ក្នុងរយៈពេល១០ឆ្នាំមកនេះ អ្នកស្រី អេនជី បាឡូវ សុខចិត្តសុំជំនួយពី កាវវិទ្យាសាស្ត្រ ជៀសជាងចូលខ្លួន ទៅឲ្យពេទ្យធ្មេញពិនិត្យ និងព្យាបាល ធ្មេញរបស់អ្នកស្រី។ តែ«កាវវិទ្យាសាស្ត្រ» មិនមែនជាថ្នាំ ជួយសម្រួល​បញ្ហាធ្មេញ ដល់អ្នកស្រីនោះទេ។ អ្នកម្ដាយ អេនជី ជាតិអង់គ្លេស ដែលមានអាយុ៤៨ឆ្នាំរូបនេះ បានរៀបរាប់​ពីរឿង ដ៏កំសត់ខ្លោចផ្សារនេះ ប្រាប់សារព័ត៌មាន «Mirror»។

«ខ្ញុំបានបន្តក់កាវនេះ តែបន្តិចទេ»

អ្នកស្រីបានពន្យល់ថា៖ «នៅពេលដែលមានធ្មេញមួយជ្រុះ ខ្ញុំបានបន្តក់កាវនេះ តែបន្តិចទេ ហើយសាកល្បង​យកធ្មេញនោះ ទៅដាក់ដាំនៅកន្លែងដើមវិញ ដើម្បីកុំឲ្យមានប្រហោង នៅពេលបើកមាត់»។

ហេតុអ្វីក៏ធ្វើរឿងចម្លែកបែបនេះ? អ្នកស្រី អេនជី បាឡូវ បានឆ្លើយឡើងថា មកពីអ្នកស្រី«តក់ស្លុត» ដោយ​សារមរណៈភាព របស់ម្ដាយអ្នកស្រី បានកើតឡើង ព្រោះជំងឺមហារីកបំពង់ក។ អ្នកស្រីបានពន្យល់ទៀត​ថា៖ «ម្ដាយខ្ញុំមានធ្មេញមួយ បានដុះចេញមក ហើយគឺដោយសារបែបនេះហើយ ទើបគេបានរកឃើញ ពីជំងឺ​មហារីករបស់គាត់ ដែលធ្វើគាត់បានបាត់បង់ ឆ្អឹងថ្គាមខាងក្រោម ជិត៩០ភាគរយ»។

ធ្មេញ១១ ត្រូវបានដកចេញ និងចាប់ខ្ចៅដែកចូល

ដើម្បីជៀសវាង ការសម្លឹងមើលពីអ្នកដទៃ អ្នកស្រី អេនជី បាឡូវ តែងតែនិយាយ ជាមួយអ្នកទាំងនោះ ដោយ​យកដៃខ្ទប់មាត់។ ហើយពេលខ្លះ អ្នកស្រីលែងចង់ចេញ ពីផ្ទះនោះទៅទៀត។ នៅក្នុងពេលនេះ អ្នកស្រីត្រូវ​បានក្រុមគ្រូពេទ្យពិនិត្យ ដោយប្រើរយៈពេលអស់ជាច្រើនម៉ោង។ គ្រូពេទ្យធ្មេញ បានដកធ្មេញរលេះរលួយ ដោយសារ«កាវវិទ្យាសាស្ត្រទាំងនោះ ចំនួន១១ធ្មេញចេញ និងបានពាក់ឲ្យអ្នកស្រី នូវកម្រងខ្ចៅចាប់ ធ្វើ​ពី​សារជាតិទីតាន ដែលគ្រោងនឹងទទួលដាំ នូវធ្មេញសិប្បនិម្មិតចំនួន១២វិញ៕

» វីដេអូបទយកការណ៍ របស់សារព័ត៌មាន «Mirror»៖