Posts in ‘សម្រាំងកីឡា’ Category

ក្រុមម្ចាស់ជើងឯកអ៊ឺរ៉ុប ៤សម័យកាល បាសេឡូណា (Barcelona) ឬហៅម្យ៉ាងទៀតថា បាសា (Barca) បានយកឈ្នះក្រុម អ្នកមានថ្មី ប៉ារីស ហ្សិន ជឺម៉ិន (Paris Saint Germain) ដោយល័ក្ខខ័ណ្ឌរកគ្រាប់បាល់ក្រៅផ្ទះបានច្រើនជាង ហើយបន្ត​ដំណើររបស់ខ្លួន ទៅកាន់វគ្គពាក់កណ្តាលផ្តាច់ព្រ័ត្រឆែមពានលីក (Champions League) ជាបន្ត។

លីយ៉ូនែល មេស្សី (រូបខាងស្ដាំ) បាននាំសំណាងត្រឡប់ មកអោយក្រុមបាសាវិញ។

បន្ទាប់ពីការប្រកួត កាលពីជើងទី១ បញ្ចប់ត្រឹមលទ្ធផលស្មើគ្នា ២-២ នៅប្រទេសបារាំងនោះ ក្រុមប៉ារីស ត្រូវធ្វើដំណើរមក​កាន់ទឹកដី ក្រុមបាសា វិញ នាកីឡាដ្ឋាន ខេមនូ (Camp Nou) កាលពីយប់ថ្ងៃពុធ។ ខ្សែប្រយុទ្ធអាស្សង់ទីន ចាវីយឺ ប៉ាស្តូ (Javier Pastore) បានរកគ្រាប់បាល់ឲ្យក្រុមបារាំងនាំមុខមុន នៅនាទី៥០ ប៉ុន្តែខ្សែប្រយុទ្ធអេស្ប៉ាញ ផិតដ្រូ [...]

អ្នកប្រដាល់អាមេរិក ហ្វឡយ ម៉ាវ៊េដឺ (Floyd Mayweather) បាននិយាយប្រាប់ដល់អ្នកគាំទ្ររបស់ខ្លួន ឲ្យបានដឹងថា គាត់​នឹងឡើងវាយម្តងទៀត ជាមួយនឹងកីឡាករ រ៉ួបឺត ក្វឺរឺរ៉ូ (Robert Guerrero) នៅក្នុងរដ្ឋ ឡាស វីកាស (Las Vegas) នាថ្ងៃទី០៤ ខែឧសភា ខាងមុខ។

កីឡាករប្រដាល់ ហូឡយ ម៉ារ៉េដឺ។

កីឡាករវ័យ ៣៦ឆ្នាំ ម៉ាយវ៊េដឺ បានទទួលបានជោគជ័យជាច្រើនក្នុងអាជីពរបស់គាត់ ប៉ុន្តែគាត់ពុំដែល​ធ្លាប់​ឡើងសង្វៀន ជាមួយនឹងអ្នកប្រដាល់ ក្វឺរឺរូ ទេ។ តែទោះជាយ៉ាងណា គាត់បានសន្យាថា គាត់នឹងធ្វើឲ្យបានល្អ ជាទីបំផុត។

គាត់បាននិយាយថា «ខ្ញុំបានឈប់ពីការប្រកួតអស់រយះពេល ១ឆ្នាំហើយ ដូច្នេះខ្ញុំពិតជាចង់ឡើងលើ​សង្វៀនម្តង​ទៀត​ណាស់។ ខ្ញុំពិតជារំភើបខ្លាំងណាស់ ព្រោះវាសល់ពេលមិនដល់ ១ខែទេ នឹងដល់ការប្រកួតហើយ។»

ម្ចាស់ក្លឹបបាល់ទាត់អេស្ប៉ាញ ម៉ាឡាកា (Malaga) លោក ស្ស៊េក អាបឌុឡា អាថានី (Sheikh Abdullah Al-Thani) បាន​ប្រាប់ដល់សហព័ន្ធយូហ្វា (Uefa) ឲ្យមានការស៊ើបអង្កេតឡើងវិញ ហើយគាត់យល់ថា ក្រុមរបស់គាត់ចាញ់ក្រុម ដតម័ន (Dortmund) ក្នុងការប្រកួតឆែមពានលីក (Champions League) នេះ ជាលទ្ធផល «មិនយុត្តិធម៌»។

