នាយករដ្ឋមន្រ្តីជប៉ុន៖ ទីក្រុង​តូក្យូ «គួរ​ជា​ម្ចាស់​ផ្ទះ» កីឡា​អូឡាំពិក​ឆ្នាំ​២០២០

នុងឱកាសទទួលទានអាហារពេលល្ងាច ជាមួយនឹងគណះកម្មាធិការកីឡាអូឡាំពិកអន្តរជាតិ ដែលក្នុងបំណងធ្វើកិច្ចពិភាក្សា និងវាយតម្លៃទៅលើទីក្រុងតូក្យូ ដើម្បីធ្វើជាម្ចាស់ផ្ទះ ក្នុងការប្រកួតកីឡាអូឡាំពិក នាឆ្នាំ ២០២០នោះ លោក អាបេ បាននិយាយថា «តូក្យូជាទីក្រុងដ៏ស្រស់ស្អាត និងមានចំណុចទាក់ទាញជាច្រើន ហើយវាជាមូលហេតុ ដែលធ្វើឲ្យយើងសង្ឃឹមថា វានឹងត្រូវបានគេជ្រើសរើស»។
Loading...
  • ដោយ: វិន ជីវ័ន្ត
  • កែប្រែចុងក្រោយ: March 07, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

នាយករដ្ឋមន្រ្តីនៃប្រទេសជប៉ុនលោក ស្ស៊ីនស្ស៊ូ អាបេ (Shinzo Abe) បាននិយាយថា ទីក្រុងតូក្យូ (Tokyo) គួរតែត្រូវបាន​ត្រៀមទទួលភ្ញៀវ កីឡាអូឡាំពិកឆ្នាំ ២០២០។ ដូច្នេះពួកគេអាចបង្ហាញពិភពលោក ឲ្យឃើញពីទិដ្ឋភាព នៃការស្ថាបនា​ឡើងវិញរបស់ប្រទេសនេះ ដែលទើបតែរួចផុតពីការរញ្ជួយដីនៅឆ្នាំ ២០១១ ព្យុះស៊ូណាមី (tsunami) និងបញ្ហានុយក្លេអ៊ែ ក្នុងពេលថ្មីៗនេះ។


លោក ស្ស៊ីនស្ស៊ូ អាបេ (ខាងស្ដាំ) ពេលប្រកាសជាផ្លូវការបេក្ខភាព របស់ទីក្រុងតូក្យូ។

ក្នុងឱកាសទទួលទានអាហារពេលល្ងាច ជាមួយនឹងគណះកម្មាធិការកីឡាអូឡាំពិកអន្តរជាតិ ដែលក្នុងបំណងធ្វើ​កិច្ច​ពិភាក្សា និងវាយតម្លៃទៅលើទីក្រុងតូក្យូ ដើម្បីធ្វើជាម្ចាស់ផ្ទះ ក្នុងការប្រកួតកីឡាអូឡាំពិក នាឆ្នាំ ២០២០នោះ លោក អាបេ បាននិយាយថា «តូក្យូជាទីក្រុងដ៏ស្រស់ស្អាត និងមានចំណុចទាក់ទាញជាច្រើន ហើយវាជាមូលហេតុ ដែលធ្វើឲ្យយើង​សង្ឃឹមថា វានឹងត្រូវបានគេជ្រើសរើស»។

គាត់បាននិយាយបន្តថា «វាជាគ្រោះមហន្តរាយ ដែលធ្វើឲ្យកើតមាន ការរញ្ជួយដី រលកយក្សស៊ូណាមី និងបញ្ហានុយក្លេអ៊ែ។ ប៉ុន្តែវាជាការរស់ឡើងវិញផងដែរ»។

លោក អាបេ វ័យ៥៨ឆ្នាំ ដែលបានចាកចេញពីដំណែងនាយករដ្ឋមន្រ្តី នៅឆ្នាំ២០០៧ ដោយសារតែបញ្ហាសុខភាព​របស់​គាត់​នោះបានឈរឈ្មោះ បោះឆ្នោតម្តងទៀត កាលពីខែធ្នូរឆ្នាំមុន ហើយបានជោគជ័យ និងកាន់អំណាចឡើងវិញ។

