ប៉ែន សមិទ្ធិ អ្នក​​កាសែត​​ខ្មែរ​​ជើង​ចាស់​មួយ​​រូប ទទួល​​មរណភាព

ប្រធានក្លឹបអ្នកកាសែតកម្ពុជា លោក ប៉ែន សមិទ្ធិ ជានិពន្ធនាយកកាសែតរស្មីកម្ពុជា និងជាម្ចាស់គេហទំព័រ CEN បានទទួលមរណភាពហើយ នៅមុននេះប៉ុន្មានម៉ោង នាមន្ទីរពេទ្យកាល់ម៉ែត្រ។ នេះបើយោងតាម ការអះអាង របស់មន្រ្តីជាន់ខ្ពស់ម្នាក់ នៃក្រសួងព័ត៌មាន និងសមាជិកក្លឹបអ្នកកាសែត មួយរូបទៀត។
Loading...
  • ដោយ: អ៊ុម វ៉ារី អត្ថបទ និងយកការណ៍៖ អ៊ុម វ៉ារី ([email protected]) -ភ្នំពេញថ្ងៃទី៣០ មីនា ២០១៥
  • កែប្រែចុងក្រោយ: March 30, 2015
  • ប្រធានបទ: សារព័ត៌មាន
  • អត្ថបទ: មានបញ្ហា?
  • មតិ-យោបល់

និពន្ធនាយកកាសែតរស្មីកម្ពុជា និងជានិពន្ធនាយក ឲ្យស្ថាប័នសារព័ត៌មាន ក្នុងស្រុកចំនួនពីរ លោក ប៉ែន សមិទ្ធិ បាន​ទទួលមរណភាព ដោយរោគាពាធហើយ នាព្រឹកថ្ងៃទី៣០ ខែមីនា ឆ្នាំ២០១៥នេះ នៅមន្ទីរពេទ្យកាល់ម៉ែត ក្នុង​ជន្មាយុ​៥៤ឆ្នាំ។

លោក គឹម គុណវឌ្ឍន៍ អគ្គនាយកទូរទស្សន៍ជាតិកម្ពុជា បានបង្ហោះព័ត៌មាន នៅលើគណនីហ្វេសប៊ុកផ្ទាល់ របស់លោក​ថា៖ «សូមចូលរួមទុក្ខក្រៀមក្រំ ជាមួយគ្រួសារបង សមិទ្ធិ និងក្រុមគ្រួសារអ្នកកាសែតខ្មែរ ដែលបាត់បង់ លោក ប៉ែន សមិទ្ធិ»។

ក្នុងគណនីហ្វសប៊ុក របស់លោក លោក ឆាយ សុផល ដែលជាសមាជិក នៃក្លឹបអ្នកការសែតកម្ពុជា បានសរសេរដូចគ្នា​នេះដែរថា៖ «ខ្ញុំគ្រាន់តែចង់ជូនដំណឹង ដ៏ក្រៀមក្រំមួយថា បង ប៉ែន សមិទ្ធិ បាន ស្លាប់ហើយ កាលពីព្រឹកមិញ វេលា​ម៉ោង​ប្រមាណ ៧:១០ នៅមន្ទីរពេទ្យ ដោយសាររោគាពាធ»។

ក្នុងអាយុ ៥៤ឆ្នាំ លោក ប៉ែន សមិទ្ធិ បានលាចាកលោកនេះទៅ តែប៉ុន្មានថ្ងៃ បន្ទាប់ពីលោក បានផ្ទេរតំណែងជា ប្រធាន​ស្តីទី ក្លឹបអ្នកកាសែតកម្ពុជា ទៅឲ្យលោក ប៉ែន ប៊ុណ្ណា ដែលជាសមាជិកគណៈកម្មាធិការនាយក របស់ក្លឹបអ្នក​កាសែត​កម្ពុជា។

លោក ប៉ែន សមិទ្ធិ ជាអ្នកសារព័ត៌មាន ជើងចាស់ម្នាក់ តាំងពីឆ្នាំ១៩៨០។ បន្ទាប់ពីប្រកបអាជីព ជាអ្នកសារព័ត៌មាន អស់​រយៈពេល២០ឆ្នាំ និងដោយលោកយល់ឃើញថា អ្នកសារព័ត៌មានប្រឈមមុខ និងការគម្រាមកំហែង ជាមួយនឹងការ​កាប់​សម្លាប់ និងគ្មានការយកចិត្តទុកដាក់ ពីអាជ្ញាធររដ្ឋ លោកក៏បានសម្រេចចិត្ត បង្កើតនូវក្លឹបអ្នកកាសែតកម្ពុជានេះ​ឡើង ក្នុង​ឆ្នាំ២០០០ ដើម្បីលើកកម្ពស់ និងការពារសិទ្ធិនៃអ្នកព័ត៌មាន ។

ទស្សនាវដ្តីមនោរម្យ.អាំងហ្វូ នឹងបង្ហាញនូវព័ត៌មានពិស្តារ ក្នុងអត្ថបទលើកក្រោយ ទាក់ទងនឹងមរណភាព របស់លោក។ សូមបញ្ជាក់ថា សពលោក ប៉ែន សមិទ្ធិ ត្រូវបានតម្កល់ធ្វើបុណ្យ តាមប្រពៃណី នាគេហរដ្ឋានរបស់លោក ជិតរង្វង់​មូល​ផ្សារ​ដើម​ថ្កូវ ក្នុងខណ្ឌចំការមន៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...