Posts in ‘យុត្តិធម៌ សណ្ដាប់ធ្នាប់’ Category

អភិបាលរងខណ្ឌទួលគោក លោក ប៉ាង លីដា បានលើកឡើង ដូចជាដេញជើង អ្នកក្រោមបង្គាប់ថា មិនមាន​អ្វី​រីកចម្រើនប៉ុន្មានសោះ ព្រោះភាពរញេរញ៉ៃ នៃការលក់ដូរ របស់អាជីវករក្នុងផ្សារដើមគ នៅតែមាន។ ការអះអាង​របស់លោក បានធ្វើឡើង នៅក្នុងអង្គប្រជុំ ជាមួយមន្ត្រីរៀបចំសណ្ដាប់ធ្នាប់ ជុំវិញផ្សារដើមគ និងបន្ទាប់ពីលោក បានចុះទៅជួបផ្ទាល់ ជាមួយអាជីវករផ្សារ ដើម្បីព្យាយាមដឹងពីបញ្ហានៅទីនោះ។ ទស្សនាវដ្ដី​មនោរម្យ.អាំងហ្វូ បាន​ចុះយកការណ៍នៅពេលនោះ បានធ្វើសេចក្ដីរាយការណ៍នេះ ដូចខាងក្រោម។

នៅចំពោះអ្នកស្រី ផល្លា អ្នកលក់ដូរម្នាក់ នៅជាប់ផ្លូវ៣៣៦ ក្នុងផ្សារនេះ លោក ប៉ាង លីដា បាននិយាយថា សូម​ឲ្យអ្នកស្រី មេត្តាលក់ថយ ទៅក្រោយបន្តិច ដើម្បីបានស្រឡះផ្លូវធំ ងាយស្រួលមនុស្សចេញចូល ក្នុងការដើរ​ទិញ​ឥវ៉ាន់ផ្សារនេះ។

ប៉ុន្តែអ្នកស្រី ផល្លា ដែលមានឥវ៉ាន់ លយចេញមកខាងផ្លូវ បានយល់ព្រមជាមួយលោក ប៉ាង លីដា ថារើចេញ​ទៅក្រោយបន្តិចមែន ដើម្បីឲ្យមានផ្លូវដើរ។ [...]

នេះជាករណីមួយទៀត ដែល«អាច»ឆ្លុះបញ្ចាំង ពីសមត្ថភាព ក្នុងការបំបែករឿងក្ដី ឬសំនុំរឿងឧក្រិដ្ឋកម្មណាមួយ របស់ក្រុមសមត្ថកិច្ចកម្ពុជា ហើយ«ក៏អាច»បានឆ្លុះបញ្ចាំងដែរថា យ៉ាងហោចណាស់ ប្រសិនបើជនត្រូវចោទ ជា​ឧក្រិដ្ឋជនពិត ឬជាឧក្រិដ្ឋជនសិប្បនិមិត្តក្ដី ក៏ការវាយតប់ យកចម្លើយសារភាព ទៅលើជនត្រូវចោទ ដោយមន្ត្រី​សមត្ថកិច្ចណាមួយនោះ ជាទង្វើ«ខុសច្បាប់»។ ក្នុងលិខិតមួយ សរសេរដោយផ្ទាល់ដៃ របស់ជនរងគ្រោះ លោក សោម គឹមស៊ាន ពីពន្ធនាគារព្រៃសរ បានផ្ញើរមកទស្សនាវដ្តីមនោរម្យ.អាំងហ្វូ តាមរយៈភរិយារបស់លោក (ជន​សង្ស័យ) ក្នុងថ្ងៃទី៧ ខែមិថុនានេះ បានរៀបរាប់ថា រាល់ចម្លើយសារភាពទាំងឡាយណា ដែលខ្លួននិយាយនៅ​ចំពោះ​មុខសមត្ថកិច្ច ក្រោមការវាយដុំនោះ ខ្លួនបានបដិសេធ នៅចំពោះមុខតុលាការហើយ។

ក្នុងលិខិត ចុះថ្ងៃទី១ ខែមិថុនា របស់លោកបានសរសេរថា ចម្លើយដែលខ្លួនលោក បានឆ្លើយនៅមុខសមត្ថកិច្ច ត្រូវបានលោកបដិសេធ នៅចំពោះមុខតុលាការ ដោយបានអះអាងថា [...]

អ្នកនៅក្នុងព្រឹត្តិការណ៍នេះលោក កឿន បានប្រាប់ទស្សនាវដ្តីមនោរម្យ.អាំងហ្វូឲ្យដឹងថា ដំបូងឡើយ ឡាន​ខាង​លើបានបើកយឺតៗទេ បម្រុងនឹងឈប់នៅស្តុប ផ្លូវភ្លោះអូរឬស្សី តាមបណ្តោយផ្លូវមុន្នីវង្ស ពីត្បូងទៅជើង។ ឡាន​នោះ បានឈប់ចាំរហូតដល់ភ្លើងស្តុបពណ៍ខៀវ បានបើកចេញតិចៗទៅ នៅពេលបត់តិចៗបម្រុង នឹងទៅឆ្វេង ស្រាប់តែមិនដឹងយ៉ាងម៉េច ឡានបានតម្លើង«ហ្គែរ» កាន់តែលឿន រហូតដល់បុកបង្គោលស្តុប មិនឈប់រុលទៅបុក ហាងលក់កាមេរ៉ា នៅជាប់នោះទៀត បណ្តាលឲ្យមានការខូចខាតមួយចំនួន។

