គ.ជ.ប ហាម​បក្ស​ទាំងអស់ កុំ​យក​លេស​ឃោសនា​បោះ​ឆ្នោត​ធ្វើ​បាតុកម្ម

គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានចេញសេចក្តីណែនាំមួយ ដោយហាមប្រាម​មិន​ឲ្យគណបក្សនយោបាយ ឬអ្នកគាំទ្រគណបក្សនយោបាយទាំងអស់ ដែលចូលរួមក្នុងការឃោសនាបោះឆ្នោត ជ្រើស​រើសក្រុមប្រឹក្សាអាណត្តិទី ២ ខាងមុខនេះ មិនត្រូវឆ្លៀតយកសកម្មភាពនេះ ធ្វើឲ្យក្លាយជាការធ្វើបាតុកម្ម តវ៉ាណា​មួយ​ឡើយ។ គ ជ ប ក៏ហាមមិនឲ្យបក្សនយោបាយ ជម្រុញឲ្យមានអំពើហិង្សា ក្នុងពេលឃោសនានេះផងដែរ។
Loading...
  • ដោយ: ជា ធីរិទ្ធ
  • កែប្រែចុងក្រោយ: April 20, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានចេញសេចក្តីណែនាំមួយ ដោយហាមប្រាម​មិន​ឲ្យគណបក្សនយោបាយ ឬអ្នកគាំទ្រគណបក្សនយោបាយទាំងអស់ ដែលចូលរួមក្នុងការឃោសនាបោះឆ្នោត ជ្រើស​រើសក្រុមប្រឹក្សាអាណត្តិទី ២ ខាងមុខនេះ មិនត្រូវឆ្លៀតយកសកម្មភាពនេះ ធ្វើឲ្យក្លាយជាការធ្វើបាតុកម្ម តវ៉ាណា​មួយ​ឡើយ។ គ ជ ប ក៏ហាមមិនឲ្យបក្សនយោបាយ ជម្រុញឲ្យមានអំពើហិង្សា ក្នុងពេលឃោសនានេះផងដែរ។

ការដង្ហែក្បួនរបស់គណបក្សសង្គ្រោះជាតិ ក្នុងថ្ងៃដំបូងទី២៧ខែមិថុនា ក្នុងរាជធានីភ្នំពេញ។ (រូបថត MONOROOM.info/ U. Bory)

ការបោះឆ្នោត - ស្របពេលដែលយុទ្ធនាការឃោសនាបោះឆ្នោត ជ្រើសរើសក្រុមប្រឹក្សាអាណត្តិទី ២ នឹងឈាន​មក​ដល់នៅថ្ងៃទី ០២ ខែឧសភា ឆ្នាំ ២០១៤ ខាមុខនេះ គណកម្មាធិការជាតិរៀបចំការបោះឆ្នោត ហៅកាត់ថា គ ជ ប បានចេញបទបញ្ជាមួយចំនួន ហាមប្រាមមិនឲ្យគណបក្សនយោបាយ ឬអ្នកគាំទ្រគណបក្សនយោបាយទាំងអស់ ធ្វើ​សកម្មភាពអនាធិបតេយ្យក្នុងអំឡុងពេលឃោសនាបោះឆ្នោត ដែលនាំឲ្យមានចលចលនៅក្នុងប្រទេស។

នៅក្នុងសេចក្តីណែនាំ ដែលចុះហត្ថលេខា ដោយលោក អ៊ឹម សួស្តី ប្រធាន គ ជ ប បានបញ្ជាក់ថា ក្នុងអំឡុងពេល​បោះ​ឆ្នោត គណបក្សនយោបាយ បេក្ខជនឬអ្នកគាំទ្រនៃគណបក្សនយោបាយមិនត្រូវធ្វើឲ្យសកម្ម ភាពនៃការ​ឃោសនា​បោះឆ្នោត ក្លាយទៅជាសកម្មភាពបាតុកម្មប្រឆាំងតវ៉ា ឬទាមទារដែលផ្ទុយពីគោលការណ៍​នៃការឃោសនា​បោះឆ្នោត ។ បក្សនយោបាយមិនត្រូវប្រើភាសា ឬនិយាយដៀមដាមប្រមាថមើល ងាយដល់គណបក្សនយោបាយ ឬបេក្ខជន ឬតំណាងគណបក្សនយោបាយណាមួយឡើយ ។ មិនតែប៉ុណ្ណោះ មិនត្រូវជំរុញឲ្យមានការប្រព្រឹត្ត​អំពើ​ហិង្សា ឬការបំភិតបំភ័យក្នុងអំឡុងពេលធ្វើការឃោសនាបោះឆ្នោតឡើង។

