ប្អូនស្រី ហ៊ុន សែន ទទួលមេដាយ«ស្នេហាជាតិ»ពីយួន ក្នុងនាម«ចារនារី»
ស្ត្រីកម្ពុជាបីនាក់ ត្រូវបានក្រសួងការពារជាតិវៀតណាម ជ្រើសរើសឲ្យទទួលមេដាយ«ស្នេហាជាតិ» ក្នុងនោះ មានបងប្អូនស្រីត្រកូល«ហ៊ុន»ពីរនាក់ គឺលោកស្រី ហ៊ុន ស៊ីណាត និងលោកស្រី ហ៊ុន សេងនី ដែលអ្នកទាំងពីរជាប្អូនស្រីបង្កើតរបស់លោក ហ៊ុន សែន។ ចំណែកស្រីម្នាក់ទៀត ដែលបានមកអមស្ត្រីទាំងពីរខាងលើនោះ គឺមន្ត្រីជាន់ខ្ពស់ក្រសួងការពារជាតិកម្ពុជា អ្នកស្រី ហង់ បុរី។ ពិធីប្រគល់មេដាយលំដាប់ទី៣ របស់វៀតណាម ដែលមានឋានៈស្មើនឹងរដ្ឋមន្ត្រីនេះ ត្រូវបានរៀបចំឡើងជាលក្ខណៈ«ឯកជន» កាលថ្ងៃទី១០ ខែធ្នូ ឆ្នាំ២០១៤ កន្លងទៅ នៅក្នុងបរិវេណស្ថានទូតវៀតណាម នារាជធានីភ្នំពេញ។
ស្ត្រីខ្មែរទាំងបីរូបនេះ ទទួលបានកិត្តិយសដូច្នេះ ព្រោះពួកគាត់ជាអ្នកមានស្នាដៃក្នុងចារកម្មយោធា និងជាអ្នកស្នេហាជាតិកម្ពុជា។ នេះបើតាម [...]