បន្ទាប់ពីបានឆ្លងកាត់​វគ្គជាច្រើនរួចមក បេក្ខជន ម៉ៅ ហាជី បានឈានដល់វគ្គ «Live show» ក្នុងសប្តាហ៍ទី២ ដែល​មានបេក្ខជនសរុបចំ នួន ១០ នាក់ ដែលសុទ្ធតែមានសមត្ថភាព ក្នុងការច្រៀងគ្រប់ៗគ្នា។ ប៉ុន្តែអ្វីដែល​ប្លែក​នោះ គឺបេក្ខជនរូបនេះ បានវិវត្តខ្លួនពីមួយវគ្គ ទៅមួយវគ្គ កាន់តែខ្លាំងឡើង រហូតធ្វើឲ្យគណះកម្មការទាំង ៤ រូប មិន​សរសើរ​មិនបាន។

ក្នុងវគ្គ «Live show» សប្តាហ៍ទី២ បេក្ខជន ម៉ៅ ហាជី ដែលមានដើមកំណើត នៅខេត្តបាត់ដំបង បាន​បក​​ស្រាយ​បទចម្រៀងមួយ ដែលមានចំណងជើងថា «បោក»ដែលជាសំនៀងដើមរបស់លោក ខេមរៈ សិរីមន្ត។ បេក្ខជន​នេះ បានទទួលការគាំទ្រយ៉ាងខ្លាំង ពីសំណាក់ទស្សនិជន ដែលទស្សនាផ្ទាល់ និងនៅតាម​បណ្តាញ​សង្គម។ លើសពីនេះទៅទៀត លោកក៏ជាបេក្ខជន ដែលបានទទួលការផ្ញើសារគាំទ្រ ច្រើនជាង​គេ​បំផុត នៅ​ក្នុង​ចំណោម​បេក្ខជនទាំង១០រូប នោះដែរ។

ចំណែកឯគណះកម្មការទាំង៤រូបវិញ បានសរសើរមិនដាច់ពីមាត់ ពីសមត្ថភាពរបស់បេក្ខរូបនេះ។ ក្នុង​ចំណោម​គណះកម្មការទាំង៤រូប លោកព្រាប សុវត្ថិ បានថ្លែងថា៖ «ខ្ញុំអត់មានអីនិយាយទេ» ទៅលើ ការ​ផ្តល់​មតិ​យោបល់ ចំពោះបេក្ខជន ម៉ៅ ហាជី ព្រោះគាត់ស័ក្ដិសមជាអ្នកចម្រៀងណាស់ ទាំងសមត្ថភាព និង​រូប​សម្បត្តិ៕

------

-------------