All Articles of MONOROOM.info

អាជីពថ្មីថ្មោងរបស់នាង អាសែល ដែស្ពើជឺឡែរ (Axelle Despiegelaere) បានកើតមកហើយ តែក៏រលាយទៅវិញ ដូចក្ដីសុបិន្ដក្នុងពេលរាត្រី។ តារាបង្ហាញម៉ូដ ដែលបានប្រឡូកក្នុងអាជីពនេះ ដោយសារបានទៅហ៊ោរបាល់ នៅ​ក្នុង​កីឡាដ្ឋាននៃប្រទេសប្រេស៊ីល នៅពេលក្រុមបាល់ទាត់ប៊ែលហ្សិក ជួបនឹងក្រុមអាមេរិក។ សហគ្រាស​គ្រឿង​សម្អាង​របស់បារាំង ប្រចាំនៅប្រទេសប៊ែលហ្សិក បានលប់កិច្ចសន្យាជាមួយនាង អាសែល ចោលវិញ ដោយសារ​តែរូបថត​មួយសន្លឺក ដែលបង្កឲ្យមានភាពកក្រើក នៅតាមបណ្ដាញអ៊ិនធើណែត។

នាង អាសែល ដែស្ពើជឺឡែរ ក្នុងសំលៀកបំពាក់ងូតទឹក។ (រូបថតហ្វេសប៊ុក)

បាល់ទាត់ពិភពលោក - សារព័ត៌មានអង់គ្លេស The Independent បានឲ្យដឹងថា សហគ្រាសផលិតគ្រឿងកែ​សម្ផស្ស និងគ្រឿងក្រអូបបារាំង [...]

ស្ពានអាកាសស្ទឹងមានជ័យ នឹងបើកសម្ភោធ ដាក់ឲ្យប្រជាពលរដ្ឋទូទៅ ធ្វើដំណើរឆ្លងកាត់នៅថ្ងៃទី៣១ ខែកក្កដា ឆ្នាំ២០១៤ ខាងមុខ។ មុននឹងទៅឃើញផ្ទាល់ភ្នែក ថាស្ពានអាកាសទីបី នៅរាជធានីភ្នំពេញមានលក្ខណៈបែប​ណា​នោះ ទស្សនាវដ្ដីមនោរម្យ.អាំងហ្វូ សូមជម្រាបជូនត្រួសៗ ដោយមានរូបភាពវីដេអូ«ពីលើអាកាស» ដាក់​អមមកជា​មួយផង។

ស្ពានអាកាសស្ទឺងមានជ័យ សង់រួចហើយមើលពីលើ។ (រូបថត ហ្វេសប៊ុក)

ហេដ្ឋារចនាសម្ព័ន្ធ - បន្ទាប់ពីស្ពានអាកាសក្បាលថ្នល់ ស្ពានអាកាសប្រាំពីរមករា (ពេទ្យលោកសង្ឃ) ឥឡូវនេះ ស្ពានអាកាសស្ទឹង​មាន​ជ័យ នឹងក្លាយខ្លួនជាស្ពានអាកាសទីបី សម្រាប់ប្រទេសកម្ពុជា។ បើទោះជាវាមានឈ្មោះថា [...]

សីលធម៌ - ស្ត្រីជាពលរដ្ឋម្នាក់ ក្រោយពីបានយកកូនទៅចាក់ថ្នាំ នៅមន្ទីពេទ្យគន្ធបុប្ផា បានបង្ហោះវីដេអូនៅលើ​បណ្តាសង្គមហ្វេសប៊ុក ដោយសម្ដែងការមិនពេញចិត្ត នឹងពាក្យសម្តីមិនសមរម្យ របស់គ្រូពេទ្យនៅទីនោះថា សីលធម៌​របស់គ្រូពេទ្យនៅទីនោះមិនមានទេ។ អ្នកស្រីបានវាយតម្លៃថា គ្រូពេទ្យដែលនៅក្នុង​មន្ទីពេទ្យ១០០នាក់​មានតែ ១ឬ២នាក់តែប៉ុណ្ណោះ ដែលប្រើសម្តីល្អសមរម្យ។

