ហេតុអ្វីក៏ «ហ្វេសប៊ុក» បណ្ដាញសង្គមយក្សនៅលើលោកយើងនេះ បែរជាបិទមិនឲ្យវីដេអូនេះ មានជីវិត​នៅ​លើបណ្ដាញរបស់ខ្លួន? តាមពិតទៅ ស្រោមអនាម័យរបស់ស្ត្រី មានគុណប្រយោជន៍ជាច្រើន ដែលធ្វើឲ្យ​មនុស្សជាច្រើន ត្រឡប់យកវាមកនិយាយ ជាពិសេសយ៉ាងហោចណាស់ ក៏វាជាចំណេះដឹងផ្ដល់ទៅឲ្យស្ត្រី ដែលមិនដែលស្គាល់វានោះដែរ។

ស្រោមអនាម័យស្ត្រីនេះ ផ្ដល់នូវការការពារយ៉ាងប្រសើរ និងមានភាពធន់ខ្លាំង ជាងស្រោមអនាម័យ​របស់​បុរស។ ដែគូរស្នេហាតែមួយ អាចប្រើស្រោមអនាម័យនេះ ក្នុងការរួមរ័ក្សច្រើនដងបាន។ មិនត្រឹមតែប៉ុណ្ណោះ ស្រោម​អនាម័យ​ស្ត្រី​នេះ នឹងជួយបុរស មិនឲ្យឆាប់ចេញទឹកកាមនោះថែមទៀត។

ប៉ុន្តែវានៅតែមានគុណវិបត្តិ ជាប់មកជាមួយ។ ក្រៅតែពីរូបរាងមិនសូវគួឲ្យចាប់ចិត្ត និងមានជាតិលំអិល​ច្រើន​ពេកនោះ តម្លៃវាក៏មិនជាថោកដែរ។ តម្លៃដែលបានឲ្យដឹងនៅពេលនេះ ប្រមាណជាង២អ៊ឺរ៉ូ (៣ដុល្លារអាមេរិក ឬ១២០០០រៀល) ដែលសម្រាប់អ្នកមិនសូវមានធនធាន តម្លៃនេះដូចជាថ្លៃបន្តិចហើយ។

ហើយមកដល់​ម៉ោង​នេះ មានតែមន្ទីរពិសោធន៍តែមួយប៉ុណ្ណោះ ដែលបាន​ផលិតស្រោមអនាម័យស្ត្រីនេះ។ ដូច្នេះអ្នក​មិន​ប្រាកដ​ថា ស្រោមនេះនឹងមានដាក់លក់ តាមតម្រូវការបាន​ឬ​យ៉ាងណាទេ។ ជាងនេះទៅទៀត ដោយ​សារ​គេ​មិន​សូវ​ស្គាល់ស្រោមនេះ អញ្ចឹងតម្រូវការទីផ្សារ សម្រាប់​ផលិត​ចេញក៏មិនមានច្រើនដែរ។

ខាងលើនេះ ជាការរៀបរាប់ត្រួសៗ នៃគុណសម្បត្តិនិងគុណវិបត្តិ ដែលគេគួយល់ដឹង ក្នុងការបង្ហាញស្រោម​អនាម័យ មកជាសាធារណៈ។ ដូច្នេះវីដេអូគំនូរជីវចល ដែលត្រូវបានហ្វេសប៊ុកដកចេញនោះ មិនប្រាកដថា បណ្ដាសង្គមយក្សមួយនេះ មានមូលហេតុត្រឹមត្រូវរហូតនោះទេ។ នៅពេលដែលគេមិនសូវដែលនិយាយ​ពី​ស្រោមអនាម័យស្ត្រីនេះ វានឹងក្លាយជារឿងគួឲ្យភ្ញាក់ផ្អើល ប្រៀបដូចនឹងការសម្រេចចិត្តរបស់ហ្វេសប៊ុក។ តែផ្ទុយទៅវិញ បើគេបន្តនិយាយពីស្រោមនេះរហូតនោះ វានឹងក្លាយជារឿងធម្មតា ហើយហ្វេសប៊ុកក៏ងាក​មកទទួលយកវីដេអូនេះវិញ ជាពុំខានឡើយ៕