម៉ាទីន ដេលប៉ូត្រូ (Juan Martin Del Potro) ដោយលទ្ធផល ៤-៦, ៦-៣ និង ៦-៤ ក្នុងកម្មវិធីប៊ីអិនភី ប៉ារ៉ីបាសអូផិន (BNP Paribas Open) វគ្គផ្តាច់ព្រ័ត្រកាលពីថ្ងៃអាទិត្យកន្លងទៅ។
Loading...
  • ដោយ: វិន ជីវ័ន្ត
  • កែប្រែចុងក្រោយ: March 19, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

កីឡាករវាយកូនបាល់ រ៉ាហ្វា ណាដាល់ (Rafa Nadal) ទទួលបានភាពអស្ចារ្យថ្មីមួយទៀត ក្នុងអាជីពរបស់គាត់ បន្ទាប់ ពី តាមយកឈ្នះកីឡាករអាស្សង់ទីន ចនម៉ាទីន ដេលប៉ូត្រូ (Juan Martin Del Potro) ដោយលទ្ធផល ៤-៦, ៦-៣ និង ៦-៤ ក្នុងកម្មវិធីប៊ីអិនភី ប៉ារ៉ីបាសអូផិន (BNP Paribas Open) វគ្គផ្តាច់ព្រ័ត្រកាលពីថ្ងៃអាទិត្យកន្លងទៅ។


កីឡាកររ៉ាហ្វា ណាដាល់ ពេលបានពានរង្វាន់។

កីឡាករអេស្ប៉ាញ ដែលអវត្តមានអស់រយះពេល ៧ខែកាលពីឆ្នាំមុន ដោយសារតែបញ្ហារបួសជង្គង់រូបនេះ បានវាយបក យកឈ្នះលើកីឡាករអាស្សង់ទីន ហើយក៏ទទួលបានពានរង្វាន់អេធីភី ម៉ាស្ទើរ (ATP Masters) លើកទី២២ និងជាលើក​ទី៣ នៅឯ អ៊ិនដៀនវ៉ែល (Indian Wells) ។

ណាដាល់ បានបំបាក់ ដេលប៉ូត្រូ ក្នុងការប្រកួតលើកទី៣ នៃវគ្គផ្តាច់ព្រ័ត្រ បន្ទាប់ពីដៃគូររបស់គាត់ បានរក្សាពិន្ទុ៣ប្រកួត ក្នុងការប្រកួត៩លើក។ គាត់បានយកឈ្នះក្នុងវគ្គផ្តាច់ព្រ័ត្រនោះ ប្រើរយះពេលអស់ ២ម៉ោង ២៩នាទី។

ម្ចាស់ពានរង្វាន់ក្រេនស្លាម (Grand Slam) ១១សម័យ ណាដាល់ បាននិយាយថា «ខ្ញុំបានចាប់ផ្តើមលេងបានយ៉ាងអស្ចារ្យ បន្ទាប់មក ដេលប៉ូត្រូ ក៏កាន់តែធ្វើបានល្អឡើងៗដែរ។ បន្ទាប់មកខ្ញុំគិតថា ខ្ញុំត្រូវតែធ្វើការផ្លាស់ប្តូរ ដោយចាប់​ផ្តើម​លេង​យឺតៗ ហើយខ្ញុំក៏លេងបានយ៉ាងល្អ។»

វាជាពានរង្វាន់អេធីភី លើកទី៥៣ របស់កីឡាករ ណាដាល់ផ្ទាល់ និងជាលើកទី៣ ក្នុងរយះពេល ៤ឆ្នាំ ហើយជាលើកដំបូង​របស់គាត់ ដែលប្រកួតនៅលើទីលានខាងក្រៅ ចាប់ពីការប្រកួតនៅទីក្រុងតូក្យូ (Tokyo) នៅឆ្នាំ២០១០។

កីឡាករអេស្ប៉ាញរូបនេះ ចាប់ផ្តើមធ្វើបានយ៉ាងល្អ ក្នុងការប្រកួតលើកទី១ ដោយបានគ្រប់គ្រង និងការពារបានយ៉ាងល្អ។ បន្ទាប់មកក៏បានយកឈ្នះ ដេលប៉ូត្រូ ក្នុងវគ្គទី២ ដោយនាំមុខចំនួន ៤ពិន្ទុ។

កីឡាករអាស្សង់ទីន បានធ្វើឲ្យខកខានឱកាសជាលើកទី៤ របស់ខ្លួន បន្ទាប់ពីចាញ់ក្នុងការប្រកួតដោយលទ្ធផលសរុប ១៥-៤០ ប៉ុន្តែគាត់ក៏បានយកឈ្នះ ណាដាល់ បានចំនួន ១វគ្គដែរ ដែលបានឈ្នះក្នុងវគ្គទី១ ដោយលទ្ធផល ៦-៤៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី១៨ ខែមិនា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...