ក្រុមជនសង្ស័យទាំង០៤នាក់ ត្រូវបានគេស្គាល់ថា ជាកម្មករសំណង់ ស្នាក់នៅក្នុងបរិវេណកោះពេជ្រ ម្តុំគល់​ស្ពានកោះពេជ្រ។ ជនសង្ស័យទីមួយ ឈ្មោះ យុត ភក្រ្តា អាយុ២២ឆ្នាំ ទីពីរឈ្មោះ វ៉ាន់ ស៊ីថា អាយុ១៧ឆ្នាំ និង​ទីបីឈ្មោះ សុខ សាយ អាយុ២០ ឆ្នាំ ចំណែកឯម្នាក់ចុងក្រោយ ឈ្មោះ សុខ ខួច អាយុ១៧ឆ្នាំ។ អ្នកទាំងបួន មានស្រុកកំណើត នៅខេត្តកំពង់ឆ្នាំងដូចគ្នា។

ហេតុការណ៍នេះ បង្ករឲ្យមានការភ្ញាក់ផ្អើល ដល់នគរបាលប៉ុស្តិ៍ ចុះធ្វើការឃាត់ខ្លូន កាលពីវេលាម៉ោង ១២​និង​៣០នាទី យប់ថ្ងៃទី០៦ ខែកក្កដា ឆ្នាំ២០១៥។ អ្វីដែលនគរបាល បានរកឃើញ និងបង្កឲ្យមានការភ្ញាក់ផ្អើល​នោះ គឺអាវុធដែលជនសង្ស័យបានប្រើ ជា«ជំពាមកៅស៊ូ»ចំនួន២គ្រឿង ដែលប្រើប្រាស់គ្រាប់ ប្រភេទខ្ចៅបាទ្បុង និងគ្រាប់ដែកកាត់ សម្រាប់បាញ់។

ក្រោយពេលឃាត់ខ្លូន កម្លាំងនគរបាល បានរកឃើញវត្ថុតាង ជំពាមកៅស៊ូចំនួន២ គ្រាប់បាញ់ជាដែកកាត់ ចំនួន៣៩គ្រាប់ ខ្ចៅបាទ្បុងបាញ់ចំនួន១៥គ្រាប់ និងឧបករណ៍ប្រើប្រាស់ ជាមួយជំពាមដៃផ្សេងទៀត។ បច្ចុប្បន្ន អ្នកទាំង០៤ ត្រូវបានបញ្ជូនខ្លូន ទៅសាកសួរបន្ថែម នៅអធិការដ្ឋានខណ្ឌដូនពេញ៕