Posts in ‘កម្ពុជា’ Category

ជនសង្ស័យទាំង០៦រូបនោះ សុទ្ធតែជាមនុស្សប្រុសទាំងអស់ ដែលមានឈ្មោះ (ទី១) យិន ចន្ធី អាយុ១៨ឆ្នាំ (ទី២) អេង ភារុណ អាយុ១៥ឆ្នាំ (ទី៣) ម៊ុយ ឌី អាយុ១៥ឆ្នាំ (ទី៤) ឈ្មោះ អេង មករា (ទី៥) ភីសុខ និត អ្នកទាំង​ពីរអាយុ១៨ឆ្នាំ និង(ទី៦)  ម៉េង សុខហៀង អាយុ២២ឆ្នាំ។ ក្រុមអ្នកទាំងប្រាំមួយរូប ត្រូវបានកងរាជអាវុធហត្ថ ពោធ៌សែនជ័យ ឃាត់ខ្លូន នៅវេលាម៉ោង ០៥ល្ងាចថ្ងៃ ទី២៦ ខែមិថុនា ឆ្នាំ ២០១៥ នៅចំណុចផ្ទះជួលលេខ ៤៥ ភូមិ​តាសេក សង្កាត់កំបូល ខណ្ឌពោធ៍សែនជ័យ រាធានីភ្នំពេញ។

នគរបាលកងរាជអាវុធហត្ថ ពោធ៌សែនជ័យ បានប្រាប់ទស្សនាវដ្តីមនោរម្យ.អាំងហ្វូឲ្យដឹងថា លោកបានដក​ហូត ថ្នាំញៀនចំនួន ១៣ កញ្ចប់ និងម៉ូតូឌ្រីមសេ១២៥ មួយគ្រឿងពណ៍ខ្មៅ មួយគ្រឿង និងសម្ភារៈ​ច្នៃស្លាក​លេខម៉ូតូ មួយចំនួនទៀត។ បច្ចុប្បន្នជនសង្ស័យ ប្រើប្រាស់គ្រឿងញៀនទាំងប្រាំមួយរូប កំពុងឃុំខ្លូន​បណ្តោះ​អាសន្ន នៅ​ក្នុងប៉ុស្តិ៍កំបូល នឹងកំពុងរៀបចំសំនុំរឿង [...]

អង្គការពលកម្មអន្តរជាតិ (ILO) រួមនឹងឧត្តមស្នងការ អង្គការសហប្រជាជាតិ​ ទទួលបន្ទុកសិទ្ធិមនុស្ស ប្រចាំ​កម្ពុជា (OHCHR Cambodia) បានស្វាគមន៍​ នៅ​ថ្ងៃសុក្រនេះ សេចក្ដីសម្រេច របស់​រដ្ឋាភិបាល​កម្ពុជា ក្នុង​ការ​បង្កើត​គណៈកម្មការពិសេស ដើម្បី​ស្វែង​រក​ជនដៃ​ដល់ ដែលបាន​សម្លាប់មេដឹកនាំសហជីព​លោក ជា វិជ្ជា និង​សហសេវិក​របស់​លោក ​២រូប ទៀត។​

នៅក្នុងសេចក្តីថ្លែងការណ៍​ ចេញរួមគ្នា បានឲ្យដឹង​ថា អង្គការអន្តរជាតិទាំងពីរ ស្វាគមន៍ការដែល​រដ្ឋាភិបាល​កម្ពុជា បានបង្កើតគណៈកម្មការ​ ដើម្បីស៊ើបអង្កេតករណីឃាតកម្ម លើមេដឹកនាំសហជីពកម្មករ៣រូប ដែល​រួម​មាន លោក ជា វិជ្ជា អតីតប្រធានសហជីពសេរីកម្មករ​ (FTU) ក៏ដូចជា លោក រស់ សុវណ្ណារ៉េត និងលោក ហ៊ី វុទ្ធី តំណាងសហជីពសេរីកម្មកររោងចក្រ (FTU) ។

សេចក្ដីសម្រេចមួយ របស់លោកនាយករដ្ឋមន្រ្តី ដែលចុះថ្ងៃ​ទី១០ ខែមិថុនា ឆ្នាំ២០១៥ ហើយដែលបានធ្លាក់ មកដល់ដៃអ្នកសារព័ត៌មាន កាលពីថ្ងៃទី២៥ [...]

យ៉ាងហោច មនុស្ស២៧នាក់ ត្រូវបានសម្លាប់ នៅព្រឹកថ្ងៃសុក្រនេះ នៅក្នុងការវាយប្រហារប្រដាប់អាវុធមួយ ប្រឆាំងនឹងសណ្ឋាគារមាត់សមុទ្រ ចំនួនពីរកន្លែង នៃក្រុងសូស (Sousse) ដែលល្បីថា ជាទីក្រុងទេសចរណ៍​ដ៏ល្បី របស់ប្រទេសតួនេស៊ី។ នេះបើតាមការប្រកាសឲ្យដឹង របស់ក្រសួងមហាផ្ទៃ របស់ប្រទេសនេះ។

