គំនិតឆ្នៃប្រឌិតនេះ កើតចេញដំបូងគេ នៅក្រុង លីវើភូល (Liverpool) នៃចក្រភពអង់គ្លេស ដែលគេឲ្យឈ្មោះ ជាភាសា​អង់គ្លេសថា «Tittooing»។ Tittooing ជាវិធីសាស្ត្រ នៃការគូរចុងសុដន់ របស់នាងៗទាំងឡាយ ដោយប្រើប្រដាប់សាក់ ធុនមធ្យមមួយប្រភេទ។ វិធីសាស្ត្រនេះ មានស្ថិតនៅចន្លោះការសាក់នៅលើស្បែក និងការកែឆ្នៃសម្ផស្ស។ ប្រដាប់សាក់ ធុនមធ្យម នឹងបាញ់ទឹកពណ៌ពិសេសមួយ តាមរយៈម្ជុល នៅខាងមុខប្រដាប់នោះ ដើម្បីពង្រីកឬបន្ថែមរង្វង់ ដែលព័ទ្ធ​ជុំ​វិញ​ក្បាលសុដន់។

ស្ត្រីជាច្រើនឡើងៗ បានប្រើប្រាស់វិធីសាស្ត្រនេះ ដើម្បីជួយឲ្យសុដន់របស់ពួកនាង កាន់តែមានសម្ផស្សខ្លាំងឡើង ជា​ពិសេស នៅពេលដែលរង្វង់ ព័ទ្ធជុំវិញក្បាលសុដន់ មានពណ៌ស្លេកពេក ឬមានទំហំតូចពេក។ គេអាចដាក់ពណ៌ ទៅតាម​ការ​ចង់បានរបស់ម្ចាស់ខ្លួន ដូចជាពណ៌ក្រហមព្រឿងៗ ស៊ីជំពូ ឬពណ៌សាច់ក្រម៉ៅជាដើម។

ដំបូងឡើយ ស្ត្រីៗទាំងនោះ គ្រាន់តែមានគំនិត ចង់បន្ថែមទម្ងន់នៃសម្ផស្សសុដន់ខ្លួន ឲ្យបានកាន់តែធ្ងន់ប៉ុណ្ណោះ។ ប៉ុន្តែ​គំនិតនេះ បានវិវត្តន៍ទៅមុខ មួយកម្រិតទៀត៖ នោះគឺធ្វើរង្វង់ ព័ទ្ធជុំវិញក្បាលសុដន់ ឲ្យមានរាងជា«បេះដូង»។ ស្ត្រី​មួយ​ចំនួន ថែមទាំងបានបង្ហោះរូប ដែលថតពីចុងសុដន់របស់ខ្លួនសាក់រួច បង្ហោះឡើងលើបណ្ដាញសង្គមនោះទៀត។

នៅក្នុងក្រុង លីវើភូល មានអ្នកជំនាញខាងសាក់រូបបេះដូង នៅនឹងចុងសុដន់របៀបនេះ ចំនួន១៥នាក់ ហើយនាងៗ ដែល​ចង់បានសេវាកម្មនេះ ត្រូវបង់ថ្លៃប្រមាណជា ១៥០០អ៊ឺរ៉ូ (ឬ១៥៥០ដុល្លាអាមេរិក) ដើម្បីទទួលបានលទ្ធផល រូប​បេះដូង​លើ​ចុងសុដន់ទាំងគូ ដែលនៅជាប់ បានពី១២ ទៅ១៨ខែ។ ប៉ុន្តែនាងៗ ត្រូវចាំបាច់ចាក់ថ្នាំស្ពឹក ឲ្យមាន​ប្រសិទ្ធភាព​ សម្រាប់រយៈពេល២ម៉ោង ជាចាំបាច់៕