Posts in ‘សម្រាំងបច្ចុប្បន្នភាព’ Category

បន្ទាប់ពីគណៈកម្មាធិការជាតិរៀបចំការបោះឆ្នោត ហៅកាត់ថា (គ.ជ.ប) តម្រូវឲ្យគណបក្សនយោបាយ ឈរឈ្មោះ​បោះឆ្នោត តម្កល់ប្រាក់ជាមុនក្នុងតម្លៃ ១៥ លានរៀលនោះ អង្គការឃ្លាំមើលការបោះឆ្នោតមួយ បានចាត់ទុកនិតិវិធីនោះ ថាគឺជារនាំងមួយ មិនឲ្យគណបក្សនយោបាយតូចៗ មានសិទ្ធិចូលរួមការបោះឆ្នោតបានដោយសេរី។

លោក ហង្ស ពុទ្ធា។

លោក ហង្ស ពុទ្ធា នាយកគណៈកម្មាធិការអព្យាក្រឹត និងយុត្តិធម៌ ដើម្បីការបោះឆ្នោតដោយសេរី និងត្រឹមត្រូវនៅកម្ពុជា ហៅកាត់ថា និកហ្វិច (NICFEC) បានចាត់ទុកបទបញ្ញត្តិរបស់ គ.ជ.ប ថាគឺជាការកាត់បន្ថយសិទ្ធិ ចូលរួមក្នុង​ការប្រកួត​ប្រជែង របស់គណបក្សនយោបាយ ដោយសារនៅពេលកន្លងមក មានគណបក្សនយោបាយចុះឈ្មោះ នៅឯក្រសួង​មហាផ្ទៃ ជាង ៤០គណបក្ស ប៉ុន្តែមានតែជាង ១០គណបក្សប៉ុណ្ណោះ ដែលឈរឈ្មោះបោះឆ្នោត។ លោក ហង្ស ពុទ្ធា [...]

ដប់ថ្ងៃក្រោយពីមរណភាព របស់បេក្ខជននៅក្នុងកម្មវិធីទូរទស្សន៍ «កោះល័នតា (Koh Lanta)» នៅថ្ងៃច័ន្ទទី១ខែមេសានេះ វេជ្ជបណ្ឌិតទីជេរី កូស្ដា (Thierry Costa) ដែលជាគ្រូពេទ្យប្រចាំការរបស់ផលិតកម្ម បានធ្វើអត្តឃាត នៅក្រុងព្រះសីហនុ។ នេះជាការអះអាង របស់ផលិកម្មអេវេនឈើ ឡាញ (Adventure line productions - ALP) ដែលផលិតកម្មវិធីទូរទស្សន៍ នៅ​ប្រទេសជាច្រើនរួចមកហើយ មុននឹងមកកម្ពុជា ដើម្បីធ្វើកម្មវិធីដដែល នៅលើកោះរ៉ុង។

ឈុតឆាកមួយ នៅក្នុងកម្មវិធី«កោះល័នតា» របស់ទូរទស្សន៍ប៉ុស្ដ៍លេខមួយបារាំង។

ក្នុងសេចក្ដីប្រកាសព័ត៌មាន របស់ផលិតកម្ម បានបញ្ជាក់ថា «យើងបានទទួលដំណឹងទាំងក្ដុកក្ដួល ថាវេជ្ជបណ្ឌិត ទីជេរី កូស្ដា បានធ្វើអត្តឃាត នៅថ្ងៃនេះនៅកម្ពុជា»។ សេចក្ដីប្រកាសព័ត៌មាននោះ បានបន្ថែមថា [...]

ចៅក្រមស៊ើបអង្កេតនៅសាលាដំបូងខេត្តកំពង់ស្ពឺ ដែលបានចូលរួមស៊ើបអង្កេតឡើងវិញ ជាមួយភាគីបារាំង លោក ឆែម រិទ្ធី បាននិយាយប្រាប់ កាលពីថ្ងៃច័ន្ទទី០១ ខែមេសា ឆ្នាំ២០១៣ថា លោកមានផែនការទៅជួប និង​សាកសួរប្អូនថ្លៃម្នាក់ទៀត ដែលត្រូវជាប្អូនថ្លៃរបស់ប្រពន្ធលោកវ៉ាលីយ៉េ ដែលកំពុង​ជាប់ពន្ធនាគារ​ក្នុង​ខេត្ត​កំពង់ចាម។

មន្រ្តីតុលាការរូបនេះ មិនទាន់អាចបញ្ជាក់បាននៅឡើយទេ ពីការកំណត់កាលបរិច្ឆេទ ក្នុងការចុះទៅជួប​ជន​សង្ស័យ​រូបនេះ ដែលលោកសាកសួរក្នុងនាមជាសាក្សី។

ទាក់ទងនឹងការវិវត្តពីលទ្ធផលថ្មី នៃការស៊ើបអង្កេតបន្ថែម របស់ភាគីចៅក្រមបារាំង លោក ឆែម រិទ្ធី នៅ​មិន​ទាន់​បានទទួល នូវព័ត៌មានថ្មីណាមួយ ពីក្រុមបារាំងដែលបានចុះមកស្រុកខ្មែរ ដើម្បីធ្វើការ​ស៊ើប​អង្កេត​ករណី​ស្លាប់ របស់លោកវ៉ាលីយ៉េ ទៀតនៅឡើយ។

លោក បានថ្លែងថា «ខ្ញុំមានគម្រោងរបស់ខ្ញុំ គឺចុះទៅពន្ធនាគារខត្តកំពង់ចាម នៅថ្ងៃណាមួយដើម្បីជួបបុរស [...]