Posts in ‘សម្រាំងបច្ចុប្បន្នភាព’ Category

សំនួររបស់លោក ជុន ច័ន្ទបុត្រ អ្នកសារព័ត៌មាន របស់វិទ្យុអាស៊ីសេរី ទទួលបានចម្លើយមកវិញ ពីលោក សម រង្ស៊ី ប្រធានចលនាសង្គ្រោះជាតិ មានលក្ខណៈ​គួរឲ្យភ្ញាក់ផ្អើល។ នោះ គឺមេដឹកនាំប្រឆាំង ដែលជាគូបដិបក្ខនយោបាយ ដ៏ស្រួចស្រាវរបស់លោកនាយករដ្ឋមន្ត្រី ហ៊ុន សែន បានសុំឲ្យលោកនាយករដ្ឋមន្ត្រី បើកភ្នែកឲ្យ«ធំទាំងពីរ» ដើម្បីអ្វីមួយ ដែលលោក សម រង្ស៊ី ពន្យល់ថា ជាការ​«មើលការពិត»។

លោក ជុន ច័ន្ទបុត្រ បានស្រង់សំដីរបស់លោក ហ៊ុន សែន ដែលបានថ្លែង កាលពីប៉ុន្មានថ្ងៃមុន មកសួរអតីតប្រធានគណបក្សប្រឆាំងថា៖ «ការធ្វើនយោបាយរបស់លោក សម រង្ស៊ី មិនកើតទេ ដោយហេតុថា លោកគ្មានចិត្តខន្តីសោះ។ ទន្ទឹមនឹងចង់ជួបចរចា ជាមួយនឹងលោក ហ៊ុន សែន ហ្នឹង ក៏ចាប់ផ្ដើមបញ្ឆេះឲ្យមាន ការធ្វើបាតុកម្ម ដុតទីងមោងអីជាដើម ដែលធ្វើឲ្យលោក ហ៊ុន សែន កាន់តែខឹងទៅ ហើយក៏តាំងចិត្ត លែងជជែកតវ៉ាអី ជាមួយលោក សម រង្ស៊ី ទៀតហើយ។ តើលោកបកស្រាយ តបទៅវិញយ៉ាងម៉េចដែរ?»។

ពាក្យសុំចុះបញ្ជីគណបក្សនយោបាយ ដែលចុះហត្ថលេខា ដោយលោក កែម រិទ្ធិសិត ក្នុងឋានៈជាប្រធានគណបក្ស បានដាក់ចូលទៅកាន់ក្រសួងមហាផ្ទៃ កាលពីម្សិលម៉ិញ ដើម្បីសុំបង្កើតគណបក្សថ្មីមួយ ឈ្មោះ គណបក្សខ្មែរតែមួយ។ ពាក្យសុំចុះបញ្ជីនោះ ត្រូវបាននាយក​ដ្ឋាន​កិច្ចការ​សមាគម​ និង​គណបក្ស​នយោបាយ​ នៃក្រសួងមហាផ្ទៃ បោះត្រាទទួល​យក​រួច​ហើយ។

ពាក្យសុំចុះបញ្ជីនេះ ត្រូវបានស្ថាបនិកគណបក្សថ្មី ដែលគេស្គាល់ថា ជាប្អូនប្រុសលោក កែម ឡី ធ្វើឡើងជាលើកទីពីរ បន្ទាប់ពីការសុំចុះបញ្ជីលើកមុន ដោយដាក់ឈ្មោះ និងរូបសញ្ញាគណបក្ស តាមឈ្មោះ និងរូបលោក កែម ឡី មិនទទួលបានការស្វាគមន៍ ពីក្រសួងមហាផ្ទៃ ដោយតម្រូវឲ្យស្ថាបនិកគណបក្ស ត្រូវមើលច្បាប់ស្ដីពីគណបក្សនយោបាយ ត្រង់មាត្រាទី១១។

តាមមាត្រានោះ នៃច្បាប់ថ្មី ដែលទើបត្រូវបានធ្វើវិសោធនកម្ម ដោយរដ្ឋសភាគណបក្សប្រជាជនកម្ពុជា បានកំណត់មិនឲ្យគណបក្សនយោបាយ ដាក់ឈ្មោះ និងដាក់រូបសញ្ញា តាមឈ្មោះ [...]

«ប្រទេសរបស់យើង (ប្រទេសបារាំង) បានជួបក្នុងថ្ងៃនេះ នូវភេរវកម្មវាយប្រហារមួយ ដែលមានចរិកឥស្លាមនិយម។ ភ្នាក់ងារនគរបាលម្នាក់ ដែលសុំប្ដូរខ្លួន ជំនួសចំណាប់ខ្មាំង បានរងរបួសដ៏ធ្ងន់ធ្ងរ (...) អារម្មណ៍របស់យើង ដិតជាប់ដោយរូបគាត់ ហើយយើងគិត ទៅដល់គ្រួសាររបស់គាត់។» នេះ ជាការថ្លែងឡើង របស់លោក អេម៉ានុយអែល ម៉ាក្រុង (Emmanuel Macron) ប្រធានាធិបតីបារាំង នៅក្នុងសន្និសីទកាសែតមួយ ក្នុងល្ងាចថ្ងៃដដែល។

