ហោ ណាំហុង៖ បណ្តឹង​ទៅ ICC របស់​បក្ស​ប្រឆាំង​ដូច​ប៉ោងៗ​អស់​ខ្យល់

បន្ទាប់ពីគណបក្សសង្រ្គោះជាតិប្រកាសឲ្យដឹងពីគម្រោង ប្តឹងសមត្ថកិច្ចរដ្ឋាភិបាលកម្ពុជា ទៅកាន់តុលាការព្រហ្មទណ្ឌអន្តរជាតិ(ICC) រដ្ឋាភិបាលកម្ពុជាបានឆ្លើយបតភ្លាមៗថា អ្វីដែលរដ្ឋាភិបាលសម្រេចធ្វើ ដោយបានផ្អាកការធ្វើបាតុកម្មហិង្សា ដែលដឹកនាំដោយគណបក្សសង្រ្គោះជាតិ គឺឈរនៅលើគោលការណ៍ច្បាប់ ហើយក៏មានការសាទរពីមតិប្រជាពលរដ្ឋផងដែរ។
Loading...
  • ដោយ: អ៊ុំ បូរី
  • កែប្រែចុងក្រោយ: January 08, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

បន្ទាប់ពីគណបក្សសង្រ្គោះជាតិប្រកាសឲ្យដឹងពីគម្រោង ប្តឹងសមត្ថកិច្ចរដ្ឋាភិបាលកម្ពុជា ទៅកាន់តុលាការ​ព្រហ្មទណ្ឌ​អន្តរជាតិ(ICC) រដ្ឋាភិបាលកម្ពុជាបានឆ្លើយបតភ្លាមៗថា អ្វីដែលរដ្ឋាភិបាលសម្រេចធ្វើ ដោយបាន​ផ្អាកការធ្វើបាតុកម្ម​ហិង្សា ដែលដឹកនាំដោយគណបក្សសង្រ្គោះជាតិ គឺឈរនៅលើគោលការណ៍ច្បាប់ ហើយក៏មានការសាទរពីមតិ​ប្រជាពលរដ្ឋផងដែរ។


លោកហោ ណាំហុង រដ្ឋមន្រ្តីការបរទេសកម្ពុជា កាលពីថ្ងៃព្រហស្បត្តិ៍ទី ១៥វិច្ឆិកា ឆ្នាំ២០១២។ រូបថត MONOROOM.info/​Phnom Thom។

នយោបាយកម្ពុជា - រដ្ឋមន្រ្តីក្រសួងការបរទេសកម្ពុជា លោក ហោ ណាំហុង នៅថ្ងៃទី ០៨ ខែ មករា ឆ្នាំ២០១៤ ក្នុង​កិច្ចសម្ភាសជាមួយអ្នកសារព័ត៌មាន នៅក្រសួងការបរទេស បានលើកឡើងថា រដ្ឋាភិបាលកម្ពុជា​មានការអត់ធ្មត់​យូរ​ណាស់មកហើយ ចំពោះបាតុកម្មខុសនីតិវិធីច្បាប់ ដែលដឹកនាំដោយគណបក្សសង្រ្គោះជាតិកាលពីពេលកន្លងមក ដូច្នេះការសម្រេចបញ្ឈប់ (ការបង្រ្កាប) បាតុកម្មរបស់គណបក្សសង្រ្គោះជាតិ គឺជារឿងត្រឹមត្រូវ ហើយក៏ត្រូវបានមតិ​ទូទៅ​គេមានការអបអរសាទរផងដែរ។

នៅពេលដែលអ្នកសារព័ត៌មានសួរ ពីករណីដែលគណបក្សសង្រ្គោះជាតិនឹងប្តឹងការបង្រ្កាប របស់រដ្ឋាភិបាលកម្ពុជា​លើបាតុករទៅកាន់(ICC) លោក ហោ ណាំហុង បានឆ្លើយបញ្ជាក់ថា៖ «ធម្មតាប៉េងប៉ោងពេលមានខ្យល់ គឺវាហោះ​ឡើងទៅលើ តែបើវាអស់ខ្យល់ គឺវាធ្លាក់ ហើយកាលណាធ្លាក់មកហើយ គឺមិនដឹងដល់ណាទេ ឬក៏ធ្លាក់ទៅ កន្លែង​ដ៏កខ្វក់ស្មោកគ្រោក ក៏វាអាចធ្លាក់ ក៏ថាបាន។»

ការថ្លែងការពាររដ្ឋាភិបាលកម្ពុជាដោយលោក ហោ ណាំហុង នៅពេលនេះ គឺកើតឡើងភ្លាមៗតែមួយថ្ងៃក្រោយពេល លោក កឹម សុខា អនុប្រធានគណបក្សសង្រ្គោះជាតិ បានលើកឡើងពីវប្បធម៌និទណ្ឌភាព (វប្បធម៌រួចទោស) និង​រូប​ភាពនៃការប្រើអំពើហិង្សា កាន់តែមានភាពធ្ងន់ធ្ងរ ដែលបានប្រព្រឹត្តឡើង ដោយកងកម្លាំងប្រដាប់អាវុធរដ្ឋាភិបាល ដឹកនាំដោយគណបក្សប្រជាជនកម្ពុជា។

អនុប្រធានគណបក្សជំទាស់រូបនេះបញ្ជាក់ថា៖ «គណបក្សសង្គ្រោះជាតិ សូមប្រកាសជូនដល់សាធារណជនជ្រាបថា យើងនឹងរៀបចំក្រុមមេធាវីអន្តរជាតិមួយ ដើម្បីធ្វើការវាយតម្លៃជុំវិញបទឧក្រិដ្ឋទាំងឡាយ។ ដែលបានប្រព្រឹត្តដោយ​កងកម្លាំងប្រដាប់អាវុធ ដឹកនាំដោយគណបក្សប្រជាជនកម្ពុជា នៅក្នុងប្រទេសកម្ពុជាកាលពីពេលកន្លងមក និងពេល​ថ្មីៗ​នេះ ទៅកាន់អាយស៊ីស៊ី (ICC)។»

សូមរម្លឹកថា កាលពីពេលថ្មីៗនេះ រដ្ឋាភិបាលកម្ពុជាបានធ្វើការបង្រ្កាបយ៉ាងរង្គាល ទៅលើបាតុករបស់​គណបក្ស​សង្រ្គោះជាតិ និងកម្មករទាមទារប្រាក់ឈ្នួលគោល ១៦០ដុល្លារអាមេរិក។ ការបង្រ្កាបនោះ បណ្តាលឲ្យមានជនរង​គ្រោះយ៉ាងតិច៥នាក់បានស្លាប់ និងរាប់សិបនាក់ផ្សេងទៀត បានរងរបួសធ្ងន់ធ្ងរ ដោយការបាញ់គ្រាប់កាំភ្លើងពិត ពីសំណាក់កម្លាំងសមត្ថកិច្ចកម្ពុជា។ ការបង្រ្កាបយ៉ាងរង្គាលនេះ ត្រូវបានសាធារណៈមតិជាតិ និងអន្តរជាតិសម្តែង​ការសោកស្តាយ និងធ្វើការថ្កោលទោសជាបន្តបន្ទាប់ ចំពោះចំណាត់ការរបស់រដ្ឋាភិបាលកម្ពុជា៕

--------------------------------------
ដោយ៖ អ៊ុំ បូរី - ភ្នំពេញ ថ្ងៃទី០៨ ខែមករា ឆ្នាំ២០១៤
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...