អង់គ្លេស៖ ប្រើ​ពេល​៣៦​នាទី ដើម្បី​ញ៉ាំ​សង់វិច ២,៥​គីឡូក្រាម

គ្មាននរណាម្នាក់ក្លាហាន ហ៊ានទទួលទានសង់វិចមហាធំ ដែលពោរពេញទៅដោយថាមពល (៨ពាន់កាឡូរី) នេះ ពីមុនមកទេ បើគេប្រៀបធៀបមកជីវិតប្រចាំថ្ងៃ ដែលមនុស្សម្នាក់ត្រូវការថាមពលតែ ២,៥ពាន់កាឡូរីប៉ុណ្ណោះ។ ប៉ុន្តែយុវជនដ៏អង់អាច ជេម ប្រឺទែយ (James Brettell) បានលេបបញ្ចូលសង់វិចយក្សនេះ ដោយប្រើពេលតិចជាងមិនដល់៤០នាទីផង។
Loading...
  • ដោយ: ឈូករ័ត្ន
  • កែប្រែចុងក្រោយ: December 05, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

យុវជន ជេម ប្រឺទែយ បានអួតអាងសម្ដែងពីរសជាតិ«ឈ្ងុយយឆ្ងាញ់» បន្ទាប់ពីបានទទួលមកលេប ទាល់តែបាន​សម្រេច នូវ«សង់វិចយក្ស»មួយ ដែលមានទម្ងន់ ២,៥គីឡូក្រាម ដោយប្រើរយៈពេល៣៦នាទីប៉ុណ្ណោះ។


យុវជន ជេម ប្រឺទែយ ក្រោយបំបែកឯកត្តកម្ម អ្នកញ៉ាំសង់វិចបានធំជាងគេ។ (រូបថត ហ្វេសប៊ុក)

ឯកត្តកម្ម - គ្មាននរណាម្នាក់ក្លាហាន ហ៊ានទទួលទានសង់វិចមហាធំ ដែលពោរពេញទៅដោយថាមពល (៨ពាន់​កាឡូរី) នេះ ពីមុនមកទេ បើគេប្រៀបធៀបមកជីវិតប្រចាំថ្ងៃ ដែលមនុស្សម្នាក់ត្រូវការថាមពលតែ ២,៥ពាន់កាឡូរី​ប៉ុណ្ណោះ។ ប៉ុន្តែយុវជនដ៏អង់អាច ជេម ប្រឺទែយ (James Brettell) បានលេបបញ្ចូលសង់វិចយក្សនេះ ដោយប្រើពេល​តិចជាងមិនដល់៤០នាទីផង។

ដើម្បីជាការលើកទឹកចិត្ត ជេម ប្រឺទែយ ទទួលបានរង្វាន់ពីកម្មវិធី នូវអាវយឺតមួយនិងទឹកប្រាក់១១៦ លីវស្ទេលីង (ប្រមាណជា ២០០ដុល្លា) ដែលជានិមិត្តរូបនេះ មនុស្ស១១៦នាក់ ដែលបានប្រកួតដូចនាយដែរ តែបានបរាជ័យ​រហូតមក។

ជេម ប្រឺទែយ ពន្យល់ប្រាប់កាសែតដេល្លីមែល ថា «ខ្ញុំឃើញតាមរូបថត ពីសង់វិចធំដូចយក្សនេះ តាមហ្វេសប៊ុក។ ខ្ញុំគិតថា ខ្ញុំត្រូវតែសាកល្បងវា ឲ្យបានម្ដង។» យុវជនអាយុ២៦ឆ្នាំរូបនេះ មានរូបរាងមិនជាធាត់ណាស់ណាទេ ប៉ុន្តែ​ទំនងជាមានអាថ៌កំបាំងអ្វីមួយ ដែលធ្វើឲ្យយុវជនយកសង់វិចមួយដុំធំយ៉ាងនេះ ទៅទុកក្នុងពោះបាន។ យុវជនបាន​បន្តទៀតថា «ខ្ញុំមិនមានរូបរាងធាត់ធំនោះទេ តែខ្ញុំបានធ្វើកីឡាច្រើនណាស់ កាលពីពេលថ្មីៗនេះ ហើយខ្ញុំញ៉ាំ​អាហារ​ពេល ដែលម្ដងឬពីរដងប៉ុណ្ណោះ នៅពេលយប់។ ខ្ញុំក៏មានអារម្មណ៍ថាភ្ញាក់ផ្អើលណាស់ដែរ នៅពេលដែលខ្ញុំ​បាន​បញ្ចប់​សង់វិចដ៏ធំនេះ។»

ប៉ុន្តែជេម បានសារភាពថា នាយមិនមានអារម្មណ៍ល្អប៉ន្មានទេ បន្ទាប់ពីបានបញ្ចប់អាហារ ដែលមានទំហំប៉ិនកូន​ក្មេងម្នាក់នេះ។ យុវជនបានអះអាងទៀតថា «នៅពេលជិតចប់ វាក្លាយជារឿងមួយពិបាកណាស់ ដែលលេបវាចូល​ទៅក្នុង នៅពេលមានអារម្មណ៍ថាដូចជាលេបដុំថ្មនោះ។ ខ្ញុំគិតថា ម្ចាស់ភោជនីយដ្ឋាប្រហែលជា​បានឃើញខ្ញុំពិបាក​ហើយ ទើបគាត់ងើបទៅប្ដូរបទចម្រៀងមួយបទផ្សេង ដែលចង់ផ្ដល់កម្លាំងចិត្តឲ្យខ្ញុំ។ ការប្ដូរបទចម្រៀងនេះ បាន​ទទួលជោគជ័យមែន ហើយទីបំផុតខ្ញុំបានមកដល់ទីបញ្ចប់ នៃចំណិតចុងក្រោយរបស់សង់វិច។»

សូមបញ្ជាក់ ថាមិនមែនត្រឹមតែសង់វិចទេ សូម្បីតែដំឡូងបារាំងចៀន និងជ្រក់ទឹកស ដាក់អបក្បែរនឹងសង់វិច ក៏ត្រូវ​តែញ៉ាំវា​ឲ្យ​អស់ដែរ។ អ្នកណាទៀត ចង់សាកល្បង?

--------------------------------------------------
ដោយ ៖ ឈូករ័ត្ន - ថ្ងៃទី០៤ ខែធ្នូ ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]onoroom.info
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...