អគ្គមគុទេសន៍ដ៏មហិមា ជាមេដឹកនាំផ្ដាច់ការទាំងអស់ របស់ប្រទេសកូរ៉េខាងជើង សុទ្ធតែជា«កំពូល»មនុស្ស ដែល​មិនអាចឲ្យគេ យកមកលេងសើចបានឡើយ។ ហើយអគ្គមគុទេសន៍ថ្មី វ័យក្មេងអាយុទើប៣១ឆ្នាំ គីម ជុងអ៊ុន (Kim Jong Un) ក៏នៅតែមាននិន្នាការនេះដែរ។

ឈុតឆាកមួយ ពីក្នុងវីដេអូនោះ។ (រូបផ្តិតពីវីដេអូ)

ពីនេះពីនោះ - ថ្នាក់ដឹកនាំ និងរដ្ឋាភិបាលរបស់ប្រទេសកូរ៉េខាងជើង បានព្យាយមនឹងហាមឃាត់វីដេអូមួយ ដែល​បាន​ចំអកយ៉ាងខ្លាំងក្លា ទៅលើមហាអគ្គមគុទេសន៍ ដ៏មហិមារបស់ពួកគេ។ សារព័ត៌មានមួយ របស់ប្រទេសកូរ៉េ​ខាង​ត្បូង បានរាយការណ៍ថា ប្រទេសកូរ៉េខាងជើង បានសុំឲ្យប្រទេសចិន ធ្វើការហាមឃាត់ការផ្សព្វផ្សាយរូបភាព ដែល​មាននៅក្នុងវីដេអូនេះ។

ក្រុមអ្នកទទួលខុសត្រូវរបស់ប្រទេសកុម្មុយនីស បានលើកហេតុផលថា វីដេអូនេះ បានធ្វើឲ្យខូចនូវភាពថ្លៃថ្នូ និង​បង្កឲ្យបាត់បង់នូវឥទ្ធិពលរបស់ រដ្ឋបុរសត្រកូល គីម។

ប៉ុន្តែប្រទេសចិន ទំនងជាមិនអាចសម្រច នូវការដកចេញវីដេអូនេះ ពីបណ្ដាញអ៊ិនធើណែតនោះឡើយ។ នេះជា​បរាជ័យមួយទៀត បន្ទាប់ពីបរាជ័យលើកមុនម្ដងរួចហើយ នៅពេលដែលក្រុម ព្យុងយ៉ាង បានស្នើឲ្យក្រុង វ៉ាស៊ីនតោន ឲ្យហាមឃាត់ភាពយន្ដអាមេរិកមួយ មិនឲ្យចេញបញ្ចាំងនៅតាមរោង។ ភាពយន្ដ «កិច្ចសម្ភាស (The interview)» ដែលចោទប្រកាន់ដោយរបបកុម្មុនីសមួយនេះ បានបង្កើតឈុតឆាកមួយ និយាយពីការរៀបចំធ្វើឃាត មេដឹកនាំ​ផ្ដាច់ការ កូរ៉េខាងជើង៕

វីដេអូ ដែលក្រុងព្យុងយ៉ាងចង់ហាមឃាត់៖