ក្រុមអាជ្ញាកណ្ដាល នៃការប្រកួតរវាង ម៉ាឡាកា និងដតម័ន។

ក្រុម ដតម័ន បានរកគ្រាប់បាល់បានចំនួន ២គ្រាប់ ក្នុងម៉ោងបន្ថែម ដែលធ្វើឲ្យពួកគេទទួលបានជ័យជំនះ ៣-២ ហើយអាច​ឡើងទៅវគ្គពាក់កណ្តាលផ្តាច់ព្រ័ត្រជាបន្ត។ ប៉ុន្តែគ្រាប់បាល់របស់កីឡាករ ហ្វីលីប សាន់តាណា (Felipe Santana) ជាគ្រាប់​បាល់អូហ្វសាយ (offside) ហើយម្ចាស់ក្លឹបសញ្ជាតិកាតារូបនេះ គិតថាក្រុមគាត់គួរតែជាអ្នកឈ្នះ។

គាត់បាននិយាយ [...]

ខ្សែប្រយុទ្ធដែលសំបូររឿងអាស្រូវច្រើនជាងគេ ម៉ារីអូ បាឡូតេលី (Mario Balotelli) របស់ក្រុម អេស៊ី មីឡាន (AC Milan) បានទទួលរងការពិន័យ មិនឲ្យចូលប្រកួតក្របខ័ណ្ឌ អ៊ីតាលី ស៊េរីអេ (Italy Seria A) ចំនួន៣ប្រកួត ដោយសារជេរ​អាជ្ញា​កណ្ដាល ក្នុងអំឡុងពេលប្រកួតទល់នឹងក្រុម ហ្វៀអរិនទីណា (Fiorentina) ២-២ កាលពីថ្ងៃអាទិត្យកន្លងទៅ។

កីឡាករ ម់ារីយ៉ូ បាឡូតេលី របស់អ៊ីតាលី ពេលស្រែកតតាំងជាមួយអាជ្ញាកណ្ដាល។

កីឡាករ វ័យ២២ឆ្នាំ បានទទួលរងការពិន័យ១ប្រកួតរួចស្រេចទៅហើយ ក្រោយទទួលកាតលឿងលើកទី៤ប្រចាំរដូវកាល នៅក្នុងជំនួបដែលបញ្ចប់ទៅក្នុងលទ្ធផលស្មើនោះ។ បន្ថែមលើនេះ អតីតខ្សែប្រយុទ្ធក្រុមមេឃខៀវ បានស្រែកជេរ​ជំនួយ​ការអាជ្ញាកណ្ដាលនៅពេលចប់ការប្រកួត ដែលធ្វើឲ្យការពិន័យបានកើនដល់៣ប្រកួតតែម្ដង។

ការពិន័យនេះ [...]

ក្រុមអធិរាជស រៀលម៉ាឌ្រីដ (Real Madrid) បានធ្វើដំណើរទៅកាន់វគ្គពាក់កណ្តាលផ្តាច់ព្រ័ត្រ នៃពានរង្វាន់ឆែមពានលីក (Champions League) ជាបន្តទៀត ទោះបីជាប្រកួតចាញ់ក្រុមហ្គាឡាតាសារៃ (Galatasaray) ដោយលទ្ធផល ៣-២ កាលពីយប់ថ្ងៃអង្គារ៏ក៏ដោយ។ គ្រាប់បាល់របស់កីឡាករ គ្រីស្ទែណូ រ៉ូណាល់ដូ (Cristiano Ronaldo) នៅពេលចាប់ផ្តើម និងនៅចុងម៉ោង បានជួយឲ្យក្រុម ដែលមកពីប្រទេសអេស្ប៉ាញមួយនេះ យកឈ្នះទាំង២ជើង ដោយលទ្ធផល ៥-៣។

គ្រីស្ទែណូ រ៉ូណាល់ដូ និងក្រុមរបស់ខ្លួន សប្បាយពេលបានទាត់បញ្ចូលទី ក្រុមគូរប្រជែង។

រៀលម៉ាឌ្រីដ ហាក់ដូចជាមានអារម្មណ៏កក់ក្តៅ បន្ទាប់ពីកីឡាករ គ្រីស្ទែណូ រ៉ូណាល់ដូ រកគ្រាប់បាល់បាន នៅនាទី ទី៧ ដែលជាគ្រាប់បាល់ទី១០ របស់គាត់ក្នុងក្របខ័ណ្ឌអ៊ឺរ៉ុបមួយនេះ។ កីឡាករឆ្នើមរូបនេះ ធ្វើបានយ៉ាងល្អ [...]