All Articles of MONOROOM.info

នៅរសៀលថ្ងៃទី១៤ ខែកញ្ញាឆ្នាំ២០១៥នេះ កម្លាំងចម្រុះខណ្ឌសែនសុខ បានសហការ ជាមួយព្រះរាជ្ញារង អម​សាលាដំបូងរាជធានីភ្នំពេញ លោក កែវ សុជាតិ ចុះធ្វើការឃាត់ខ្លួន ក្រុមគ្រួសាររកស៊ីខុសច្បាប់មួយកន្លែង ជំនាញ​ខាងចាក់កន្ទុយលេខ នៅផ្ទះលេខ៥៦ ផ្លូវលំភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានី​ភ្នំពេញ។ ក្រុមអាជ្ញាធរ បានឃាត់ខ្លួន ស្រ្តីបុរសជាម្ចាស់ផ្ទះចំនួន០៤នាក់ និងសម្ភារៈប្រើប្រាស់ សម្រាប់ចាក់​កន្ទុយ​លេខ មួយចំនួនទៀត។

ជនប្រព្រឹត្តទីមួយ ឈ្មោះ សុខ ទីណា អាយុ៤៨ឆ្នាំជាប្តី ទីពីរឈ្មោះ ចាន់ ដានី អាយុ ៣៦ឆ្នាំជាប្រពន្ធ រួមទាំង​អ្នក​ស្នាក់នៅជាមួយ និងជួយជ្រោមជ្រែង ក្នុងរបរខុសច្បាប់នេះ ពីរនាក់ទៀត ឈ្មោះ គង់ រ៉ែម អាយុ២៦ឆ្នាំ និង​ម្នាក់​ទៀតឈ្មោះ ចាន់ នី អាយុ៤៩ឆ្នាំ។ ក្នុងពេលចុះបង្ក្រាប សមត្ថកិច្ចនគរបាល​បានរកឃើញ វត្ថុតាងមួយ​ចំនួន​ដូច​ជា សៀវភៅកត់កន្ទុយលេខ ជាច្រើនក្បាល ប្រាក់រៀលមួយលាន ហាសិបប្រាំបីម៉ឺនរៀល [...]

វាជារឿងពិតមួយ ដែលអាចធ្វើឲ្យស្រស់ទឹកភ្នែក។ នាង ភឹម (ឈ្មោះអ្នកនិពន្ធដាក់ឲ្យ) ជានិស្សិតនៅ​វិទ្យាស្ថាន​មួយ ក្នុងរាជធានីភ្នំពេញ ជំនាញធនាគាឆ្នាំទី៣ និយាយទាំងអារម្មណ៍ មិនសូវសប្បាយចិត្ត ប្រាប់ទស្សនាវដ្ដី​មនោរម្យ.អាំងហ្វូថា ពេលនេះ នាងកំពុងមានបញ្ហាសំខាន់មួយ ត្រូវការអ្នកប្រឹក្សា ឲ្យជួយនាង។

នាង បាននិយាយទៀតថា តែទីបំផុតមិត្តភក្កិនៅជុំវិញខ្លូន ដែលធ្លាប់ធ្វើកិច្ចការសាលា ជាមួយគ្នា ឬទៅណា​មក​ណាជាមួយគ្នា បែរជាលែងនិយាយ ជាមួយនាងទាំងអស់ សូម្បីតែទូរស័ព្ទរក ក៏ពួកគេមិនលើកដែរ។

យុវតី ភឹម បានរៀបរាប់ថា នាងបានស្រក់ទឹកភ្នែក នៅថ្ងៃទី១៥ ខែកញ្ញា ដែលនាយិការ និងរដ្ឋាបាលសាលា​របស់នាង បានបដិសេធន៍ មិនឲ្យចូលប្រឡងឆមាសទីមួយ ឆ្នាំទីបី ដូចសិស្សដ៏ទៃទៀត ដោយយោងមូលហេតុ​ថា នាងទៅសាលាយឺត ម៉ោងទីមួយប្រាំនាទី ចំនួនប្រាំដង។ ថ្ងៃនោះ ជាថ្ងៃទីមួយ ដែលវិទ្យាស្ថាន ធ្វើការប្រឡង​ឆមាសទីមួយ សម្រាប់និស្សិតឆ្នាំទី៣ [...]

កង្វះខាត នៃតួលេខដ៏សំខាន់ ក្នុងការសំគាល់ លើខ្ទង់ចំណាយ ឬចំណូលនានា ដែលមានរហូតដល់ (ប៊ីលាន) នោះ បានជំរុញឲ្យរដ្ឋាភិបាលកម្ពុជា តាមរយៈទីស្តីការគណៈរដ្ឋមន្រ្តី ចេញប្រកាសអនុញ្ញាត ឲ្យប្រជាពលរដ្ឋ​ខ្មែរទាំងអស់ មានសិទ្ធិក្នុងការប្រើប្រាស់ប្រព័ន្ធលេខ«ខ្មែរ» រាប់ចាប់ពី «១០លើកជាស្វ័យគុណ៩» ឡើងទៅ ទៅ​តាមស្តង់ដា និងហៅតាមប្រព័ន្ធអង់គ្លេស ។

