បន្ទាប់ពីធ្វើការពិភាក្សាគ្នា ជាបន្តបន្ទាប់ លើខ្លឹមសារ នៃសេចចក្តីព្រាងសេចក្តីរស្នើច្បាប់ ស្តីពីការបោះឆ្នោតជ្រើសតាំង តំណាង​រាស្រ្ត បានចំនួន២៧លើក ចាប់តាំងពីខែធ្នូ ឆ្នាំ១០១៤ ដល់ខែមីនា ឆ្នាំ២០១៥ ក្រុមការងារទាំងពីរគណបក្ស បាន​ឯកភាពគ្នាទាំងស្រុង ទៅលើខ្លឹមសារ នៃច្បាប់បោះឆ្នោតថ្មីនេះ។ សេចក្តីព្រាង ដែលបានបញ្ចប់រួចរាល់នេះ មាន១២ ជំពូក។ ១២ជំពូកនេះ មានចែងដូចតទៅ៖

ជំពូកទី១ ចែងអំពីបទប្បញ្ញត្តិទូទៅ ដែលមាន៤ មាត្រា ចាប់ពីមាត្រា១ ដល់មាត្រា៤។
ជំពូកទី២ ចែងអំពីប្រព័ន្ធបោះឆ្នោត និងការកំណត់អាសនៈ ដែលរួមមាន២មាត្រា ចាប់៥ ដល់៦។
ជំពូកទី៣ ចែងអំពីភ្នាក់ងារគណបក្សនយោបាយ និងអ្នកសង្កេតការណ៍បោះឆ្នោត ដែលរួមមាន១៦មាត្រា ចាប់ពីមាត្រា៧ ដល់មាត្រ២២។
ជំពូកទី៤ ចែងអំពីការចុះបញ្ជីគណបក្សនយោបាយឈរឈ្មោះបោះឆ្នោត បញ្ជីឈ្មោះបេក្ខជនឈរឈ្មោះបោះឆ្នោត ដែលរួមមាន១៥មាត្រ ចាប់ពីមាត្រា២៣ ដល់មាត្រា៣៧។
ជំពូកទី៥ ចែងអំពីការិយាល័យបោះឆ្នោត ដែលរួមមាន៦មាត្រា ចាប់ពីមាត្រា៣៨ ដល់មាត្រា៤៣។
ជំពូកទី៦ ចែងអំពីការចុះឈ្មោះបោះឆ្នោត និងបញ្ជីបោះឆ្នោត ដែលរួមមាន២៣មាត្រា ចាប់ពីមាត្រា៤៤ ដល់មាត្រា៦៦។
ជំពូកទី៧ ចែងអំពីការឃោសនាបោះឆ្នោត ដែលរួមមាន២៥មាត្រា ចាប់ពីមាត្រា៦៧ ដល់មាត្រា៩១។
ជំពូកទី៨ អំពីការបោះឆ្នោត ការរាប់សន្លឹកឆ្នោត និងការបូកសរុបលទ្ធផល នៃការបោះឆ្នោត ដែលរួមមាន៤៦មាត្រា ចាប់ពីមាត្រា៩២ ដល់មាត្រា១៣៧។
ជំពូកទី៩ អំពីការបាត់អាសនៈរដ្ឋសភា និងការជ្រើសតាំងជំនួស ដែលរួមមាន២មាត្រា ចាប់ពីមាត្រា១៣៨ ដល់មាត្រា១៣៩។
ជំពូកទី១០ អំពីទោសប្បញ្ញត្តិ ដែលរួមមាន២៧មាត្រា ចាប់ពីមាត្រា១៤០ ដល់មាត្រា១៦៦។
ជំពូកទី១១ អំពីអន្តរបបញ្ញត្តិដែលរួមមាន៣មាត្រា ចាប់ពីមាត្រា១៦៧ ដល់មាត្រា១៦៩។
ជំពូកទី១២ អំពីអវសានប្បញ្ញត្តិ ដែលរួមមាន២មាត្រា ចាប់ពីមាត្រា១៧០ ដល់មាត្រា១៧១។

សេចក្តីព្រាងច្បាប់បោះឆ្នោតថ្មីនេះ នឹងត្រូវធ្វើការពិគ្រោះយោបល់ នៅក្នុងសិក្ខាសាលានៅថ្ងៃចន្ទ ទី៩ ខែមីនាខាងមុខ។ ចំពោះសេចក្តីព្រាង ក្រុមអង្គការសង្គមស៊ីវិល បានសម្តែងការព្រួយបារម្ភជាខ្លាំង ដោយសារ តែក្រុមសង្គមស៊ីវិលទាំងនោះ​បានយល់ថា ចំណុចមួយចំនួន របស់ច្បាប់បោះឆ្នោតថ្មីនេះ មានលក្ខណៈអាក្រក់ជាងមុន៕