លោកប្រធានាធិបតី បានបន្តថា៖ «តុល្យភាព ដែលយើងដឹងក្នុងពេលនេះ គឺមនុស្ស៣នាក់ បានស្លាប់ និង១៦នាក់ផ្សេងទៀត បានរងរបួស។ កងកម្លាំងរបស់យើង កំពុងខិតខំតាមគ្រប់មធ្យោបាយ ដើម្បីកំណត់អត្តសញ្ញាណ នូវជនដ៏គ្រោះថ្នាក់ទាំងឡាយ និងធ្វើការបង្ក្រាបជនទាំងនោះ។ ការគម្រាមកំហែង នៅតែបន្តមាន តែក៏ត្រូវដឹងដែរ ថាការតបតរវិញ ពីសំណាក់ប្រជាជាតិបារាំង ក៏មានកម្លាំងខ្លាំងក្លាដែរ។»។

ក្នុងរសៀលថ្ងៃសុក្រនេះ [...]

គេដឹងជាមុនរួចហើយថា លោក វ្លាឌីមៀរ ពូទីន (Vladimir Poutine) ប្រធានាធិបតីចប់អាណត្តិ នឹងឈ្នះឆ្នោត ដើម្បីបន្តកាន់អំណាចចំនួន៦ឆ្នាំទៀត នៅក្នុងការបោះឆ្នោត ជ្រើសតាំងប្រធានាធិបតីរ៉ូស្ស៊ី កាលពីថ្ងៃអាទិត្យ ទី១៨ ខែមី កន្លងមនេះ។ តែសម្រាប់អ្នកឃ្លាំមើលឯករាជ្យ បានបរិហារលោក ពូទីន និងមន្ត្រីមានអំណាច នៅតាមតំបន់មួយចំនួន ថាមិនចាំបាច់ប្រព្រឹត្តិអំពើ លួចបន្លំសន្លឹកឆ្នោត ដ៏គួរឲ្យអាម៉ាស អស់ទាំងនេះទេ។

ភាពមិនប្រក្រតី ជាច្រើនពាន់ករណី ត្រូវបានរកឃើញ នៅក្នុងការបោះឆ្នោតនោះ មានដូចជា ការដឹកជញ្ជូនមនុស្សទាំងរថយន្ដក្រុងៗ ទៅបោះឆ្នោត ដោយកម្លាំងនគរបាល - ក្រុមអ្នកឃ្លាំមើលជាច្រើននាក់ បានរងការគម្រាមកំហែង និងការលួចញាត់សន្លឹកឆ្នោត ដែលគូសរួច ចូលទៅក្នុងហិបឆ្នោតជាដើម។

ហេតុអ្វី បានជាពួកគេចាំបាច់ធ្វើដូច្នេះ បើដឹងថាលោក ពូទីន នឹងឈ្នះឆ្នោតទៅហើយនោះ? ក្រុមអ្នកឃ្លាំមើលបានពន្យល់ថា នោះគឺដើម្បីតំឡើងតួលេខ [...]

«បើលោក ហ៊ុន សែន មិនងាកមករកផ្លូវប្រជាធិបតេយ្យ និងការគោរពសិទ្ធិមនុស្សវិញទេនោះ មានន័យថា លោក ហ៊ុន សែន សម្រេចចិត្តយកសុខុមាលភាព និងវិបុលសុខរបស់ប្រជាពលរដ្ឋខ្មែរ មកប្រថុយនឹងគ្រោះថ្នាក់»។ នេះ ជាជម្រើសពីរ សម្រាប់លោកនាយករដ្ឋមន្ត្រី ហ៊ុន សែន ដែលត្រូវបានគណបក្សសង្គ្រោះជាតិ លើកឡើង នៅក្នុងសេចក្ដីថ្លែងការណ៍មួយ របស់គណបក្ស។

សេចក្ដីថ្លែងការណ៍ របស់គណបក្សប្រឆាំង ដែលទើបនឹងចេញផ្សាយ នៅមុននេះ បានសរសេរសាទរ សេចក្ដីថ្លែងការណ៍រួម របស់ប្រទេសចំនួន ៤៥ នៅក្នុងកិច្ចប្រជុំលើកទី៣៧ នៃក្រុមប្រឹក្សាសិទ្ធិមនុស្ស របស់អង្គការសហប្រជាជាតិ ជុំវិញជំហររបស់ប្រទេសទាំងនេះ ព្រមានមិនទទួលស្គាល់ លទ្ធផលនៃការបោះឆ្នោតជាតិ ក្នុងពេលខាងមុខ ប្រសិនណា ជាគ្មានវត្តមានរបស់គណបក្សសង្គ្រោះជាតិ ចូលរួមទេនោះ។

គណបក្សសង្គ្រោះជាតិ ដែលត្រូវបានរំលាយ ដោយអំណាចសាលដីកា ដ៏ចម្រូងចម្រាស់ របស់តុលាការកំពូល កាលពីពាក់កណ្ដាល ខែវិច្ឆិកានោះ [...]