ត្រីដូហ្វាំង ចង់បៀតបៀនកេរ្ដិ៍ខ្មាស ស្រីស្អាត? (vdo)
- ដោយ: ឈូករ័ត្ន ដោយ ឈូករ័ត្ន (ទាក់ទង៖ [email protected]) - ប៉ារីស ថ្ងៃទី៣០ កញ្ញា ២០១៤
- កែប្រែចុងក្រោយ: October 01, 2014
- ប្រធានបទ: ពីនេះពីនោះ
- អត្ថបទ: មានបញ្ហា?
- មតិ-យោបល់
-
អ្នកណាមួយមិនដឹងថា ត្រីដូហ្វាំងបង្ហាត់ហើយ ជាសត្វដែលចូលចិត្តលេង និងគោរពមិត្តភាព។ ប៉ុន្តែមនុស្សច្រើនណាស់ មិនបានដឹងថា សត្វត្រីប្រភេទនេះ ក៏អាចមានចរិកកោងកាចសាហាវ ហើយពេលខ្លះបានធ្វើខ្លួនវា ជា«ព្រាននារី»នោះផងទៀត។
អ្នកសម្ដែងជាមួយត្រី មួយរូបបានទទួលបទពិសោធន៍យ៉ាងជូរចត់នេះ ជាមួយនឹងត្រីដូហ្វាំង ដែលនាងតែងសម្ដែងជាមួយនៅចំពោះទស្សនិកជន៖ នោះគឺត្រីមួយក្បាលនេះ បានបៀតបៀនកេរ្ដ៍ខ្មាសរបស់នាង។ ហើយឈុតឆាកនេះ ត្រូវបានថតជាប់ រួចយកទៅផ្សាយព្រោងព្រាត ពាសពេញពិភពអ៊ិនធើណែត បង្កការចាប់អារម្មណ៍ក្រៃលែង។
តារាជ្រមុជទឹក បានរងគ្រោះនឹងច្រមុះរបស់ត្រីដូហ្វាំង ដែលចេះតែយកមកត្រដុស ជាមួយផ្នែកខាងក្រោមនៃដងខ្លួនរបស់នាង រហូតបុរសដែលជ្រមុជទឹកជាមួយ បង្ខំចិត្តត្រូវធ្វើអន្តរាគមន៍ បណ្ដេញ«ព្រាននារី»ក្បាលរឺងនេះឲ្យដោះលែង ដៃគូររបស់ខ្លួន។
បើតាមអ្នកជំនាញ បាននិយាយអះអាងថា ត្រីដូហ្វាំងជាប្រភេទសត្វដែលចូលចិត្តរួមសង្វាស ហើយវាអាចបញ្ចេញកាយវិការគ្រោះថ្នាក់ភ្លាមៗ នៅពេលណាដែលតណ្ហាវាឡើង។ គេធ្លាប់បានឃើញ កាយវិការរបស់សត្វត្រីបែបនេះ ជាច្រើនដងរួចមកហើយ ហើយវាថែមទាំងអាចប្រព្រឹត្តិ «ការរំលោភបូក» ទង្វើដ៏អាក្រក់ដូចមនុស្ស នោះទៀតផង៕
សូមទស្សនាវីដេអូ ដែលបង្ហាញពីសកម្មភាពបៀតបៀនកេរ្តិ៍ខ្មាស ប្រព្រឹត្តិដោយត្រីដូហ្វាំង៖