បន្ទាប់ពីឡានអស់ខ្យល់ ដោយបុកជាប់ពីមុខហាងកាមេរ៉ានោះទាំង រំលងអាធ្រាតយប់ អ្នកទាំងបួន​បាននាំគ្នា​ចេញ​ពីឡាន ហើយដើរចេញមកក្រៅ គ្មានអ្នកណារងរបួសធ្ងន់នោះទេ។ សាក្សីបានឲ្យដឹងទៀតថា អ្នកបើក​រថយន្ត​បង្ករគ្រោះថ្នាក់ ឈ្មោះ សុទ្ធា អភារាជ ជានិស្សិតនៅសាកលវិទ្យាល័យបញ្ញាសាស្ត្រកម្ពុជា បានបើកបរ​ឡាន​មួយគ្រឿងនេះ មានពណ៍ខៀវទឹកប៉ិច និងពាក់ស្លាកលេខ ភ្នំពេញ ២P-៤៤៦៤។

បើស្រវឹង កុំបើកបរ ហើយបើបើកបរ កុំផឹកឲ្យស្រវឹង។ ការបើកបរទាំងស្រវឹង ជាទង្វើល្មើសច្បាប់ ហើយការ​បើក​បរទៅបុក ថ្មខណ្ឌចែកទ្រូងផ្លូវ ក៏ជាទង្វើ«បំផ្លាញទ្រព្យសម្បត្តិសាធារណៈដែរ»។ ប៉ុន្តែសួរថា តើអង្កាល់ទៅ ទើប​ច្បាប់អាចត្រូវគេអនុវត្តន៍ ទៅលើអ្នកបើកបរ ទាំងស្រវឹងទាំងនេះ?

នេះជាករណី បើកបរទាំងស្រវឹង មើលឃើញថ្មពុះចែកថ្នល់ ថាជាផ្លូវ បើកទៅបុក លុះត្រារបើកខ្ចាត់ខ្ចាយអស់។ សំណាងល្អ ដែលបានបើកឡាន ឡើងទ្រូងផ្លូវ ខ្ទេចទ្រូងផ្លូវ ឡានរងការខូចខាតខ្លះ តែម្ចាស់អ្នកបើកបរ នៅមាន​សុវត្តិភាពធម្មតា។ ហើយបុរសអ្នកបើកឡាន ដែលគេបានឃើញ បើកឡើងបុកទ្រូងផ្លូវនោះ ឈ្មោះ ឈ្មោះ អ៊ុន ចន្ថា បច្ចុប្បន្ន ជាអ្នកធ្វើការ នៅក្នុងក្រសួងពាណិជ្ជកម្ម។

សាក្សីដែលបានឃើញហេតុការណ៍នេះ បានប្រាប់ឲ្យដឹងថា ករណីគ្រោះថ្នាក់ចររាចរណ៍ បើកឡានបុកទ្រូង​ផ្លូវ​ពេញទំហឹងនេះ បានកើតឡើង កាលពីវេលាម៉ោង ១២ និង៣០ នាទីយប់ថ្ងៃទ០៧ ឈានចូលថ្ងៃទី០៨ ខែ​មិថុនា ឆ្នាំ២០១៥ [...]

ករណី បុរសជនជាតិបរទេស ដេកស្ទើរអង្គុយ ស្លាប់នៅមាត់ទ្វាចូលផ្ទះ ត្រង់បង្អួចនេះ បានកើតឡើង ក្នុង​លំនៅ​ដ្ឋានជួលរបស់លោក ដែលបើកជាផ្ទះសំណាក់ ស្ថិតក្នុងក្រុមទី១៨ ផ្ទះលេខ ១៤២ ផ្លូវ ១៤៧ សង្កាត់ជ័យជំនះ ខណ្ឌដូនពេញ រាជធានីភ្នំពេញ។ បុរសរងគ្រោះឈ្មោះ ហានូ អីម៉ារី (Jokinnem Timo Hannu Ilmari) ជាជន​ជាតិ​ហ្វាំងឡង់ មានអាយុ ៤៩ ឆ្នាំ ដែលកំពុងប្រើប្រាស់លិខិតឆ្លងដែន លេខ PV០៩០៧០០៨ ត្រូវបានគេ​ស្គាល់​ថា ជាអ្នកជួលផ្ទះ បើកជាផ្ទះសំណាក់ ពីអ្នកស្រី គីម ហួរ អាយុ៣៧ឆ្នាំ នៅក្នុងទីតាំងខាងលើជាមួយស្វាមី។ បច្ចុប្បន្ន​អ្នកទាំងពីរ​ រស់នៅផ្ទះលេខ ៧៣Eo ផ្លូវ១៧២ ភូមិទី៦ សង្កាត់ជ័យជំនះ ខណ្ឌដូនពេញ រាជធានី​ភ្នំពេញ។

ម្ចាស់ផ្ទះទាំងពីរនាក់ប្តីប្រពន្ធខាងលើ បានបដិសេធមិនឆ្លើយតប ជាមួយអ្នកសារព័ត៌មាននោះទេ ហើយបាន​បិទទ្វារបង ចូលទៅទៅតាំងកើតហេតុ ដោយមិនផ្តល់ភាពលំអិតអ្វីច្រើនឡើយ។ អ្នកស្រី គីម ហួរ គ្រាន់តែ​បាន​និយាយថា [...]