តាមសេចក្តីប្រកាសរបស់លោក សុខ អាន រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី កាលពីថ្ងៃទី១០ ខែកញ្ញា ឆ្នាំ២០១៥នេះ បានធ្វើការពន្យល់ថា មូលហេតុដែលចាំបាច់តម្រូវឲ្យកម្ពុជា ធ្វើការកម្ចីលេខ«ស្វ័យគុណ» ពី​ប្រព័ន្ធអងស់គ្លេសនោះ ព្រោះតែក្នុង«ភាសាបាលី គិតជាលេខ» (ឬភាសាខ្មែរ) បានបញ្ចប់ ត្រឹម«១០ស្វ័យគុណ​១២ (10¹²)»ប៉ុណ្ណោះ។ លោករដ្ឋមន្រ្តី បានអះអាងបញ្ជាក់ផងថា ប្រព័ន្ធស្វ័យគុណអង់គ្លេសនេះ មានភាព​ច្បាស់​លាស់ អាចទទួលយក មកប្រើប្រាស់បាន។

ការសម្រេចដាក់ឲ្យប្រជាពលរដ្ឋកម្ពុជា [...]

សូមតុលាការជួយផ្តល់នូវយុត្តិធម៌ និងជួយទទួលខុសត្រូវ លើគ្រួសារអ្នកស្រី ដែលត្រូវបានគេប៉ងយាយី ជា​បន្ត​បន្ទាប់នោះផង។ នេះជាការស្រែកតវ៉ា ខ្លាំងៗ នៅមុខតុលាការកំពូល កណ្ដាលរាជធានីភ្នំពេញ កាលពីថ្ងៃទី១៤ ខែកញ្ញា ឆ្នាំ២០១៥ របស់អ្នកស្រី ប៉ោ អឿន (ហៅយាយផាន់) មកពីភូមិថ្មដូន ស្រុកបន្ទាយអំពិល ក្នុងខេត្ត​ឧត្ដរ​មានជ័យ បន្ទាប់ពីអ្នកស្រី ត្រូវបានមន្ត្រីសន្តិសុខ​យាមតុលាការកំពូល មិនអនុញ្ញាតឲ្យចូលតុលាការ ដើម្បី​សួរ​រក​ហេតុផលខុសត្រូវឡើយ។

ជាប់ពន្ធនាគារ ខណៈខ្លួនគ្មានទោស...

ការស្រែកតវ៉ា ដែលមិនទទួលលទ្ធផល បានធ្វើឲ្យអ្នកស្រី ក្នុងវ័យ៤៩ឆ្នាំ ងាកមកផ្ដល់កិច្ចសម្ភាស ឲ្យ​ទស្សនាវដ្តី​មនោរម្យ.អាំងហ្វូ ជាមួយនឹងពាក្យថា «អយុត្តិធម៌ណាស់»។ អ្នកស្រី ប៉ោ អឿន ដែលបានរងការ​ចោទប្រកាន់ ក្នុងសំនុំរឿង«ឃាតកម្ម»មួយ តាំងពីឆ្នាំ២០០៤ មកនោះ បាននិយាយរៀបរាប់ថា ស្ត្រីដើមបណ្តឹង អ្នកស្រី ហេង ឡាយហៀង [...]

ហេតុការណ៍គ្រោះថ្នាក់ ត្រង់ចំណុចម្តុំកន្លែងលក់បរបរស នៅតាមបណ្តោយផ្លូវព្រះមុន្នីវង្ស ក្នុងសង្កាត់​បឹង​កេង​កងទី១ ខណ្ឌចំកាមន រាជធានីភ្នំពេញនេះ បានកើតឡើង នៅវេលាម៉ោង ប្រមាណ៤ និង៣០ នាទីទៀបភ្លឺ ថ្ងៃ​ទី១៤ ខែកញ្ញា ឆ្នាំ២០១៥។ ឡានបង្កហេត ធុន ហាយឡិនដឺ ពណ៍ខ្មៅ ស្លាកលេខភ្នំពេញ ២M-៦៤៤៥ ត្រូវ​បាន​បើកបរ ដោយបុរសម្នាក់ មិនស្គាល់អត្តសញ្ញាណ ក្នុងល្បឿនលឿន ពីត្បួងទៅជើង តាមមហាវិថីខាងលើ។ លុះ​មកដល់ចំណុចនេះ ក៏បានរេចង្កូត ទៅបុករះរនាំងដែកចែកផ្លូវ ដួលអស់ចំនួន៥ផ្ទាំង ពេញទំហឹង។

អ្នកឃើញហេតុការណ៍ បានឲ្យដឹងថា នៅពេលឡានបង្កខាងលើ ជ្រុលទៅបុករនាំងដែករួច មិនបានឈប់​ភ្លាមៗ​នោះទេ តែបានព្យាយាម បន្តដំណើរទៅទៀត ទាំងភាពស្រវឹង ហើយថែមទាំងបើកយ៉ាងលឿន ហាក់​ខ្លាច​មាន​អ្នក​ដេញទាន់។

មិនខុសទេ ព្រោះបន្ទាប់ពីនោះបានបន្តិច ក្រុមសមត្ថកិច្ចខណ្ឌចំការមន បានដេញតាម យ៉ាងប្រកិត​ជាប់ពី​ក្រោយ។ លុះបានមួយកំណាត់ផ្លូវ ជនស្រវឹងបើកឡានឃើញថា [...]