នាង អាលីស ស្ទីរ៉េត (Alice Stirrat) អាយុ២២ឆ្នាំ បានមករស់នៅក្នុងក្រុងហុងកុង តាំងពី៤ខែមកហើយ ដើម្បី​ការងាររបស់នាង ក្នុងនាមជាភ្នាក់ងារបង្ហាញម៉ូដ។ ប៉ុន្តែយុវតីរូបនេះ អាចនឹងជួបញ្ហា នៅពេលដែល​វីដេអូ​មួយ​របស់​នាង ថតដោយមិត្តរបស់នាង ម្នាក់ទៀតអាយុ ២៣ឆ្នាំ នាង អែលម៉ា ស្ទូប (Emma Stubbs) បាន​ថត​ហើយ​យកទៅបង្ហោះ នៅលើបណ្ដាញសង្គម។

នៅបន្ទាប់ពីត្រឡប់ មកពីពិធីជប់លៀងមួយ ដ៏ជោគជាំដោយសុរា យុវតីទាំងពីបានដើរលេង នៅតាមដងផ្លូវ ហើយបានដោះអាវ របស់ពួកនាងចោលទាំងអស់ និងបន្ទាប់មកបានយកថាំលាប ពណ៌ស មកលាប​ពាស​ពេញ​ខ្លួន។

នៅក្នុងវីដេអូដែលត្រូវបានយកមកបង្ហោះ នៅលើបណ្ដាញសង្គម «WhatApp» គេបានដឹងថា នាង អែលម៉ា កំពុងថតវីដេអូ មិត្តរបស់នាង យុវតី អាលីស ដែលកំពុងយកដៃមកត្រដុស ច្របាច់សុដន់របស់នាង ជាច្រើន​ដង។ ជាមួយនឹងកាយវិការនេះ នាង អាលីស ថែមទាំងនិយាយ «បន្សើមខ្ញុំ បន្ដិចមកៗ!» តាមសំនៀង​ភាសា​ចិននោះផងទៀត។

រូបភាពវីដេអូ ត្រូវបានចែករំលែកពាសពេញបណ្ដាញសង្គម នៅចិន និងបានបង្កឲ្យផ្ទុះការក្ដៅក្រហាយ ដល់​បណ្ដាជនម្ចាស់ស្រុក។ សារព័ត៌មានអង់គ្លេស «The Sun» ដែលបានយកករណីនេះ មករាយការណ៍ បាន​រៀបរាប់ថា ការបង្ហាញសុដន់ ឬការស្រាតជាសាធារណៈ ត្រូវបានចាត់ទុក ជាការម៉ាក់ងាយមួយ សម្រាប់​ទំនៀម​ទម្លាប់ប្រជាជនចិន។ ទង្វើនេះអាចរងនឹងការផ្ដន្ទាទោស ៦ខែ នៅក្នុងពន្ធនាគារ។ សារព័ត៌មាន​អង់គ្លេស​មួយទៀត «Daily Mail» បានទាក់ទងកញ្ញា អែលម៉ា ស្ទូប ដើម្បីសុំការបកស្រាយ តែនាងបាន​បដិសេធ​មិន​ធ្វើអត្ថាធិប្បាយទេ៕