ផលវិបាក ចេញពីការទាញព្រ័ត្រ គឺប្រើកម្លាំងទាញខ្សែរពួរ ម្ខាងម្នាក់ រហូតទាល់តែម្ខាងចាញ់កម្លាំង ហើយពេល​ខ្លួន​ម្ខាង​ទៀត ត្រូវដួលលើកគ្នា... អីយ៉ាសប្បាយម្យ៉ាង។ តែនៅប្រទេសប៉ូឡូញវិញ កីឡាទាញព្រ័ត្រនេះ ត្រូវបានបែកគំនិត ធ្វើ​នៅ​លើ​ទឹក និងនៅលើទូកវិញ។ ល្បែងនេះ នៅទីនោះ គេហៅថា «Tug of Oar» ដែលមានន័យប្រហាក់ប្រហែល នឹង​ទាញ​ព្រ័ត្រ​អញ្ចឹងដែរ។

ដើម្បីចូលលេងល្បែងនេះបាន បេក្ខជន១២នាក់ ចែកជាពីរក្រុម អង្គុយទល់មុខគ្នា នៅមួយផ្នែកម្នាក់ នៃទូក។ ល័ក្ខខ័ណ្ឌ ក្នុងការយកឈ្នះ មិនពិបាកទេ​ ហើយក៏ស្រួលយល់ដែរ៖ នោះគឺនរណាអ៊ុំបានខ្លាំង រុញខាងខ្លួនទៅមុខ ហួសពីខ្សែរ​កណ្ដាល បានច្រើនជាង ខាងនោះជាអ្នកឈ្នះ ហើយមានអាជ្ញាកណ្ដាលម្នាក់ ជាអ្នកផ្លុំកញ្ចែផ្ដល់ជ័យជំនះ ទៅឲ្យ​ក្រុម​ខ្លាំង។

បើសិនជារូបភាព បង្ហាញពីភាពសប្បាយរីករាយ និងមានលក្ខណៈកីឡា យ៉ាងពិសេសក៏ដោយ តែល្បែងនេះ​មាន​ផ្សារ​ភ្ជាប់ ទៅនឹងប្រវត្តិដ៏យូរលង់ មួយរបស់ប្រទេសប៉ូឡូញ ដែលមិនខុសគ្នាប៉ុន្មាន ពីល្បែងទាញព្រ័ត្រ របស់ខ្មែរឡើយ។ បើ​អញ្ចឹង ជិតចូលឆ្នាំហើយ តើប្រិយមិត្តត្រៀមហើយឬនៅ ពីល្បែងប្រជាប្រិយ ដែលត្រូវលេង?