អាមេរិក​បង្ហោះ​យន្ដហោះ​ទម្លាក់​គ្រាប់​បែក​នៅ​កូរ៉េ បង្ហាញ​ឥទ្ធិពល​

យន្ដហោះទម្លាក់គ្រាប់បែក របស់អាមេរិក បានធ្វើការហោះហើរ នាថ្ងៃអាទិត្យនេះ នៅក្នុងផ្ទៃ​អាកាស នៃ​​ប្រទេស​កូរ៉េ​ខាង​ត្បូង។ ការហោះហើរ បាន​ធ្វើឡើងបួន​ថ្ងៃក្រោយ ការបំផ្ទុះ​គ្រាប់បែក​នុយក្លេអ៊ែរ របស់​ទីក្រុង​​ព្យុងយ៉ាង (ប្រទេស​កូរ៉េ​ខាង​ជើង) បង្កឲ្យភាព​តានតឺង​​កើតឡើង​ជាថ្មី។
អាមេរិក​បង្ហោះ​យន្ដហោះ​ទម្លាក់​គ្រាប់​បែក​នៅ​កូរ៉េ បង្ហាញ​ឥទ្ធិពល​
យន្ដហោះទម្លាក់គ្រាប់បែក ប្រភេទ «B52 Stratofortress» របស់អាមេរិក និងចំនួនគ្រាប់បែក ដែលអាចត្រូវបំពាក់ជាមួយយន្ដហោះ។ (រូបថត Wikipedia)
Loading...
  • ដោយ: កេសរ កូល អត្ថបទ៖ កេសរកូល ([email protected]) - ភ្នំពេញ ថ្ងៃទី១០ មករា ២០១៦
  • កែប្រែចុងក្រោយ: January 11, 2016
  • ប្រធានបទ: នុយក្លេអ៊ែរ
  • អត្ថបទ: មានបញ្ហា?
  • មតិ-យោបល់

យន្ដហោះទម្លាក់គ្រាប់បែក សម្រាប់រយៈឆ្ងាយធុន «B52 Stratofortress»  របស់សហរដ្ឋអាមេរិក បាន​​ធ្វើការ​ហោះឆ្វែល នៅថ្ងៃអាទិត្យនេះ ពីលើប្រទេសកូរ៉េខាងត្បូង។ ជាការបង្ហាញកម្លាំងដ៏តូចមួយ ពី​​សំណាក់​​កងទ័ព​អាមេរិក នៅបួនថ្ងៃ​ក្រោយពីការសាកល្បង គ្រាប់បែកនុយក្លេអ៊ែរ ប្រភេទ «H (ដែល​ជា​អក្សរ​កាត់ ពី​​ពាក្យ Hydrogène)» ប្រកប​ដោយ​មន្ទិលមួយ របស់រដ្ឋាភិបាលកុម្មុយនីស នៃប្រទេសកូរ៉េខាងជើង។

យន្ដហោះប្រដេញ ដែលមានសមត្ថភាពទម្លាក់គ្រាប់បែក ក្នុងចម្ងាយឆ្ងាយខាងលើនេះ ក៏អាចមាន​សមត្ថភាព ក្នុងការផ្ទុកអាវុធនុយក្លេងអ៊ែរ បានដែរ។ កងទព័រអាមេរិក បានពន្យល់ថា យន្ដហោះបានហោះ ក្នុង​រយៈ​​ពេល​ខ្លីមួយ ពីលើមូលដ្ឋានកងទ័ពអាកាស «Osan» ដែលមានចំងាយប្រមាណជា ៧០គីឡូម៉ែត្រ ពីភាគ​ខាង​ត្បូង នៃ​ព្រំដែន​របស់ប្រទេសកូរ៉េទាំងពីរ មុននឹងត្រឡប់មកចុះចត នៅលើមូលដ្ឋានយោធាដដែល។

