អ្នកដែលបានឃើញ មានការភិតភ័យពីរដំបូង បែរជានាំគ្នា ត្រឡប់មកជាឆ្ងល់ទៅវិញ។ «ឆ្ងល់» អាចបណ្ដាលមក​ពីជន​រងគ្រោះម្ខាង  ជាជនពិកាសម្លេង(គ) ចំណែកភាគីម្ខាងទៀតសន្លប់ បញ្ជូនទៅកាន់មន្ទីពេទ្យ ហើយ«ប្ដូរវេន»គ្នាសន្លប់។ ករណីគ្រោះថ្នាក់ចររាចរណ៍នេះ បានកើតឡើង នៅវេលាម៉ោង ២រសៀល ថ្ងៃទី១៣ ខែមិនា ឆ្នាំ២០១៥ នៅតាម​បណ្តោយ​ផ្លូវ ម៉ៅសេងទុង ទល់មុខផ្សារឃ្លាំងរំសេវ ជិតហាងលក់ទូរស័ព្ទលីដា។

សាក្សីនៅកន្លែងកើតហេតុ បានប្រាប់អ្នកសារព័ត៌មានថា ដំបូងគេឃើញម៉ូតូធុនវេវ ពណ៍ក្រហម ពាក់ស្លាកលេខភ្នំពេញ 1AK-6155 បើកបរដោយបុរសម្នាក់ ក្នុងទិសដៅត្រង់ នៅលើផ្លូវធំ ស្រាប់តែមកដល់កន្លែងកើតហេតុ មានម៉ូតូមួយ​គ្រឿង​ទៀត ធុន វេស្ពា មីនី ពណ៍ខៀវគ្មានស្លាកលេខ បើកបរដោយស្រ្តីម្នាក់ ចេញពីផ្លូវតូច មកឡើងផ្លូវធំ បានបុកគ្នា​ពេញ​ទំហឹង។

ភ្លាមៗនោះ បុរសខាងងលើ បានសន្លប់បាត់ស្មារតី តែស្ត្រីភាគីម្ខាងទៀត នៅដើរបានធម្មតា។ តែពេលដែល​បុរស​នោះ​ដឹងខ្លូនវិញ ស្រាប់តែនារីម្ចាស់ម៉ូតូ បានសន្លប់ម្តង ហើយត្រូវបានក្រុមគ្រួសារ បញ្ជូនទៅមន្ទីពេទ្យ។ សាក្សីបានបន្តថា សម្ថកិច្ចបានត្រឹមតែជួយធ្វើអន្តរាគមន៍ តែមិនអាចសួរនាំអ្វីបាន ព្រោះបុរសខាងលើពិកាសម្លេង(គ)។

យ៉ាងណាក៏ដោយ សមត្ថកិច្ចបានសម្រេច បញ្ជូនម៉ូតូទាំងពីរគ្រឿង ទៅខណ្ឌទួលគោក ដើម្បីទុកធ្វើការដោះស្រាយ នៅពេលដែលភាគីម្ខាងទៀត ចេញពីមន្ទីរពេទ្យ។ សមត្ថកិច្ចក៏បានបញ្ជូនបុរសពិការ ដែលរងរបួសខាងលើ ទៅកាន់​មន្ទីរពេទ្យដូចគ្នាដែរ៕