លោក មហាមេដ អាលីអារ៉ូយ (Mohamed Ali Aroui) អ្នកនាំពាក្យរបស់ក្រសួងមហាផ្ទៃ បានបញ្ជាក់ថា៖ «ការ​វាយប្រហារ បានកើតឡើង នៅនឹងសណ្ឋាគារចំនួនពីរ។ មានមនុស្សស្លាប់ចំនួន២៧នាក់ ឬអាចច្រើន​ជាង​នេះ។ យុទ្ធនាការប្រឈមមុខគ្នា កំពុងបន្តទៅទៀត នៅឡើយ។»

ថ្លែងតាមទូរទស្សន៍ជាតិតួនេស៊ី អ្នកនាំពាក្យបានបញ្ជាក់ទៀតថា «ជាការវាយប្រហារភេវរកម្ម ប្រឆាំងនឹង​សណ្ឋាគារ ម៉ាហាបា (Marhaba) នៅក្រុង សូស។ តុល្យភាពនាពេលនេះ បានកើនឡើងបន្តិច។ (...) ជន​ប្រព្រឹត្តិ ត្រូវបានបាញ់សម្លាប់។»

កងកម្លាំងសន្តិសុខ បានអន្តរាគមន៍ នៅក្នុងសណ្ឋាគារមួយ [...]

ជាការគោរពច្បាប់ ទម្លាប់មួយដ៏ប្រពៃ នៅពេលម៉ូតូឬឡាន ឈប់នៅត្រង់ស្តុប នៅពេលដល់ភ្លើង​ពណ៍​ក្រហម​នោះ តែអ្វីដែលចម្លែក គឺឡាន ឬម៉ូតូទាំងនោះ នៅតែបន្តទៅមុខ ដោយមិនបានគោរពស្តុប និងភ្លើងសញ្ញា​ចរាចរណ៍ ដែលជាច្បាប់ចររាចរណ៍ផ្លូវគោកទាំងនោះ។ ទាក់ទងនឹងករណីនេះ បុរសម្នាក់បានទទួលគ្រោះ​ថ្នាក់ ដោយសារតែខ្លូនឈប់តាមស្តុប តែអ្នកខាងក្រោយមិនឈប់ និងបានបុកលោកពីក្រោយ យ៉ាងពេញទំហឹង បណ្តាល​ឲ្យបុរសរងគ្រោះ រងរបួសធ្ងន់ត្រូវបញ្ជូនទៅមន្ទីពេទ្យ។

អ្នករងគ្រោះខាងលើឈ្មោះ ចៅ សាយ អាយុ ៥២ ឆ្នាំមុខរបរជាអ្នករត់រឺម៉ក ដឹកភ្ញៀវទេសចរណ៍ បច្ចុប្បន្ន​ស្នាក់​នៅផ្ទះជួល នៅចំការដូង។ អ្នករងគ្រោះនេះ ត្រូវបានគេស្គាល់ថា ជាសមាជិករឺម៉កង់បី របស់សមាគសេដ្ឋកិច្ច​ក្រៅ​ប្រព័ន្ធ ដឹកនាំដោយលោក វ៉ន ពៅ។

តាមការឲ្យដឹងពីលោក ឡុង វុទ្ធី អ្នកគ្រប់គ្រងសមាជិក នៅក្នុងសមាគមខាងលើ បានឲ្យទស្សនាវដ្តី​មនោរម្យ.អាំងហ្វូដឹងថា ហេតុការណ៍នេះ បានកើតឡើង [...]

ប្រធានសហជីពសេរីកម្មករកម្ពុជា លោក ជា មុន្នី បានបង្ហាញនូវការហួសចិត្ត និងភាពងឿងឆ្ងល់ ដែល១១ឆ្នាំ​មកនេះ ប្រទេសកម្ពុជាស្ថិតក្នុងសន្តិភាព បែរជារដ្ឋាភិបាលមិនអាចដោះស្រាយ ឬស្វែងរកចាប់ខ្លួនឃាតករពិត មកផ្តន្ទាសទោសបាន។ លោក ជា មុន្នី បានថ្លែងឡើងថា ការប្រកាសបង្កើតគណកម្មការនេះ ទំនងជាស្ថិត​ក្រោមសំពាធណាមួយ ដែលត្រូវបង្ខំចិត្ត (លោក ហ៊ុន សែន) ឲ្យត្រូវតែធ្វើវាឡើង។ សំពាធនោះ  អាចមកពី​អង្គការពលកម្មអន្តរជាតិ តាមរយៈក្រសួងការងារ។ លោកបានលើកយកហេតុផល មកនិយាយថា ព្រោះមាន​សំណើរ របស់ក្រសួងការងារ ស្នើឲ្យមានគណកម្មការនេះឡើង នៅក្នុងការប្រកាសបង្កើតគណកម្មការនោះ។

ការថ្លែងភ្ញាក់ផ្អើល របស់លោក ជា មុន្នី ធ្វើឡើង បន្ទាប់ពីសេចក្ដីសម្រេចមួយ របស់លោកនាយករដ្ឋមន្រ្តី ចុះ​ថ្ងៃ​ទី១០ ខែមិថុនា ឆ្នាំ២០១៥ ហើយបានធ្លាក់ មកដល់ដៃអ្នកសារព័ត៌មាន កាលពីថ្ងៃទី២៥ ខែមិថុនាម្សិលម៉ិញ​​នេះ ប្រកាសពីការបង្កើតគណៈកម្មការ អន្តរក្រសួងមួយឡើង [...]