ចៅហ្វាយ​ក្រុង​តូក្យូ ជា​«ស្ត្រី​លើក​ដំបូង​បង្អស់»

អ្នកស្រី យូរីកូ កូអ៊ីកេ (Yuriko Koike) បានជាប់ឆ្នោតជាអភិបាលស្ត្រីដំបូងគេបង្អស់ នៃរាជធានី តូត្យូ ប្រទេស​ជប៉ុន។ មិន​ត្រឹម​តែ​ប៉ុណ្ណឹង​ទេ តែអ្នកស្រីនឹងមានអំរែកដ៏ធ្ងន់មួយ នោះគឺត្រូវរៀបចំ​ទីក្រុងដ៏ធំមួយនេះ ដើម្បី​ទទួល​ជំនួប​​«កីឡា​អូឡាំពិក» នា​ឆ្នាំ​២០២០​ខាង​មុខ។
ចៅហ្វាយ​ក្រុង​តូក្យូ ជា​«ស្ត្រី​លើក​ដំបូង​បង្អស់»
អ្នកស្រី យូរីកូ កូអ៊ីកេ ជាប់ឆ្នោតជាអភិបាលស្ត្រីដំបូងគេបង្អស់ នៃរាជធានី តូត្យូ។ (រូបថតរ៉យទ័រ)
Loading...
  • ដោយ: កេសរ កូល អត្ថបទ៖ កេសរកូល ([email protected]) - ភ្នំពេញ ថ្ងៃទី០១ សីហា ២០១៦
  • កែប្រែចុងក្រោយ: August 01, 2016
  • ប្រធានបទ: នយោបាយ
  • អត្ថបទ: មានបញ្ហា?
  • មតិ-យោបល់

ជាលើកដំបូងបង្អស់ ដែលអភិបាលរាជធានី នៃរាជណាចក្រជប៉ុន ត្រូវបានជ្រើសតាំងឡើង ជាស្ត្រី។ នេះបើ​តាមការប្រកាសឲ្យដឹង របស់ប្រព័ន្ធផ្សព្វផ្សាយជប៉ុន ដែលបានយោង ទៅលើការស្ទង់សម្លេងឆ្នោត បន្ទាប់​ពី​ការិយាល័យ​បោះឆ្នោត បានបិតទ្វា​តាំងពីល្ងាចថ្ងៃអាទិត្យ ម្សិលម៉ិញនេះមក។

អ្នកស្រី យូរីកូ កូអ៊ីកេ (Yuriko Koike) អាយុ៦៤ឆ្នាំ នឹងត្រូវឡើងមកកាន់តំណែង ជាអភិបាលរាជធានីតូត្យូ សម្រាប់​រយៈពេល៤ឆ្នាំ។ អតីតរដ្ឋមន្ត្រីខាងបរិស្ថាន និងខាងការពារជាតិរូបនេះ នឹងមានភារកិច្ចដ៏ធ្ងន់មួយ នោះ​គឺ​ត្រូវរៀបចំរាជធានី តូត្យូ ដើម្បីត្រៀមទទួលជំនួបពិភពលោក នៃកីឡាអូឡាំពិក នាឆ្នាំ២០២០ខាងមុខ។

នៅក្នុងអំឡុងពេល នៃការឃោសនាបោះឆ្នោត អ្នកស្រី កូអ៊ីកេ ដែលចេះនិយាយភាសាអង់គ្លេស និងអារាប់​យ៉ាង​ស្ទាត់ជំនាញនោះ បានថ្លែងទៅកាន់ពលរដ្ឋម្ចាស់ឆ្នោតថា៖ «ខ្ញុំនឹងដឹកនាំតូត្យូ តាមបែបផែន​ដ៏​ពិសេស​មួយ។ តូត្យូ នឹងក្លាយជាទីក្រុងមួយ ដែលអ្នកមិនដែលឃើញពីមុនមក។ (...) ជាទីក្រុង ដែលផ្ដល់ពន្លឺដល់​គ្រប់​គ្នា តាំង​ពី​កុមាររហូតដល់មនុស្សចាស់ និងជនពិកា ធ្វើយ៉ាងណាឲ្យជីវិត មានភាពថ្លៃថ្លា។»

ប៉ុន្តែការ​ត្រៀម​ទទួល កីឡាអូឡាំពិក ឆ្នាំ២០២០ (នៅចុងអណត្តិរបស់អ្នកស្រី) បានក្លាយជាសំនុំរឿង​ដ៏​ស្មុគ្រ​ស្មាញ តាំងពីច្រើនខែមកហើយ។ ស្មុគ្រស្មាញ ព្រោះមានបញ្ហាជាច្រើន បានរួមរិតរាជធានី​ដែលសម្បូរ​ដោយ​មនុស្ស​រស់​នៅ​​ដ៏កកកុញ (ជាង១៣លាននាក់) ដូចជា៖

ការសម្រេច រើសយករាជធានី តូត្យូ មកធ្វើជាទីកន្លែងជំនួប សម្រាប់កីឡាគ្រប់វិញ្ញាសារ របស់ពិភពលោកនេះ បានរងការសង្ស័យថា មានទាក់ទងនឹងអំពើពុករលួយ ខណៈគម្រោងសាងសង់ពហុកីឡាដ្ឋានថ្មី សម្រាប់​ទទួល​កីឡាអូឡាំពិកនេះ ក៏ត្រូវបានលប់ចោលវិញដែរ បន្ទាប់ពីផ្ទុះសង្គ្រាមសំដី​យ៉ាងខ្លាំងក្លា អស់ជា​ច្រើន​សប្ដាហ៍។ ជាពិសេស អតីតអភិបាលមុន ទើបនឹងបានលាលែងពីតំណែង កាលពីខែមិថុនានេះ បន្ទាប់​ពី​រង​ការ​ចោទ​ប្រកាន់ ថាកេងយកមូលនិធិនយោបាយ ទៅបម្រើឲ្យប្រយោជន័ផ្ទាល់ខ្លួន៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...