ជនសង្ស័យទាំង០៦រូបនោះ សុទ្ធតែជាមនុស្សប្រុសទាំងអស់ ដែលមានឈ្មោះ (ទី១) យិន ចន្ធី អាយុ១៨ឆ្នាំ (ទី២) អេង ភារុណ អាយុ១៥ឆ្នាំ (ទី៣) ម៊ុយ ឌី អាយុ១៥ឆ្នាំ (ទី៤) ឈ្មោះ អេង មករា (ទី៥) ភីសុខ និត អ្នកទាំង​ពីរអាយុ១៨ឆ្នាំ និង(ទី៦)  ម៉េង សុខហៀង អាយុ២២ឆ្នាំ។ ក្រុមអ្នកទាំងប្រាំមួយរូប ត្រូវបានកងរាជអាវុធហត្ថ ពោធ៌សែនជ័យ ឃាត់ខ្លូន នៅវេលាម៉ោង ០៥ល្ងាចថ្ងៃ ទី២៦ ខែមិថុនា ឆ្នាំ ២០១៥ នៅចំណុចផ្ទះជួលលេខ ៤៥ ភូមិ​តាសេក សង្កាត់កំបូល ខណ្ឌពោធ៍សែនជ័យ រាធានីភ្នំពេញ។

នគរបាលកងរាជអាវុធហត្ថ ពោធ៌សែនជ័យ បានប្រាប់ទស្សនាវដ្តីមនោរម្យ.អាំងហ្វូឲ្យដឹងថា លោកបានដក​ហូត ថ្នាំញៀនចំនួន ១៣ កញ្ចប់ និងម៉ូតូឌ្រីមសេ១២៥ មួយគ្រឿងពណ៍ខ្មៅ មួយគ្រឿង និងសម្ភារៈ​ច្នៃស្លាក​លេខម៉ូតូ មួយចំនួនទៀត។ បច្ចុប្បន្នជនសង្ស័យ ប្រើប្រាស់គ្រឿងញៀនទាំងប្រាំមួយរូប កំពុងឃុំខ្លូន​បណ្តោះ​អាសន្ន នៅ​ក្នុងប៉ុស្តិ៍កំបូល នឹងកំពុងរៀបចំសំនុំរឿង បញ្ជូនទៅកាន់ស្នងការដ្ឋាន នគរបាលរាជធានីភ្នំពេញ ដើម្បីដោះ​ស្រាយ​ទៅតាមនិតិវិធីច្បាប់៕