លោក បានបន្តទៀតថា «សេចក្តីមេត្តាធម៌ ភាពក្លាហាន និងភាពស្ងប់ស្ងាត់នៃគ្រោះមហន្តរាយទាំងនោះ បានធ្វើឲ្យខ្ញុំក្រោក​ឈរម្តងទៀត។ ក្តីសង្ឃឹមរបស់ខ្ញុំ គឺធ្វើយ៉ាងឲ្យមានភាពប្រសើរឡើង ហើយយើងចង់មានឱកាសស្រោចស្រង់ឡើងវិញ។ វា​ជាសារដ៏មានឥទ្ធិពលមួយ បើសិនជាទីក្រុងតូក្យូបានធ្វើជាម្ចាស់ផ្ទះ នោះវានឹងបង្ហាញដល់ពិភពលោកទាំងមូល​ បានឃើញ»។

ក្នុងការពិភាក្សាកាលពីថ្ងៃពុធ កន្លងទៅ គណះកម្មាធិការកីឡានៃទីក្រុងតូក្យូបានប្រាប់ឲ្យដឹងថា «ផ្នែកខាងដឹកជញ្ជូន និង​ការធ្វើដំណើរ មានភាពល្អគ្រប់គ្រាន់ ក្នុងការប្រកួតអូឡាំពិក ឆ្នាំ២០២០»។

លោកវិស្វករ តាកាយូគី គីស្ស៊ី (Takayuki Kishii) បាននិយាយថា «យើងមិនសាងសង់អ្វីៗ សំរាប់តែការប្រកួតកីឡា​អូឡាំពិកទេ។ យើងស្ថាបនាទៅតាមគម្រោង ដ៏វែងឆ្ងាយរបស់យើង ហើយធ្វើយ៉ាងណា ឲ្យមានប្រយោជន៏បម្រើដល់​កីឡា​អូឡាំពិកដែរ»។

គួររំឭកថា គណះកម្មាធិការកីឡាអូឡាំពិក បានផ្តល់សិទ្ធធ្វើជាម្ចាស់ផ្ទះ កីឡាអូឡាំពិកឆ្នាំ ២០១៦ ទៅអោយទីក្រុង រូយ៉ូ ដឺចេនេរ៉ូ (Rio de Janeiro) នៃប្រទេសប្រេស៊ីល ដែលជាការទទួលបានសិទ្ធមុនដំបូងគេបង្អស់ ក្នុងតំបន់អាមេរិកខាងត្បូង។ ប៉ុន្តែទីក្រុងមួយនេះ មានការស្ថាបនាយឺតយ៉ាវ ចំពោះគម្រោងរបស់អូឡាំពិក ទៅតាមការកំណត់។

ទីក្រុងតូក្យូ ជាបេក្ខភាពមួយ ក្នុងចំណោមបេក្ខភាពទាំងបី ដែលប្រជែងគ្នា យកសិទ្ធធ្វើជាម្ចាស់ផ្ទះ នៃកីឡាអូឡាំពិក ឆ្នាំ​២០២០។ ហើយទីក្រុងនៃប្រទេសជប៉ុនមួយនេះ ធ្លាប់បានធ្វើជាម្ចាស់ផ្ទះរួចម្តងមកហើយ កាលពីឆ្នាំ១៩៦៤។ រីឯទីក្រុង​ចំនួន២ទៀត ដែលត្រូវធ្វើការប្រជែងដែរនោះ គឺទីក្រុង ម៉ាឌ្រីដ (Madrid) របស់ប្រទេសអេស្ប៉ាញ និងទីក្រុង អ៊ីស្តេនប៊ុល (Istanbul) របស់ប្រទេសទូរគី៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី០៧ ខែមិនា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...