តឺនីស៖ ណាដាល់ បំបាក់​រ៉ាវណិក លើក​ពាន​លើក​ទី​៣​នៅ​កាណាដា

កីឡាករឆ្នើមរបស់អេស្ប៉ាញ រ៉ាហ្វាអែល ណាដាល់ (Rafael Nadal) បានចំណាយពេលត្រឹមតែ ៦៨នាទីតែប៉ុណ្ណោះ ក្នុងការយកឈ្នះកីឡាករជើងខ្លាំងរបស់កាណាដា មីឡូស រ៉ាវណិក (Milos Raonic) ដោយលទ្ធផល ៦-២ និង៦-២ និងបានលើកពាន អេធីភី ម៉ុងរៀលម៉ាស្ទើ (ATP Montreal Masters) កាលពីថ្ងៃអាទិត្យ។
Loading...
  • ដោយ: វិន ជីវ័ន្ត
  • កែប្រែចុងក្រោយ: August 12, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

កីឡាករឆ្នើមរបស់អេស្ប៉ាញ រ៉ាហ្វាអែល ណាដាល់ (Rafael Nadal) បានចំណាយពេលត្រឹមតែ ៦៨នាទីតែប៉ុណ្ណោះ ក្នុងការ​យកឈ្នះកីឡាករជើងខ្លាំងរបស់កាណាដា មីឡូស រ៉ាវណិក (Milos Raonic) ដោយលទ្ធផល ៦-២ និង៦-២ និងបានលើក​ពាន អេធីភី ម៉ុងរៀលម៉ាស្ទើ (ATP Montreal Masters) កាលពីថ្ងៃអាទិត្យ។


កីឡាករ មីឡូស រ៉ាវណិក (ខាងឆ្វេង) និងកីឡាករ រ៉ាហ្វាអែល ណាដាល់។ (រូបថត EFE)

ណាដាល់ បានប្រាប់យ៉ាងច្បាស់ថាគាត់កំពុងតែត្រៀមខ្លួន ដើម្បីប្រកួតក្នុងពានរង្វាន់ដ៏ធំចុងក្រោយ យូអេស អូផិន (US Open) នៅសប្តាហ៏ក្រោយ ដែលរួមបញ្ចូលជាមួយនឹងព្រឹត្តិការណ៏ អេធីភី ដិបិលយូធីអេ ស៊ីនស៊ីនណាទី (ATP-WTA Cincinnati) ផងដែរ។

កីឡាករ ដែលលើកពានទេសចរណ៏អេធីភី លើកទី៣នៅកាណាដា (ណាដាល់) បាននិយាយ បន្ទាប់ពីឈ្នះកីឡាករ រ៉ាវណិក​យ៉ាងងាយស្រួល ថា៖ «យើងនឹងឃើញនៅពេលបន្ទាប់ទៀត ប៉ុន្តែពេលនេះ ខ្ញុំមានអាការៈប្រសើរ។ ខ្ញុំនឹងត្រៀម​ខ្លួន​ឲ្យបានល្អ ហើយថ្ងៃនេះ ខ្ញុំមានកម្លាំងកាយល្អណាស់ និងគ្មានអ្វីរំខាននោះទេ។»

ណាដាល់ បានឈ្នះពានរង្វាន់ ម៉ាស្ទើ១០០០ លើកទី២៥ហើយ និងបានឈ្នះពានមិត្តភាពទេសចរណ៏នេះ លើកទី៨​ហើយ​ដែរនៅក្នុងរដូវកាលនេះ ខណៈដែលពានរង្វាន់របស់គាត់ទាំងអស់សរុបមានរហូតដល់ ៥៨ពាន។

កីឡាករលំដាប់លេខ៤ពិភពលោក បាននិយាយថា៖ «ទោះបីជាទទួលបានជ័យជំនះ ឬក៏បរាជ័យ វាមិនប៉ះពាល់​ដល់​ការ​ប្រកួតខាងមុខ របស់ខ្ញុំនោះទេ។ នៅពេលដែល ខ្ញុំទៅដល់ទីក្រុងញ៉ូយ៉ក ខ្ញុំនឹងគិតពី ពានរង្វាន់យូអេសអូផិន។ ខ្ញុំតែងតែ​ផ្តោតអារម្មណ៏ មួយដំណាក់កាលម្តងៗ។ ខ្ញុំធ្វើបានល្អណាស់ នៅលើទីលាន នៅក្នុងសប្តាហ៏នេះ។ ខ្ញុំពិតជារីករាយ ហើយ​ខ្ញុំនឹងរក្សារទម្រង់ល្អបែបនេះទៀត។»

ចំណែកឯកីឡាករ រ៉ាវណិក ជាកីឡាករម្ចាស់ផ្ទះតែមួយរូបគត់ ដែលប្រជាជនកាណាដាសង្ឃឹមថា នឹងអាចជួយ​កាណាដា​លើកពានជាលើកដំបូង ចាប់តាំងពីឆ្នាំ១៩៥៨ បាននិយាយទាំងខកចិត្ត និងសរសើរដល់ណាដាល់ថា៖ «ណាដាល់ ពិតជា​ធ្វើឲ្យខ្ញុំដឹងច្បាស់ថ្ងៃនេះ ហើយនេះជាការប្រកួតដ៏សំខាន់បំផុត នៅក្នុងអាជីពរបស់ខ្ញុំ។ ខ្ញុំរីករាយ ប៉ុន្តែក៏មាន​ការសោក​ស្តាយខ្លាំងណាស់ដែរ ដែលមិនអាចលើកពាន នៅក្នុងទឹកដីកាណាដា របស់ខ្លួនឯង៕»

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី១២ ខែសីហា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...