សួន សេរីរដ្ឋា៖ អាចារ្យ A ជា​មេ​ចោរ​កម្រិត A

ក្រៅពីក្រុមអ្នកសារព័ត៌មានខ្លួនឯង ពាក្យ​ប្រមាថរបស់លោក សេង ប៊ុនវ៉េង ហៅ​អាចារ្យ A ដែលហៅ​​ក្រុម​អ្នក​កាសែត ជា​​សត្វ​​ត្មាត ឬ​ចោរនោះ បាន​ទទួល​​ប្រតិកម្ម ពីប្រធាន​គណបក្ស​អំណាច​ខ្មែរ យ៉ាងចាស់ដៃ។ លោក សួន សេរីរដ្ឋា បាន​ហៅ​នាយក​វិទ្យុ ABC លោក​អាចារ្យ A ថាជា«មេចោរកម្រិត A»។
សួន សេរីរដ្ឋា៖ អាចារ្យ A ជា​មេ​ចោរ​កម្រិត A
ពីឆ្វេងទៅស្ដាំ៖ លោក សេង ប៊ុនវ៉េង ហៅអាចារ្យ A នាយកវិទ្យុ ABC និងលោក សួន សេរីរដ្ឋា ប្រធានគណបក្ស អំណាចខ្មែរ។ (រូបថតលើហ្វេសប៊ុក)
Loading...
  • ដោយ: ដារា រិទ្ធ ([email protected]) - ភ្នំពេញ ថ្ងៃទី២៨ កញ្ញា ២០១៦
  • កែប្រែចុងក្រោយ: September 29, 2016
  • ប្រធានបទ: សារព័ត៌មាន-កម្ពុជា
  • អត្ថបទ: មានបញ្ហា?
  • មតិ-យោបល់

គឺ«អាចារ្យ A ហៅ អាចោរ A នោះទេ ដែលវាជា មេចោរកម្រឹត A រហូតដល់​ថ្នាក់​នាយរដ្ឋមន្ត្រី​ស្រុក​ខ្មែរ ក៏​សុខ​ចិត្ត​បំបាក់​មន្ត្រី ដែលខំអនុវត្តន៍ច្បាប់ ដើម្បី​យកចិត្ត អាចោរ A នេះដែរ» នេះជាការឧទានឡើងខ្លាំងៗ របស់​លោក សួន សេរីរដ្ឋា ប្រធានគណបក្សអំណាចខ្មែរ តបទៅលោក សេង ប៊ុនវ៉េង ដែល​បាន​ថ្លែង​​កាល​​ពី​ប៉ុន្មាន​ថ្ងៃ​មុន ប្រមាថ​អ្នកសារព័ត៌មាន ថាជាសត្វត្មាត ឬជាចោរ។

លោក សេរីរដ្ឋា បានថ្លែងដូច្នេះ នៅលើទំព័រហ្វេសប៊ុករបស់លោក ក្នុងនាមលោក​ជាអតីត​អ្នកសារព័ត៌មាន​មួយ​រូប និងបានអះអាងថា លោក​មិន​ដែល​ឃើញអ្នកកាសែតខ្មែរ ដើរលួច ដើរប្លន់ ទ្រព្យរបស់គេទេ បើទោះ​ជា​ពួក​គេ មាននិន្នាការប្រកាន់ ឬមិន​ប្រកាន់​គណបក្ស​នយោបាយក៏ដោយ។ តែ​ផ្ទុយ​ទៅ​វិញ ប្រធាន​គណបក្ស​រូប​នេះ បាន​ថ្លែង​ឡើងថា៖ «សង្គម​ខ្មែរ និង​ពលរដ្ឋខ្មែរ ហែលឆ្លងសមុទ្រទុក្ខ មិនរួចរហូតដល់ថ្ងៃនេះ គឺ​ដោយ​សារតែ ពួក​អាចោរ ពាក់​​ឈ្មោះ អាចារ្យ នេះ​​ហើយ»។

ការប្រមាថ​អ្នកសារព័ត៌មាន ពីសំណាក់លោក សេង ប៊ុនវ៉េង ត្រូវបានក្រុមអ្នកសារព័ត៌មាន សំដែង​ប្រតិកម្ម​យ៉ាង​​ខ្លាំងក្លា រាប់តាំងពីថ្ងៃទី២៧ ខែកញ្ញាមក។ ក្រុមអ្នកសារព័ត៌មានខ្លះ បានទាមទារឲ្យនាយកវិទ្យុ ABC ដែល​មាន​ដើមកំណើតជាថៃរូបនេះ ធ្វើការសុំទោសជាសាធារណៈ។ ក្រុមអ្នក​សារព័ត៌មាន​ទាំង​នោះ បាន​ធ្វើ​អត្ថា​ធិប្បាយ​ថា ការលើកឡើងរបស់លោក សេង ប៊ុនវ៉េង គឺជា​ការសង​សឹក​ទៅលើអ្នកសារព័ត៌មាន ដែល​បាន​រាយការណ៍ ពី​សកម្មភាព​​មិន​ប្រក្រតី​មួយ​ចំនួន​របស់លោក ក្នុងពេលកន្លងមក រួមមានទាំងការ​បំពាន​ច្បាប់ ​អសីលធម៌​ ការ​លើក​ទឹក​ចិត្ត​ ឲ្យ​ស្ត្រី​បម្រើការ​ក្នុង​ហាង​ខា​រា​អូ​ខេ លក់ខ្លួន​ឲ្យ​ពួក​​អ្នកមាន​លុយ និង​ប្រើប្រាស់​រថយន្ត​​គិលាន​​សង្គ្រោះ​​ ទៅ​ដឹក​​ទឹក​​ត្របែក​លក់​ ដោយ​ខុសច្បាប់​ជាដើម​។

តែមេដឹកនាំ​គណបក្សអំណាចខ្មែរ លោក សួន សេរីរដ្ឋា ទំនងជាដឹងប្រវត្តិលោក «អាចារ្យ A» ច្បាស់ជាង​អ្នក​សារព័ត៌មាន។ លោក រដ្ឋា បានចោទ​ជា​សំណួរ​ដូច្នេះ៖ «តើអាចោរ A វាជានណា ?» មុននឹងឆ្លើយ​​ដោយ​​ខ្លួន​លោក មកវិញថា៖ «វារកស៊ីជួញដូរ លក់គ្រឿងទឹកផ្លែឈើ អត់ច្បាប់ អត់ចុះបញ្ជី - យក​រថយន្ត​​បិទ​ស្លាក​​សង្គ្រោះ​បន្ទាន់ រួច​ដឹក​ទំនិញ​អត់​ច្បាប់ - ចតរថយន្តបង្រៀនបើកបរ របស់ខ្លួននៅលើផ្លូវ ដែលគេហាមចត -  ហើយ​ឥឡូវ មក​ចោទ​​អ្នក​កាសែត​ខ្មែរ ថាជាចោរ ដែលខ្លួនឯងជាចោរ គឺធ្វើអាជីវកម្មជាចោរ ជ្រក​ក្រោម​​ស្លាក​មនុស្សធម៌​​នោះ?»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...