ផ្សារដើមគ៖ ដេញអាជីវករចេញ យកកន្លែងជួលផ្ញើរម៉ូតូ នៅទីបំផុត!
បន្ទាប់ពីបានដេញស្ត្រីវ័យចំណាស់លក់បន្លែ ចេញពីទីតាំងខាងមុខទីស្នាក់ការផ្សារដើមគ កាលពីចុងឆ្នាំ២០១៤កន្លងមក ប្រធានផ្សារដើមគ បានសន្យានៅពេលនោះថា នឹងយកកន្លែងនេះ ដើម្បីរៀបចំសណ្តាប់ធ្នាប់។ ប៉ុន្តែផ្ទុយទៅវិញ វាមិនដូចអ្វីដែលលោកបាននិយាយនោះទេ ព្រោះរំលងបានប្រមាណជា២ខែ ទីតាំងនេះបានក្លាយទៅជាកន្លែងផ្ញើរម៉ូតូកង់ ឬរថយន្ដរបស់ឯកជនមួយ ដែលមានតម្លៃលើស ពីសៀវភៅបន្ទុករបស់សាលារាជធានីភ្នំពេញបានកំណត់។ ការផ្ញើរម៉ូតូនេះ ត្រូវបានយកតម្លៃ ក្នុងម៉ូតូមួយគ្រឿងពី១០០០រៀល ទៅ២០០០រៀល ខណៈដែលសាលារាជធានីភ្នំពេញ បានចេញប្រកាសឲ្យប្រើប្រាស់តម្លៃ ត្រឹមតែពី៣០០រៀល ទៅ៥០០រៀល ក្នុងម៉ូតូមួយគ្រឿង។