ហេតុការណ៍នេះ បង្ករឲ្យមានការភ្ញាក់ផ្អើល កាលពីវេលាម៉ោង ១ និង៤០នាទី រំលងអធ្រាត ថ្ងៃទី០២ ខែ​កក្កដា ឆ្នាំ២០១៥ នៅចំណុចជិតផ្សារអូឬស្សី ក្នុងសង្កាត់បឹងព្រលឹត ខណ្ឌ៧មករា រាជធានីភ្នំពេញ ខណៈ​ដែល​ជន​សង្ស័យ កំពុងជិះម៉ូតូម៉ាកឌ្រីម ពណ៍ខ្មៅ ស្លាកលេខ ១CV-០៤៦៩ ធ្វើសកម្មភាពប្លន់ នៅ​តាម​ផ្លូវ។

មន្រ្តីនគរបាលខណ្ឌ៧មករា បានបញ្ជាក់ឲ្យដឹងថា ក្រុមបក្សពួកជនសង្ស័យ ដែលកម្លាំងរបស់លោកបាន​ឃាត់ខ្លូននេះ មានរហ័សនាម «ក្រុមអាសង់ និងMSX» ដែលជាមុខសញ្ញា តាមចាប់របស់អាជ្ញាធរ ជាយូរមក​ហើយ។ មន្ត្រីនគរបាលដដែល បានបន្តថា នៅពេលឃាត់ខ្លូន ជនសង្ស័យទាំងពីរ បានតដៃជាមួយកម្លាំង​របស់លោក ដោយប្រើកាំភ្លើខ្លី K៥៤ បាញ់ទៅប៉ូលិស កំពុងដេញពីក្រោយ២គ្រាប់ តែបាញ់មិនផ្ទុះ។ បន្ទាប់​ពីបានសួរនាំ នៅពេលឃាត់ខ្លូន ជនសង្ស័យទាំងពីរូប បានប្រាប់នគរបាលថា បក្សពួករបស់ខ្លូន ស្នាក់នៅផ្ទះ​ជួល ជិតសាលា IU ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

នគរបាលខណ្ឌ៧មករា សហការណ៍ជាមួយនគរបាលខណ្ឌសែនសុខ បានចុះចាប់ជនសង្ស័យ​ចំនួនពីរនាក់​ទៀត តាមការចង្អុលបង្ហាញ របស់អ្នកទាំងពីរ។ ក្នុងនោះ បានម៉ូតូ២គ្រឿង ម៉ាក MSXមួយគ្រឿង និងម៉ាក scopy ស្លាកលេខ ភ្នំពេញ១CQ-២៨០៥ មួយគ្រឿង៕