ជិះ​ម៉ូតូ​មក​វាយ​សម្លាប់ ទាំង​មិន​ដឹង​មូលហេតុ នៅ​មុខ​ពេទ្យ​រ៉ូស្ស៊ី

ករណីឃាតកម្មដ៏រន្ធត់មួយ បានកើតឡើងនៅម្ដុំពេទ្យរ៉ូស្ស៊ី កណ្ដាលរាជធានីភ្នំពេញ ដោយមិនដឹងថា​មានមូលហេតុអ្វី។
Loading...
  • ដោយ: ក. ស្រីនាង អត្ថបទ៖ ក. ស្រីនាង ([email protected]) - យកការណ៍ ៖ ហេង វុទ្ធី - ភ្នំពេញថ្ងៃទី ១១ កញ្ញា ២០១៥
  • កែប្រែចុងក្រោយ: September 21, 2015
  • ប្រធានបទ: ឃាតកម្ម
  • អត្ថបទ: មានបញ្ហា?
  • មតិ-យោបល់

ឃាតកម្មនេះបានកើតឡើង នៅវេលាម៉ោង ២៣ និង ១០នាទី យប់ថ្ងៃទី ១០ ខែ កញ្ញា ឆ្នាំ២០១៥ នៅតាម​បណ្តោយផ្លូវ ២៧១ ទល់មុខមន្ទីពេទ្យរូស្ស៊ី ក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ បណ្តាល​ឲ្យ​យុវជន​ដែលជាជនរងគ្រោះស្លាប់ភ្លាមៗ នៅនឹងកន្លែងកើតហេតុ។

ជនរងគ្រោះមានឈ្មោះ ហ៊ឹង បូរិន ភេទប្រុស អាយុ ២៣ ឆ្នាំមុខរបរជាបុគ្គលិកនៅផ្សារឡាក់គី (Lucky) នៅ​ពេលមានរឿង បានជិះម៉ូតូសង ១២៥ ពណ៍ខ្មៅមានស្លាកលេខ 1B 5677 ភ្នំពេញ ធ្វើដំណើរពី កើត​ទៅ​លិច។ ប៉ុន្តែម៉ូតូរបស់ជនរងគ្រោះ មិនបានបាត់ទៅណាទេ ដែលធ្វើឲ្យគេយល់ថា នេះមិនមែនជាករណីប្លន់ យក​ទ្រព្យ​សម្បត្តិនោះឡើយ។

តាមប្រភពព័ត៍មាន ពីកន្លែងកើតហេតុ បានឲ្យដឹងថា មុននឹងកើតហេតុ គេឃើញបុរសដែលជាជនរងគ្រោះ ជិះម៉ូតូតែម្នាក់ឯង ស្រាប់តែពេលជិះមកដល់កន្លែងកើតហេតុ ស្រាប់តែមានជនសង្ស័យពីរនាក់ ជិះម៉ូតូម៉ាក Duke មិនស្គាល់ស្លាកលេខ មកពីក្រោយបានគប់ដុំថ្ម ទៅលើជនរងគ្រោះឲ្យដួល រួចបាននាំគ្នាចុះ​មកវាយ​ជន​រងគ្រោះ រហូតស្លាប់នៅនឹងកន្លែងតែម្តង។

បន្ទាប់ពេលកើតហេតុ ជនសង្ស័យបាននាំគ្នាជិះម៉ូតូ គេចខ្លួនបាត់ដោយសុវត្ថិភាព ដោយបន្សល់ទុក នូវ​សាក​សព និងម៉ូតូរបស់ជនរងគ្រោះ នៅកន្លែងខាងលើ។

ក្រោយពីកើតហេតុ ក្រុមសមត្ថកិច្ចបានចុះ មកដល់កន្លែងកើតហេតុ ដើម្បីពិនិត្យមើល ហើយបាន​ប្រគល់​សាកសពទៅសាច់ញាតិរបស់ជនរងគ្រោះ យកទៅធ្វើបុណ្យនៅវត្តសំបួរមាស។ ប៉ុន្តែនៅក្នុងករណី​ឃាតកម្ម​នេះ សមត្ថកិច្ចនៅមិនទាន់ធ្វើការសន្និដ្ឋាន ថាមកពីមូលហេតុអ្វីនៅឡើយ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...