«ពិការ​កាយ ឥត​ពិការ​ចិត្ត» ជា​ចម្រៀង​ដំបូង​របស់​បុរស​ពិការ​ភ្នែក ប្រុក ចាន់ថន

«ពិការកាយ ឥតពិការចិត្ត» ជាបទចម្រៀងដំបូង របស់បុរសពិការភ្នែកម្នាក់ ដែលទទួលបរាជ័យ ក្នុងកម្មវិធី The Voice Cambodia ក្នុងវគ្គ blind Audition។
Loading...
  • ដោយ: ប្រាថ្នា ដោយ ក.ចាន់នីតា (ទាក់ទង៖ [email protected]) - ភ្នំពេញ ថ្ងៃទី២១ សីហា ២០១៤
  • កែប្រែចុងក្រោយ: August 29, 2014
  • ប្រធានបទ: ចម្រៀង
  • អត្ថបទ: មានបញ្ហា?
  • មតិ-យោបល់

តារាចម្រៀង ពិការភ្នែកទាំងសងខាង ប្រុក ចាន់ថន ដែលត្រូវបានធ្លាក់ចេញពីកម្មវិធី The Voice Cambodia ពេលនេះកំពុងតែទទួលបានជោគជ័យនៅលើទីផ្សារការងារជាអ្នកចម្រៀងបណ្តើរៗហើយ។ ក្នុងពេលឆាប់ៗ​ខាងមុខនេះដែរ លោក ប្រុក ចាន់ថន ដែលមានស្រុកកំណើត មកពីខេត្តកំពង់ចាម ក៏នឹងត្រៀមចេញស៊ីឌី បទចម្រៀងលើកដំបូងរបស់ខ្លួន នៅក្នុងផលិតកម្ម BKS។

បទដំបូង ដែលតារាចម្រៀងពិកាភ្នែកទាំងពីរ តាំងពីកំណើតរូបនេះ នឹងបញ្ចេញសំនៀងក្នុងស៊ីឌីវ៉ុលដំបូង របស់ផលិតកម្មខាងលើ គឺជាបទចម្រៀងមួយដែលច្រៀងរៀបរាប់ពី ដំណើរជីវិតពិតរបស់ខ្លួន ក្នុងនាមជាជន​ពិការខំរកលុយ ដើម្បីផ្គត់ផ្គង់ការរៀនសូត្រ និងគ្រួសារ បោះទោះបីជាខ្លួនជាជនពិការ ដែលមនុស្សទូទៅ​មើល​ងាយសមត្ថភាពក៏ដោយ។

បន្ទាប់ពីបេក្ខជន ដែលមិនជាប់ជម្រើសក្នុងកម្មវិធី The Voice Cambodia បានបញ្ចេញសំនៀងទឹកដម​លើ​បទ​ចម្រៀង ដែលរៀបរាប់ពីជិវិតពិតរបស់ខ្លួននេះ ទស្សនិកជនមួយចំនួន បានសម្ដែងមានអារម្មណ៍ក្តុកក្តួល និង​កោត​សរសើរ ចំពោះការតស៊ូរបស់យុវជនរូបនេះជាពន់ប្រមាណ។ ជាពិសេសទឹកដមសម្លេងរបស់ ចាន់ថន បានបង្ខំឱ្យមហាជនមួយចំនួនលើកឡើងថា មិនគួរណា The Voice Cambodia ឬគណកម្មការរបស់កម្មវិធី​មួយនេះ មើលរំលងអ្នកមានសមត្ថភាពដូចគាត់នោះទេ។ តែមានប្រិយមិត្តមួយចំនួនទៀត លើកឡើងដែរ​ថា​ ដោយសារតែកម្មវិធីThe Voice Cambodia នេះហើយ ទើបធ្វើឱ្យតារាចម្រៀងពិការភ្នែក មានឈ្មោះជា​អ្នក​ចម្រៀងនៅក្នុងផលិតកម្មដូចថ្ងៃនេះ។

ក្រោយពីរផ្តល់ឱកាសដល់បេក្ខជនពិការភ្នែក ប្រុក ចាន់ថន ឱ្យក្លាយជាអ្នកច្រៀងប្រចាំផលិតកម្មរបស់ខ្លួន ចាងហ្វាងផលិតកម្ម BKS លោក ឈុន សុវណ្ណភក្ដី បានលើកឡើងថា អ្វីដែលជំរុញឱ្យលោក ទទួលយក​យុវជនពិការខាងលើនេះ ឱ្យក្លាយជាតារាចម្រៀងក្នុងផលិតកម្ម BKS ដោយសារលោកតែមានក្ដី​អាណិត​អាសូរ និងមិនរើសចំពោះជនពិការ។ ម្ចាស់ផលិតកម្មវ័យ១៨ឆ្នាំដដែល បាននអះអាងថា ខ្លួននឹងជ្រោមជ្រែង​ឱ្យ​យុវជន​ពិការមកពីខេត្តកំពង់ចាមខាងលើ អាចសាងភាពល្បីល្បាញនៅក្នុងវិស័យចម្រៀង និងអាចចិញ្ចឹម​ជីវិត​បាន។

ចង់ដឹងថាបទលន្លង់លន្លោចយ៉ាងណានោះ ស្តាប់ទាំងអស់គ្នា៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...