សន្តិសុខផ្សារនាគមាស មានអំណាចវាយដំមនុស្សដូចសត្វ!
ហេតុការណ៍នេះ បានបង្ករការភ្ញាក់ផ្អើល នៅព្រឹកថ្ងៃទី១៣ ខែឧសភា ឆ្នាំ២០១៥ នៅក្នុងបរិវេណផ្សារនាគមាស ក្នុងសង្កាត់ផ្សារដើមគរ ខណ្ឌទួលគោក រាជធានីភ្នំពេញ។ សាក្សីដែលនៅក្នុងហេតុការណ៍ បានចង្អុលទៅក្រុមសន្តិសុខមួយក្រុម ថា បានព្រួតគ្នាបង្ករបញ្ហា ជាមួយអ្នករត់រីម៉កកង់បី ដឹកបន្លែ និងអ្នកអូសរទេះ ដឹកបន្លែនៅផ្សារខាងលើ។ សាក្សីទាំងនោះ បានបញ្ជាក់ទៀតថា មានអ្នករងរបួស ប្រមាណជា៥នាក់ ត្រូវបញ្ជូនទៅមន្ទីពេទ្យ និងមានការខូចខាតសម្ភារៈ មួយចំនួនទៀត។
អ្នករងគ្រោះម្នាក់ ក្នុងចំណោមអ្នករងរបួសធ្ងន់ ៤នាក់ លោក ដូង ពិសី មកពីស្រុកស្អាង ខេត្តកណ្តាល បានប្រាប់ទស្សនាវដ្ដីមនោរម្យ.អាំងហ្វូថា ដំបូងឡើយ សន្តិសុខឈ្មោះហៅក្រៅថា ០៧ បានស្រែកខ្លាំងៗ ដាក់លោក និងអ្នកម្ចាស់រឺម៉កដ៏ទៃថា ឲ្យចេញពីកន្លែង ដែលពួកលោក ធ្លាប់ទុកយាន្ដកង់បីរបស់ខ្លួន ជារៀងរាល់ថ្ងៃ។ ដោយការបញ្ជា គ្មានហេតុផលច្បាស់លាស់ លោកមិនបានចេញទេ តែបន្តិចក្រោយមក [...]