Posts in ‘សម្រាំងកំសាន្ដ’ Category

កាលពីថ្ងៃសុក្រសប្ដាហ៍មុន នៅក្នុងមន្ទីរពេទ្យ លេដ្ស៍ (Leeds) បុគ្គលិកប្រចាំការពេលយប់ លោក អេនដ្រូវ ម៉ៃប៊ន (Andrew Milburn) មានបំណងចង់ ផ្ញើរសារចុងក្រោយមួយ ដើម្បីជូនពរ«រាត្រីសួស្ដី» ទៅឲ្យ​សង្សា​របស់នាយ។ ប៉ុន្តែសារចុងក្រោយនេះ ក៏ដើម្បីចង់បង្ហាញទៅសង្សារបស់លោក ថាលោកពិតជាកំពុងធ្វើការ ពេល​យប់ ក្នុងមន្ទីរពេទ្យនោះមែន។ ហើយដើម្បីផ្គាប់ចិត្ត និងអះអាងប្រាប់ នារីកំពូលស្នេហ៍របស់ខ្លួន លោក អេនដ្រូវ ម៉ៃប៊ន បានថតរូបមួយសន្លឹក ផ្ញើរទៅសង្សាខ្លួន តាមរយៈកម្មវិធី «Snapchat» នៅក្នុងទូរស័ព្ទដៃ។

នៅពេលនោះ បុគ្គលិកអាយុ២១ឆ្នាំ ដែលប្រចាំការនៅពេលយប់នេះ មិនបានគិតថា ទិដ្ឋភាពទូទៅដែលខ្លួន​បានថតនោះ មានជាប់មកជាមួយ នូវស្រមោលមួយ ដូចខ្មោចក្មេងស្រីម្នាក់ ដែលពាក់អាវជាប់សំពត់ ពណ៌ស​នោះទេ។ លោក អេនដ្រូវ ម៉ៃប៊ន បានយករូបថតនេះ ទៅបង្ហោះនៅលើទំព័រហ្វេសប៊ុករបសលោក ហើយ​ភ្លាមៗ​នោះ អ្នកចុច​«Like» និង«Share» បានកើនឡើងរាប់សិបពាន់នាក់ [...]

ករណីញ៉ាំចំណីមិនឲ្យប្រាក់ ជាបទល្មើសមួយ។ តែបើករណីនេះ កើតចេញពីទង្វើ របស់តារាណាម្នាក់នោះ វានឹង​ទៅហួសពីបទល្មើេស តែវានឹងក្លាយជារឿងអាស្រូវមួយ យ៉ាងអាក្រក់ជាទីបំផុត។ តើវាជាករណី ដែលបានកើត​ឡើង ទៅលើលោក យុត្ថារ៉ា ឆានី តាំងពីជិត១០ឆ្នាំមុនឬ?

រឿងនេះ មិនមែនជាស្នាដៃ ទើបនឹងនិពន្ធបង្កើតឡើងថ្មី ដោយការស្រមើស្រម័យទេ តែជាហេតុការណ៍ពិតមួយ ដែលអ្នកនិពន្ធខ្មែរ-អាមេរិកាំងដ៏ល្បីមួយរូប អ្នកស្រី កែវ ច័ន្ធបូរណ៌ បានជួបប្រទះដោយផ្ទាល់ តាំងពីពាក់​កណ្ដាល​ឆ្នាំ២០០៦ នៅពេលដែលអ្នកស្រីបានទៅកំសាន្ដ នៅរមណីយដ្ឋាន ទឹកជ្រោះក្បាលឆាយ។

អ្នកស្រី​បាន​ផ្ដើមសរសេរ នៅលើជញ្ជាំងហ្វេសប៊ុករបស់អ្នកស្រី ដោយបានចូលសាច់រឿងភ្លាមថា៖ «កំពុងតែ​អង្គុយយោលអង្រឹងលេង ស្រាប់តែមានក្មេងស្រី​អាយុ​ប្រហែល​១០ឆ្នាំ ជាកូនរបស់ម្ចាស់តូប នាំបុរសស្រី្ត ស្អាតៗ​ពីររូប មកដល់រានអង្គុយលេង ជាប់នឹងរាន​របស់​ខ្ញុំ ហើយឃើញមនុស្សម្នា ជ្រួលជ្រើម ចោមរោមអើតអើម [...]