Posts in ‘ជុំវិញកំសាន្ដ’ Category

បើសិនជាគេធ្លាប់ឃើញកុមារកម្ពុជា នៅតំបន់ដាច់ស្រយ៉ាលមួយចំនួន បានអង្គុយរៀននៅក្រោមដើមឈើ ឬ​នៅក្រោមដំបូលតង់ រហែកធ្លុះធ្លាយនោះ ប៉ុន្តែករណីលើកនេះ មានលក្ខណៈខុសស្រឡៈតែម្ដង។ ករណីដ៏​ចម្លែក​បានកើតឡើង នៅក្នុងវិទ្យាល័យ ហ៊ុនសែនត្បូងឃ្មុំ កាលពីព្រឹកថ្ងៃអាទិត្យ ទី៩ ខែសីហានេះ។

មិនមែនសាលាមិនមានអាគារ សម្រាប់ឲ្យសិស្សានុសិស្សទាំងនេះជ្រករៀនទេ តែសាស្ត្រាចារ្យនៃ​វិទ្យាល័យ​មួយនេះ បានបានរៀបចំការប្រលង​ គណិតវិទ្យាសាកល្បងមួយ ដើម្បីបង្ហាញពីតម្លាភាព ដូចជាហាម​ការ​លួចម្លង និងងាយស្រួល ក្នុងការត្រួតពិនិត្យ បេក្ខជននីមួយៗនោះជាដើម។ ​តុ​កៅអី របស់បេក្ខជននីមួយៗ ត្រូវបានយកចេញពីថ្នាក់ មកដាក់នៅក្រោម​ដើមឈើ និងក្រោមមេឃ ដែលមានចំងាយឆ្ងាយៗ​ពីគ្នា ដើម្បី​ឲ្យ​សិស្ស​ប្រលង​សាកល្បង។

រូបភាពទាំងនេះ ត្រូវបានក្រុមអ្នកប្រើប្រាស់​បណ្ដាញសង្គម យកមកចែករំលែក​បន្តបន្ទាប់គ្នា យ៉ាងទ្រហឹង​អ៊ឺង​អាប់។ អ្នកខ្លះបានបញ្ចេញយោបល់ថា [...]

នៅពេលដែលសម្លឹងតាមបង្អួច មើលទៅក្រៅ បុរសចំណាស់ម្នាក់ ដែលជាអ្នករស់នៅ ក្នុងក្រុង «Grand Rapids» នៃរដ្ឋមីឈីហ្គែន  បានប្រទះឃើញ នូវឈុតឆាកដ៏កម្រមួយ ដែលបានកើតឡើង នៅចំពោះមុខគាត់ កាលពីថ្ងៃសុក្រមុន។ ក្រាបនៅរាបស្មើ លើដំបូលផ្ទះរបស់ខ្លួន យុវជនអ្នកជិតខាងមួយរូប ដែលនៅផ្ទះជាប់​ទល់មុខ កំពុងលេងបិតពួន​ ជាមួយនឹងក្រុមនគរបាល។ បុរសចំណាស់ ដែលបានថតរូបនេះ យកមកដាក់​បង្ហោះ នៅលើគេហទំព័រចែករំលែករូបភាព «Imgur» បានសរសេរអមនឹងរូបថតថា៖ «នគរបាល​ចំណាយ​​ពេល​ជាង១០នាទី ទម្រាំ​រក​បុរស​នេះ​ឃើញ»។ រូបថត(ខាងក្រោម)នេះ គ្រាន់តែបានដាក់បង្ហោះភ្លាម មាន​មនុស្ស​ចុច​ចូលទៅមើល ចំនួនដល់ទៅជាង៣លានដង៕

ភ្នាក់ងារនគរបាល ប្រចាំតំបន់មួយរូប លោក តេរី ឌីស៊ុន (Terry Dixon) បានសរសេរ នៅលើទំព័រហ្វេសប៊ុក​ថា៖ «មើលទៅ រូបថតនេះបានក្លាយជា រូបថតដ៏អស្ចារ្យ ហើយមនុស្សម្នាចង់ដឹងថា តើមានរឿងអ្វីកើតឡើង»។ ហើយ​ដើម្បីបំពេញចិត្ត [...]

សង្គ្រាមពាក្យសម្ដី ជុំវិញពាក្យដ៏ល្បីថ្មីមួយ របស់លោក ហ៊ុន សែន នាយករដ្ឋមន្ត្រីបីទសវត្សន៍ នៅតែបន្តសូរ ឥតអាក់។ អ្នកនៅជុំវិញលោក ហ៊ុន សែន បានខិតខំស្វែងរកការពន្យល់ពាក្យ «មីស្រី» ដែលលោក ហ៊ុន សែន បានថ្លែងជាសាធារណៈ នៅចំពោះប្រជាជាតិ ថានេះជាពាក្យសមញ្ញ ដែលត្រូវបានប្រើ ទៅលើស្ត្រីណាដែល​​មក​ធ្វើ​បាតុកម្ម តែបែរជាមានសកម្មភាព មិនប្រក្រតីទៅវិញ។ សម្រាប់រដ្ឋ​លេខា​ធិការ និងជាអ្នកនាំពាក្យទីស្ដីការ​គណៈរដ្ឋមន្ត្រី លោក ផៃ ស៊ីផាន វិញ ពាក្យ«មីស្រី»​នេះ មានការបកស្រាយ មួយទៀតដោយឡែក។

