បទ Uptown Funk ជាបទចម្រៀង របស់តារាចំរៀងដ៏ល្បីឈ្មោះ នៅសហរដ្ឋអាមេរិក Bruno Mars បានទទួល ការ​គាំទ្រ​ខ្លាំង ពីទស្សនិកស្ទើពេញពិភពលោក ហើយក៏ជាបទមួយ ដែលត្រូវ​បានជាតិសាសន៍ផ្សេងទៀត​មួយ​ចំនួន យកមកសម្តែងត្រាប់តាម។ ដោយឡែកក្រុមយុវជន ដែលជនពិការរបស់អង្គការ ពង្រឹងលទ្ធភាពជន​ពិការ​កម្ពុជា តាមរយៈ សិល្បៈអេពិកកម្ពុជា (Epic Arts Cambodia) បាននាំគ្នាសម្តែងត្រាប់តាម បទចម្រៀងនេះដែរ។

វីដេអូដែលក្រុមជនពិការ របស់អង្គការខាងលើ បាននាំគ្នាសម្តែងត្រាប់តាមនេះ ទទួលបានការចាប់អារម្មណ៍ និង​គាំទ្រជាខ្លាំងពីទស្សនិក។ ទទួលបានការចាប់អារម្មណ៍ ដោយសារតែវិដេអូរបស់ក្រុម ជនពិការខាងលើនេះ ផលិត​​ឡើងដើម្បីលើកទឹកចិត្តដល់ជនពិការ។ ក្នុងរយៈពេល៤ថ្ងៃ ដែលវីដេអូនេះ បង្ហោះនៅលើបណ្តាញ​អ៊ីនធើណេត ទទួលបានការចុចមើលរហូតដល់ជាងបីម៉ឺនដង។

ចម្រៀងបទ Uptown Funk របស់របស់តារាចម្រៀង និងអ្នកនិពន្ធអាមេរិកលោក Bruno Mars គឺជាបទដែល​ពេញ​និយម ពីប្រជាជននៅលើសាកលលោក ក្នុងរយៈ៦សប្ដាហ៍ជាប់គ្នា បទនេះបានឈរកំពូលគេ លើតារាង Billboard អាមេរិកនិង ៧សប្ដាហ៍លើ Singles Chart របស់អង់គ្លេស។ បទបានដាក់នៅលើបណ្តាញយូធូប ក្នុង​អំឡុងខែវិច្ឆិកា ឆ្នាំ២០១៤ រហូតមកដល់ថ្ងៃនេះ បទចម្រៀងនេះ មានអ្នកចុចចូលមើល មិនតិចជាង ២៣៨ លាន​ដង​នោះទេ៕

ទស្សនាវីដេអូនៃការសម្តែរបស់ជនពិការកម្ពុជា និងរបស់តារាចម្រៀងអាមេរិច មួយណាគួឱ្យចាប់អារម្មណ៍ជាង?