តុបតែងផ្ទះ - ខាងក្រោមនេះ ជាមូលហេតុទាំងបី ដើម្បីបង្ហាញឲ្យឃើញថា អ្នកគួរតែដាំរុក្ខជាតិមួយចំនួន នៅក្នុង​លំនៅដ្ឋាន​របស់អ្នក៖

១. រុក្ខជាតិជួយធ្វើឲ្យខ្យល់បរិសុទ្ធ

រុក្ខជាតិភាគច្រើនបញ្ចេញឧស្ម័នឌីអុកស៊ីត និងអុកស៊ីសែនលាយគ្នា។ ប៉ុន្តែរុក្ខជាតិមួយចំនួនដែលដាំនៅក្នុងផ្ទះ អាច​មិនស្ថិតក្នុងប្រភេទនៃរុក្ខជាតិទាំងនោះ។ អ្នកក៏អាចសួរអ្នកលក់ ពីប្រភេទរុក្ខជាតិណាមួយ ដែលល្អសម្រាប់អ្នកបាន ដូចគ្នា។ ឧស្ម័នអុកស៊ីសែនក្នុងរុក្ខជាតិទាំងនោះ នឹងជួយសម្រួលកាយ និងគំនិតរបស់អ្នកឲ្យកាន់តែល្អជាងមុនថែម មួយកំរិតទៀត។

២. រុក្ខជាតិមិនត្រឹមតែផលិតផ្លែឈើឬបន្លែសម្រាប់អ្នក

រុក្ខជាតិដែលអ្នកបានដាំជុំវិញផ្ទះរបស់អ្នក មិនត្រឹមតែផ្តល់ផលដល់អ្នកប៉ុណ្ណោះទេ ប៉ុន្តែរុក្ខជាតិទាំងនោះថែមទាំង ផ្តល់កម្តៅល្មមសម្រាប់គេហដ្ឋានរបស់អ្នកនោះទៀត។ ម្យ៉ាងវិញទៀត វាបានក្លាយជាទីលំហែរ ជាទីជួបជុំគ្រួសារ​ដើម្បី​បង្កើន ចំណងមិត្តភាពផងដែរ។ ពិសេស វានឹងជួយទប់កម្លាំងខ្យល់ និងរក្សាសំណើមដីជុំវិញផ្ទះអ្នក ឲ្យមានភាពត្រជាក់ត្រជុំទៀតផង។

៣. រុក្ខជាតិជួយឲ្យអ្នកមានអារម្មណ៏ថាមិនឯកា

វិធីសាស្រ្តនៃការបំបាត់ទុក្ខសោកមានច្រើនបែប ច្រើនរបៀប។ យ៉ាងណាមិញ ការមានរុក្ខជាតិក្នុងផ្ទះ ឬនៅជុំវិញផ្ទះ ដូចជាការដាំជាលក្ខណៈសួនច្បារជាដើម នឹងជួយឲ្យអ្នកមានអារម្មណ៏ថាមិនឯកា ព្រោះវានឹងធ្វើឲ្យអ្នកមានភាព រវល់ជាមួយនឹងការដាំ និងថែមទាំវាមួយចំណែក។ ជាពិសេសអារម្មណ៏អ្នកកាន់តែល្អ នាពេលអ្នកស្រឡាញ់រុក្ខជាតិ ដែលអ្នកបានដាំកាន់តែខ្លាំង និងចាត់ទុកពួកវាជាមិត្តភក្តិរបស់អ្នកដែរ៕