ដំបូងឡើយ លោក ស៊ីផាន ចង់បង្ហាញ ពីស្រ្តីចំណាស់ម្នាក់ ឈ្មោះ ង៉ែត ឃុន ហៅ យាយម៉ាមី ដែលតែងតែ​មាន​វត្តមាន ក្នុងការតវ៉ានានា ទាក់ទងនឹងបញ្ហាសិទ្ធិដីធ្លី សំនៅដ្ឋាន និងសេរីភាព ខាងផ្លូវច្បាប់ជាដើម ដោយលោក ស៊ីផាន ហៅស្ត្រីចំណាស់ មកពីសហគមន៍បឹងកក់ម្នាក់នេះ ថាជាបាតុករអាជីព និងពហុវិស័យ។ បន្ទាប់មក អ្នក​នាំពាក្យទីស្ដីការ បានបបួលគេឯង មកចោទជាសំណួរថា៖ [...]

រឿង សាសា អតីតតារាទូរទស្សន៍ ដែលរងការវាយតប់ ពីឧកញ៉ា សុខ ប៊ុន អាចមានតភាគទៅ វែងឆ្ងាយទៀត ជាពិសេសនៅជុំវិញព័ត៌មាន គ្រោះថ្នាក់ចរាចរណ៍ ដែលសារព័ត៌មាននៅក្នុងស្រុក បានផ្សាយថា បង្កឡើង​ដោយ​អតីតតារាទូរទស្សន៍ ក្នុងសភាពស្រវឹងជោគប្រាណ កាលពីថ្ងៃទី០២ ខែសីហា ឆ្នាំ២០១៥។ បន្ទាប់ពី​ថ្ងៃ​គ្រោះថ្នាក់នោះមួយថ្ងៃ កញ្ញា សាសា តារាដែលនៅ​មិនទាន់មានកន្លែងរះ តែល្បីដោយសាររឿងវាយតប់ ពី​សំណាក់លោកឧកញ៉ា សុខ ប៊ុន នោះ បានបដិសេធព័ត៌មាននេះ ដោយព្រមានអ្នកកាសែត របស់​សារព័ត៌មាន​«កម្ពុជាថ្មី» ថានឹងមក«សួរសុខទុក្ខ» ដល់ការិយាល័យ។ ប៉ុន្តែអត្ថបទថ្មីមួយ របស់សារព័ត៌មាននេះ បាន​បញ្ឆេះ​ភ្លើង ដែលជិតរលត់ទៅហើយ ឲ្យកម្រើកឆេះឡើងវិញ។

អត្ថបទចេញផ្សាយ របស់«កម្ពុជាថ្មី» កាលពីថ្ងៃទី៦ ខែសីហា ដែលមានចំណងជើង «រឿង​គ្រោះថ្នាក់​​ចរាចរណ៍​ របស់​កញ្ញា​ សា​សា កំពុង​ក្លាយ​ជា​ប្រធានបទ​ដ៏​ក្ដៅ​គគុក» បានបន្ថែមរឿងលំអិត​ជាច្រើនទៀត ទាក់ទងនឹង​«ជន​ស្រវឹង» [...]

រាល់កម្មវិធីសម្ពោធសមិទ្ធិផលនានា ដូចជាការសម្ភាធផ្លូវ សម្ពោស្ពាន សម្ភោធអាគារជាដើម ភាគច្រើនត្រូវ​បានបើក ដាក់ឲ្យប្រើប្រាស់ដោយរដ្ឋ ឬមន្ត្រីរបស់រដ្ឋាភិបាល ជាពិសេស ដាក់ឲ្យប្រើប្រាស់ ដោយនាយករដ្ឋមន្រ្តី​កម្ពុជា លោក ហ៊ុន សែន តែម្តង។ ប៉ុន្តែនៅកំណាត់ផ្លូវមួយនេះ អ្នកដែលដាក់ឲ្យផ្លូវនេះ ឲ្យបណ្ដាជន​ទូទៅប្រើ​ប្រាស់ ជាព្រឹទ្ធាចារ្យមួយរូប នៅក្នុងសហគមន៍ ជ្រើសរើសដោយសហគមន៍ ដែលបានចូលរៃអង្គាសប្រាក់គ្នា ដើម្បីសង់ផ្លូវនេះឡើង។

ផ្លូវមួយខ្សែប្រវែង ១០០ម៉ែត្រ ដែលអមជាមួយ ផ្លូវរថភ្លើងនេះ ស្ថិតក្នុង«សហគមន៏បឹងកក់ ភូមិ១ ក្រុមទី៨...» នេះ​​បើតាមការបញ្ជាក់ នៅលើទំព័រហ្វេសប៊ុក របស់លោក ចាន់ ពុទ្ធស័ក្តិ សកម្មជនសិទ្ធិលំនៅដ្ឋាន ដ៏​សកម្ម​ម្នាក់ នៃប្រជាពលរដ្ឋក្នុងតំបន់នោះ កាលពីថ្ងៃទី៤ ខែសីហា ឆ្នាំ២០១៥។ លោក ពុទ្ធស័ក្ដិ បានបញ្ជាក់ថា ផ្លូវ​មួយ​​ខ្សែរ​នេះ ស្ថាបនាឡើង ដោយប្រើប្រាស់នូវខ្សាច់ និងថ្ម ដើម្បីបម្រើដល់ការធ្វើដំណើរ [...]