លោក យូហី តាកាស៊ីម៉ា (Yuhei Takashima) ត្រូវបានឃាត់ខ្លួន ដោយសារតែមានពាក្យបណ្ដឹងមួយ របស់កុមារីជន​រង​គ្រោះម្នាក់ អាយុ១៣ឆ្នាំ បានប្ដឹងបុរសនេះ ពីសកម្មភាព ដែលបានប្រព្រឹត្តិ មកលើខ្លួន ក្នុងពេលកន្លងមក។ បុរសម្នាក់នេះ បានរក្សាទុក នូវរូបថត ប្រមាណជាង ១៥០ ពាន់សន្លឹក នៃស្ត្រីនិងកុមារី ដែលលោកបានរួមរ័ក្សជាមួយ ក្នុង​រយៈពេល​២៧ឆ្នាំ ដាក់ក្នុងអាលប៊ុមរូបថត ប្រមាណជា៤០០សៀវភៅ។

ទីភ្នាក់ងារសារព័ត៌មាន Jiji និងប្រព័ន្ធផ្សព្វផ្សាយ​របស់​ជប៉ុន​ផ្សេងទៀត បានរាយការណ៍ពីរូបថតទាំងនោះ ថាដោយ​សារ​លោក តាកាស៊ីម៉ា ចង់«រក្សាទុកនូវអនុស្សាវរីយ៍» នៃការ​រួម​រ័ក្សភិសម័យដ៏កម្រ និងមិនដែលមាននរណា ធ្វើបានដូច​លោក។

លោក យូហី តាកាស៊ីម៉ា ក្នុងពេលនេះ។

លោក តាកាស៊ីម៉ា ដែលមានអាយុ៦៤ឆ្នាំ ក្នុងពេលបច្ចុប្បន្ន បានប្រកាសប្រាប់នគរបាល ថាបានចាប់ផ្ដើមទិញស្ត្រី និង​កុមារីទាំងនោះ ឲ្យមករួមភេទជាមួយលោក នៅពេលដែលលោក ត្រូវបានជ្រើសរើសឲ្យមកបង្រៀន សម្រាប់រយៈពេល ៣ឆ្នាំ នៅក្នុងសាលារៀនមួយ នៃរដ្ឋធានីម៉ានីស ប្រទេសហ្វីលីពីន កាលពីឆ្នាំ១៩៨៨។ បន្ទាប់មក លោកបាន​ប្រព្រឹត្តិ​ករណីនេះ នៅក្នុងដំណើរដើរកំសាន្ដជាច្រើន ជុំវិញប្រទេសហ្វីលីពីន។ បើរាប់ជាត្រួសៗ ក្នុងមួយឆ្នាំៗ មានចំនួនបីដង និងបើរាប់ជាចំនួនស្នាក់នៅ មានចំនួនដល់ទៅ៦៥ដង។

ក្នុងរយៈពេលដ៏ពិសេសនោះ លោក តាកាស៊ីម៉ា បានសារភាពទៀតថា លោកបានរួមរ័ក្សជាមួយ ស្ត្រីនិងកុមារី ចំនួន​ប្រមាណជា ១២៦០០នាក់ ដែលមានអាយុចាប់ពី១៣ឆ្នាំ រហូតដល់៧០ឆ្នាំ។ នគរបាលជប៉ុន នៃសង្កាត់ កាណាហ្គាវ៉ា (Kanagawa ស្ថិតក្នុងតំបន់ជាយក្រុង នៃរាជធានី តូក្យូ) ដែលគ្រប់គ្រងសំនុំរឿង មិនបានបញ្ជាក់អ្វីបន្ថែម ពីករណីនេះ​ទេ៕

សៀវភៅ ដាក់រូបថតអនុស្សាវរីយ៍ ដ៏ផ្អែមល្ហែមរបស់លោក តាកាស៊ីម៉ា។