អ្នកប្រើប្រាស់គណនីម្នាក់ ដែលមានឈ្មោះថា Soun Seyla បានបន្ទរទៅជាមួយដែរ ថាខ្លួនក៏ធ្លាប់មានបទពិសោធន៍​​ដូច​អ្នកស្រីខាងលើដែរ។ សួន សីលា បាននិយាយថា៖ «អ៊ុំខ្ញុំក៏ធ្លាប់ទៅពេទ្យនោះ គាត់ក៏មានការឈឺចាប់ និងគួរ​ឲ្យ​ខ្លាច​សំដីររបស់ពេទ្យមួយចំនួន នៅទីនោះខ្លាំងណាស់ដែរ។ ការប្រើពាក្យសំដី ហាក់ដូចជាគេទៅសុំទានអញ្ចឹង។»

សីលា បានពន្យល់ករណីនេះ ដោយខ្លួនឯងទៀតថា គ្រូពេទ្យប្រៀបបីដូចជាទេវតា ដែលប្រោសជីវិតមនុស្ស [...]

រឿងរ៉ាវរបស់តារាចម្រៀង ករុណា ពេជ្រ ត្រូវបានទម្លាយចេញ តាមរយៈបទចម្រៀង ដែល​មានចំណងជើងថា «តែង​សេចក្តីអំពីពុក»។ តារាចម្រៀងរូបនេះ បានបញ្ជាក់ថា ភាគច្រើននៃទំនុកច្រៀង គឺស្រដៀងនឹងរឿងពិតរបស់ខ្លួន។

តារាចម្រៀង ករុណា ពេជ្រ។ (រូបថតហ្វេសប៊ុក)

តារា - «តែងសេចក្តីអំពីពុក» គឺជាចំណងជើងនៃបទចំរៀងច្រៀង របស់អ្នកចំរៀង នៅក្នុងផលិតកម្មថោន ករុណា ពេជ្រ ដែលត្រូវបានម្ចាស់ខ្លួន អះអាងស្ទើតែ៧០ភាគរយ ថាជាចំណែកនៃរឿងរ៉ាវជិវិតពិតរបស់ខ្លួន។

អាល់ប៊ុមដែលនឹងត្រៀមចេញ ក្នុងអំឡុងខែកក្តដានេះ គឺអ៊ាល់ប៊ុមពិសេស របស់ផលិតកម្មថោន ដែលរៀបចំ​ពី​រឿង​រ៉ាវពិត របស់តារាបីដួងក្នុងផលិតកម្មមួយនេះ។ សម្រាប់ ករុណា ពេជ្រ [...]

ព្រះគ្រូចៅអធិការស្តីទី វត្តសាមគ្គីរង្សី ព្រះតេជគុណ ថាច់ ថាសំអាង បានមានសង្ឃដីការថា ប្រជាពលរដ្ឋកម្ពុជា​នៅ​ប្រទេសកម្ពុជាបច្ចុប្បន្ន ពិសេសប្រជាពលរដ្ឋកម្ពុជា នៅកម្ពុជាក្រោម ដែលកំពុងគ្រប់គ្រងដោយរដ្ឋាភិបាល​ប្រទេស​វៀតណាម មិនត្រូវលង់លក់ហើយយល់ថា ប្រទេសវៀតណាម ដែលមានប្រវត្តិលួចឆក់ទឹកដីកម្ពុជា បញ្ឈប់ការ​ស្រេក​ឃ្លានរបស់គេនោះឡើយ។

លោក ហ៊ុន សែន ក្នុងពេលថ្លែងជាភាសាវៀតណាម ទៅកាន់អ្នកមុខអ្នកមាត់ ក្នុងប្រទេសវៀតណាម កាលពីចុង​ខែធ្នូ ឆ្នាំ២០១៣។ (រូបភាពថតពីវីដេអូទូរទស្សន៍វៀតណាម)

ទឹកដី - ព្រះតេជគុណ ថាច់ ថាសំអាង ព្រះគ្រូចៅអធិការស្តីទីវត្តសាមគ្គីរង្សី នៅខណ្ឌមានជ័យ រាជធានីភ្នំពេញ ដែលមានដើមកំណើត មកពីខ្មែរកម្ពុជាក្រោម [...]