អ៊ុំ សំអាន ត្រូវសាលាឧទ្ធរណ៍បដិសេធ មិនឲ្យនៅក្រៅឃុំ
ចម្បាំងយុត្តិធម៌នៅសាលាឧទ្ធរណ៍ ដើម្បីសុំឲ្យលោក អ៊ុំ សំអាន តំណាងរាស្ត្រមណ្ឌលខេត្តសៀមរាប បាននៅក្រៅឃុំជាបណ្ដោះអាសន្ន បានជួបនឹងភាពបរាជ័យ នៅព្រឹកថ្ងៃអង្គារទី១៧ ខែឧសភានេះ ដែលមិនខុសគ្នាពីការស្នើសុំឲ្យនៅក្រៅឃុំ ដែលបានធ្វើកន្លងមក នៅសាលាដំបូងនោះឡើយ។
លោក ជូង ជូងី មេធាវីការពារក្ដីឲ្យលោក អ៊ុំ សំអាន បានថ្លែងប្រាប់អ្នកសារព័ត៌មានថា ចៅក្រមបានសម្រេច មិនឲ្យកូនក្ដីរបស់លោក នៅក្រៅឃុំជាបណ្តោះអាសន្នទេ ដោយយោងតាមមូលហេតុពីរ៖ ទីមួយ សាលាដំបូងមិនទាន់បញ្ចប់ការស៊ើបអង្កេត និងទីពីរ លោក អ៊ុំ សំអាន អាចបង្កចលាចលក្នុងសង្គម ប្រសិនបើនៅក្រៅឃុំ។
លោកមេធាវី បានថ្លែងឲ្យដឹងថា៖ «សភាស៊ើបសួរសាលាឧទ្ធរណ៍ យល់ឃើញថា គាត់ជាតំណាងរាស្ត្រ ការដែលដោះលែងគាត់ឲ្យនៅក្រៅឃុំ [...]