នៅក្នុងសេចក្តីណែនាំដដែលនោះ បានហាមប្រាណទៀតថា គណបក្សនយោបាយមិនត្រូវលើកឡើងជាពាក្យសំដី ឬជាលាយលក្ខណ៍អក្សរ ដោយយកព្រឹត្តិការណ៍គួរឲ្យតក់ស្លុត ពីអតីតកាលមកដំណាលដូចជា ឃាតកម្ម ការវាយដំ ការរំលោភ ឬការបំផ្លិចបំផ្លាញទ្រព្យសម្បត្តិរបស់ជនណាម្នាក់ ឬក្រុមណាមួយឡើយ។ មិនត្រូវប្រើភាសាអសីលធម៌​បង្ហាញពីការគំរាមកំហែង ញុះញង់ឲ្យប្រព្រឹត្តអំពើហិង្សា គំរាមកំហែងប្រឆាំងអ្នកបោះឆ្នោត ឬគណបក្សនយោបាយ ឬបេក្ខជនឈរឈ្មោះបោះឆ្នោត។ លើសពីនេះទៀត មិនត្រូវមាថងាយ ប្រមាថ បំភិតបំភ័យ ឬអសីលធម៌ សាបព្រោះ ភាពភ័យខ្លាចធ្វើឲ្យភាន់ច្រឡំ និងខូចសណ្ដាប់ធ្នាប់សង្គម និយាយរិះគន់ រើសអើងប្រកាន់បក្សពួក ជាតិសាសន៍ ភេទ ឋានៈក្នុងសង្គម សាសនាតាមគ្រប់រូបភាព។

ចំពោះការអនុវត្ត នូវសកម្មភាពឃោសនាបោះឆ្នោតវិញ គណបក្សនយោបាយ មិនត្រូវយកទីសាធារណៈ ឬសាល​សាធារណៈ ធ្វើជាកន្លែង ឃោសនាបោះឆ្នោតអចិន្ត្រៃយ៍ឡើយ ។ក្បួនដង្ហែឃោសនាបោះឆ្នោត របស់គណបក្ស​នយោបាយ ត្រូវតែរក្សាសណ្ដាប់ធ្នាប់ សាធារណៈ និងគោរពច្បាប់ចរាចរណ៍ ។ នៅក្នុងបទបញ្ជានោះ ក៏បានព្រមាន​ផងដែរថា ប្រសិនបើគណបក្សនយោបាយ បេក្ខជន និងអ្នកគាំទ្រគណបក្សទាំងឡាយណា ដែលអនុវត្តន៍ ការ​ឃោសនា​បោះឆ្នោតផ្ទុយពីខ្លឹមសារ និងសកម្មភាពនៃការឃោសនាបោះឆ្នោតខាងលើ នឹងត្រូវទទួលខុសត្រូវ​ចំពោះ​មុខច្បាប់។

សូមបញ្ជាក់ថា ការឃោសបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី២ នឹងប្រារព្ធ​ឡើង​ចាប់ពីថ្ងៃទី ០២ ខែ ឧសភា ដល់ថ្ងៃទី ១៦ ឧសភា ឆ្នាំ ២០១៤ ខាងមុខ ហើយការបោះឆ្នោតអសកលនេះ នឹង​ឈានមកដល់នៅថ្ងៃទី១៨ ឧសភា ឆ្នាំ២០១៤។ ចំនួនអ្នកបោះឆ្នោតសរុប ដែលបានចុះឈ្មោះ តាមបណ្ដា​រាជធានី​ខេត្តទាំង ២៥ មានចំនួន ១១ ៤៥៩ នាក់ និងមានការិយាល័យបោះឆ្នោតសរុបចំនួន ១៩៧ ការិយាល័យ។

រីឯគណបក្ស ដែលបានចុះឈ្មោះប្រកួតប្រជែង បោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត មានចំនួន ៤ គណបក្ស គឺបក្សប្រជាជនកម្ពុជា គណបក្សសង្គ្រោះជាតិ គណបក្សហ៊្វុនស៊ិនប៉ិច និងគណបក្សសាធារណរដ្ឋ​ប្រជាធិបតេយ្យ ដោយមានបេក្ខជនឈរឈ្មោះសរុប ១ ៧៧៧ នាក់។ ចំណែកគណបក្ស​ដែលចុះឈ្មោះប្រកួត​ប្រជែង ការបោះឆ្នោតជ្រើសរើសក្រុមប្រឹក្សាក្រុង ស្រុក ខណ្ឌអាណត្តិនេះ មានចំនួន៥ មានគណបក្សប្រជាជនកម្ពុជា គណបក្សសង្គ្រោះជាតិ គណបក្សហ្វុនស៊ីនប៉ិច គណបក្សសាធារណរដ្ឋប្រជាធិបតេយ្យ និងគណបក្សសម្ព័ន្ធដើម្បី​ប្រជាធិបតេយ្យ ដែលមានបេក្ខជនសរុបទាំងអស់ចំនួន ១២ ៨៩៨ នាក់ ៕

-----------------------------------------------
ដោយ ជា ធីរិទ្ធ (ទំនាក់ទំនង៖ [email protected]) - ភ្នំពេញ ថ្ងៃទី២០ មេសា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...