Posts in ‘យុត្តិធម៌ សណ្ដាប់ធ្នាប់’ Category

ជំនួបប្រចាំឆ្នាំនៃបណ្ដាក្រុមហ៊ុនអាកាសចរណ៍ ក្នុងពិភពលោក ត្រូវបានធ្វើនៅថ្ងៃអាទិត្យទី០១ នេះ រហូតដល់​ថ្ងៃ​អង្គារទី០៣ ខែមិថុនាខាងមុខ នៅទីក្រុងដូហា នៃប្រទេសកាតា។ ប៉ុន្តែកិច្ចប្រជុំដ៏សំខាន់នេះ ទំនងជាត្រូវនិយាយ​ជុំ​វិញតែបញ្ហាដ៏អាថ៌កំបាំង និងគ្រោះថ្នាក់មិនដែលធ្លាប់មាន នៃយន្ដហោះប៊ូអីង របស់ក្រុមហ៊ុនអាកាសចរណ៍ ម៉ាឡេស៊ី​អ៊ែរឡាញ ដែលបានបាត់ខ្លួនកាលពីដើមខែមីនាកន្លងទៅ តែបានបន្សល់ទុកនូវការប៉ះទង្គិចយ៉ាងខ្លាំងមួយ សម្រាប់​វិស័យដឹកជញ្ជូនផ្លូវអាកាស។

យន្ដហោះ និងរូបសញ្ញារបស់សមាគមដឹកជញ្ជូនផ្លូវអាកាសអន្តរជាតិ។

បាត់យន្ដហោះ - មហាសន្និបាតលើកទី៧០ របស់សមាគមដឹកជញ្ជូនផ្លូវអាកាសអន្តរជាតិ ដែលហៅកាត់​តាមភាសា​អង់គ្លេសថា IATA [...]

នាយកការិយាល័យសុវត្ថិភាពគមនាគមន៍ របស់ប្រទេសអូស្ត្រាលី នៅតែបន្តអះអាងកាលពីថ្ងៃសុក្រ ទី៣០ ខែឧសភា ពីទឡ្ហីករណ៍ច្បាស់លាស់របស់ក្រុមអ្នកស៊ើបអង្កេត ដែលបង្ហាញថា តួយន្ដហោះប៊ូអីង ៧៧៧ របស់ក្រុមហ៊ុន​ម៉ាឡេស៊ី​អ៊ែរឡាញ ពិតជាមាននៅលើមហាសមុទ្រឥណ្ឌា។

រូបថត ពីលើយន្ដហោះ ដែលត្រូវបានបញ្ជូនឲ្យទៅរុករកយន្ដហោះបាត់ខ្លួន។ (រូបថត Reuters)

បាត់យន្ដហោះ - បើតាមផ្កាយរណប ដែលបានតាមដានដំណើររបស់យន្ដហោះប៊ូអីង រហូតដល់យន្ដហោះ​បាន​បាត់​ខ្លួនទាំងស្រុងនោះ នៅថ្ងៃទី៨ ខែមីនានោះ បានឲ្យដឹងថា យន្ដហោះប្រាកដជាបានធ្លាក់បោកខ្លួន នៅកន្លែង​ណា​មួយ នៃរង្វង់ដែលគេបានគូស ក្នុងមហាសមុទ្រឥណ្ឌាខាងត្បូង ឬអាចទៅខាងជើងនៃប្រទេសថៃ ឆ្ពោះទៅ​ប្រទេស​កាហ្សាស្ដង់។

បន្ទាប់ពីមានសកម្មភាព តាមរំខានគេហទំព័ររដ្ឋាភិបាល (Hacker) ជាបន្តបន្ទាប់មក មន្រ្តីជាន់ខ្ពស់របស់ប្រទេស​កម្ពុជា បាន​សម្តែង​ការព្រួយបាម្ភ លាយឡំ ជាមួយនឹងការព្រមានចាត់វិធានការម៉ឺងម៉ាត់ អំពីបញ្ហាសុវត្ថិភា​ពតាម​ប្រព័ន្ធ​អ៊ីនធើណែត មានទាំងករណីបណ្តាញសង្គមហ្វេសប៊ុក ជាដើម។ ប៉ុន្តែរហូតមកដល់ពេលនេះ រដ្ឋាភិបាល​កម្ពុជា​នៅមិនទាន់បានកំណត់ចាត់វិធានការ ទៅលើការប្រើប្រាស់បណ្ដាញសង្គមហ្វេសប៊ុក នោះនៅឡើយ។

រូបថតរបស់ក្រុមអានាមិកកម្ពុជា ផ្សាយនៅលើហ្វេសប៊ុក បង្ហាញពីការសកម្មភាពរបស់ពួកគេ ក្នុងការវាយ​ប្រហារ​ទៅលើគេហទំព័រនានា។

សុវត្ថិភាព - «កម្ពុជាយើងបើកទូលាយទាំងអស់ ហើយគ្មានប្រទេសណា ដែលមានការបើកទូលាយជាង នៅ​ប្រទេស​​យើងនោះទេ។ (...) [...]