សម្ភារៈសិកធុនធ្ងន់របៀបនេះ តែងត្រូវបានប្រើប្រាស់ ជាញ៉យដង នៅក្នុងការធ្វើសមយុទ្ធប្រចាំឆ្នាំ រវាង​សហរដ្ឋ​អាមេរិក និងប្រទេសកូរ៉េខាងត្បូង។ ផ្ទុយទៅវិញ ការបញ្ចេញ«មហិទ្ធិរិទ្ធិ»​ឲ្យដឹង ជា​សាធារណៈ​​របៀប​នេះ កម្រ​កើត​មាន​ឡើងណាស់។ គេនៅចាំបាន ថាការការហោះហើរ​ជាសាធារណៈ របស់យន្ដហោះ​​ប្រដេញ​​ធុនធ្ងន់​ខាង​លើ​ ត្រូវបានធ្វើម្ដងដែរ កាលពីឆ្នាំ២០១៣កន្លងទៅ បន្ទាប់ពីប្រទេសកុម្មុយនីសកូរ៉េខាងជើង បាន​សាកល្បង​គ្រាប់​បែក​នុយក្លេអ៊ែរ ជាលើកទីបី។ នាពេលនោះ យោធាអាមេរិកបានដាក់ពង្រាយ យន្ដហោះ​ប្រភេទ​​នេះ​​មួយ​គ្រឿង និង​ប្រភេទសំកាំង «B2» មួយគ្រឿងទៀត។

ថ្កោលទោសជាអន្តរជាតិ...

ការហោះហើរជាថ្មី របស់យន្ដហោះ «B52 Stratofortress» បានធ្វើឡើងជាថ្មី នៅបួនថ្ងៃក្រោយ ការអះអាង​​របស់​ប្រទេសកូរ៉េខាងជើង ដែលបានឲ្យដឹងថា ប្រទេសនេះបានសម្រេចជាស្ថាពរ នូវការសាកល្បង​គ្រាប់​បែក​នុយក្លេអ៊ែរ ប្រភទ«H» កាលពីថ្ងៃពុធ។ បើទោះជាអ្នកជំនាញជាច្រើន មិនបានបង្ហាញការជឿជាក់ ១០០​ភាគ​រយ​ទៅ​​លើ​​សមត្ថភាព (ក្នុងការផលិតគ្រាប់បែកប្រភេទ«H»-Editor's note) របស់ប្រទេសកុម្មុយនីស​ក៏​ដោយ ក៏​ការ​ប្រកាស​សាកល្បងអាវុធនុយក្លេអ៊ែរ ជាលើកទីបួន របស់រដ្ឋាភិបាលក្រុងព្យុងយ៉ាងនេះ បានបង្ក​ឲ្យ​មាន​ប្រតិកម្ម និង​ការ​ថ្កោល​ទោសយ៉ាងខ្លាំងក្លា ពីសំណាក់សហគមន៍អន្តរជាតិ។

ប្រទេសធំៗ និងប្រទេសដែលជាប់ពាក់ព័ន្ធជាច្រើន បានកោះហៅមន្ត្រីការទូត របស់ប្រទេសកូរ៉េខាងជើង មក​ធ្វើការសាកសួរ និងប្រគល់សារប្រឆាំង នឹងការពង្រីកអាវុធនុយក្លេអ៊ែរ ដែលបានរំលោភទាំងស្រុង ទៅលើ​ដំណោះ​ស្រាយ​នាពេលកន្លងមក របស់អង្គការសហប្រជាជាតិ។ ការកោះប្រជុំជាបន្ទាន់មួយ នៃក្រុម​ប្រឹក្សា​សន្តិសុខ របស់​អង្គការសហប្រជាជាតិ ត្រូវបានធ្វើភ្លាមៗ ក្រោយការប្រកាសរបស់ក្រុងព្យុងយ៉ាង និង​បាន​សម្រេច​​ថា នឹងស្វែងរកការដាក់ទណ្ឌកម្ម ថ្មីៗបន្ថែមទៀត ទៅលើប្រទេសកុម្មុយនីស ខណៈប្រទេសនេះ​​កំពុង​​រង​ទណ្ឌកម្ម​ស្រាប់៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...