ហេតុការណ៍ ឃាត់ខ្លូនស្រ្តីបុរស ដែលគេមិនស្គាល់ អត្តសញ្ញាណទាំងបីរូប ខាងលើនេះ បានកើតឡើង កាល​ពី​ម៉ោង៨ យប់យប់ថ្ងៃទី០៦ ខែកក្កដា ឆ្នាំ២០១៥ នៅចំនុចផ្ទះជួល ក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ។ ក្នុងនោះដែរ មន្ត្រីរបស់ការិយាល័យ ប្រឆាំងគ្រឿងញៀន បានដកវត្ថុតាង មួយចំនួនមាន អាឌី(ID)មួយគ្រឿង កាំបិតចំនូន០៥ និងឧបករណ៍ប្រើប្រាស់ ជាមួយថ្នាំញៀន មួយចំនួនទៀត នៅទីតាំងខាង​លើ។

បន្ទាប់ពីធ្វើការដកហូតរួចរាល់ អ្នកទាំងបី ត្រូវបានបញ្ជូនខ្លូន ទៅកាន់អធិការដ្ឋានខណ្ឌទួលគោក។ មន្រ្តី​ការិយាល័យ ប្រឆាំងការជួញដូរគ្រឿងញៀន បានបញ្ជាក់ចុងក្រោយថា ក្រុមបុរសស្រ្តី ដែលគេឃើញ ប្រើ​ប្រាស់​គ្រឿងញៀននេះ ជាមុខសញ្ញា របស់មន្រ្តីមានសម្ថកិច្ច នៅក្នុងតំបន់ជាយូមកហើយ។ រហូតមកដល់យប់​ថ្ងៃ​ទី ០៦ ខែកក្កដា ឆ្នាំ២០១៥ ទើបកម្លាំងរបស់លោក សម្រេចឃាត់ខ្លួនបាន៕