Posts in ‘ជុំវិញកំសាន្ដ’ Category

អភិបាលនៃតំបន់ប៉េនហ្សា ផ្នែកនារតីនៃប្រទេសរ៉ូស្សី លោក វ៉ាស៊ីលី បុតឆ្ការ៉េវ (Vassili Botchkarev) បានដាក់បញ្ជា​ទៅ​មន្ត្រីជាន់ខ្ពស់ នៅក្រោមឱវ៉ាទរបស់លោកម្នាក់ ដែលធ្វើការនៅក្នុងវិស័យកីឡា និងសុខាភិបាល ឲ្យកាត់បន្ថយទម្ងន់ ជាថ្នូរ​ទល់​នឹងមុខតំណែងរបស់គាត់ ដើម្បីបង្ហាញគំរូដល់អ្នកផ្សេង។

បុរសដុះពោះ ដែលនៅកម្ពុជា គេច្រើនឲ្យតម្លៃ ថាជាអ្នកមានលុយ មានអំណាច ...។ (រូបជំនួស)

«ខ្ញុំបញ្ជាឲ្យលោកសម្រកទម្ងន់ ឲ្យបាន១៦គីឡូក្រាម ក្នុងរយៈពេល៦ខែ» លោកអភិបាលបានប្រកាសយ៉ាងដូច្នេះ ទៅ​កាន់មន្ត្រីទទួលខុសត្រូវខាងកីឡា និងសុខាភិបាលប្រចាំតំបន់ លោក វ្លាឌីមៀរ ស្ទ្រីអាតឆ្កូវ (Vladimir Strioutchkov)។ នេះបើតាមការឲ្យដឹង របស់ទីភ្នាក់ងារសារព័ត៌មានរ៉ូស្សី នៅថ្ងៃច័ន្ទទី៣ខែមិថុនានេះ។

ព្រះអង្គម្ចាស់មួយអង្គនៃប្រទេសអារ៉ាប៊ីសាអ៊ូឌីត បានចំណាយប្រាក់ ១៥លានអ៊ឺរ៉ូ (ប្រមាណជា១៩លានដុល្លាអាមេរិក) កាលពីចុងខែឧសភានេះ ដើម្បីទិញដាច់ នូវការចូលកំសាន្ដក្នុងឧទ្យានកន្ត្រាក់អារម្មណ៍ «ឌីស្នេឡេន (Disneyland)» នៃ​ទីក្រុងប៉ារីសប្រទេសបារាំង។ គ្រប់ការសម្ដែង និងកម្មវិធីនៅក្នុងឧទ្យានកំសាន្តមួយផ្នែក ត្រូវបិតទ្វាសម្រាប់​សាធារណជន​ទូទៅ តែផ្ទុយទៅវិញ ត្រូវបានសម្រិតសម្រាំងសម្រាប់ព្រះអង្គម្ចាស់ និងភ្ញៀវរបស់ព្រះអង្គម្ចាស់ប្រមាណជា ៦០នាក់។

ឧទ្យានកន្ត្រាក់អារម្មណ៍ «ឌីស្នេឡេន (Disneyland)» នៃទីក្រុងប៉ារីស ក្នុងពេលរាត្រី។

ព្រះអង្គម្ចាស់ ហ្វាដអាល សាអ៊ូល (Fahd al-Saoud) បានស្នាក់នៅក្នុងតំបន់នោះ (Marne-la-Vallée) រវាងពីថ្ងៃទី២២ ដល់​ថ្ងៃទី២៤ខែឧសភាកន្លងទៅ [...]

តាំងពីលោកនាយករដ្ឋមន្ត្រី ចូលមកកាន់មុខតំណែងរបស់លោកឡើងវិញ នៅខែធ្នូឆ្នាំ២០១២កន្លងមក លោកអាប៊េមិន​បានរើមករស់នៅ ក្នុងគ្រឹស្ថានដែលមានវ័យចំណាស់តាំងពី៨៤ឆ្នាំនេះទេ។ បើតាមប្រព័ន្ធផ្សព្វផ្សាយជាច្រើននៅជប៉ុន វាជាលើកទីមួយហើយ ដែលនាយករដ្ឋមន្ត្រីបដិសេធ មិនចូលទៅរស់នៅក្នុងទីកន្លែងនោះ ជាមួយការអូសបន្លាយ​ពេល​យូយ៉ាងដូច្នេះ។

ប៉ុន្តែរឿងដែលគិតថាមិនលេងសើចនោះ មានអ្នកតំណាងរាស្ត្រមួយរូប នៃគណបក្សប្រឆាំងរបស់ជប៉ុន បានបង្ហាញ​កង្វល់​របស់ខ្លួន ដោយបានសរសេរថា ជម្រើសរបស់នាយករដ្ឋមន្ត្រី ដែលមិនបានចូលទៅស្នាក់នៅ ក្នុងការិយាល័យផ្លូវការ​នៃ​នាយករដ្ឋមន្ត្រី អាចធ្វើឲ្យបារម្ភ ក្នុងការមានប្រតិកម្មការងារជាតិយឺតយ៉ាវ ប្រសិនមានរឿងហេតុបន្ទាន់ណាមួយ ត្រូវដោះ​ស្រាយជាប្រញាប់។

តំណាងរាស្ត្ររូបនោះ បានចោទជាសំនួរថា «វាធ្លាប់មានរួចហើយ ពាក្យចចាមអារាមដែលថា វិមានសំណាក់របស់នាយក​រដ្ឋមន្ត្រីនោះ មានខ្មោចលង។ តើវាពិតទេ?» [...]

ផ្លែត្រសក់ស្រូវពីរ ជាប្រភេទត្រសក់ស្រូវកង់តាលូប (cantaloups) ត្រូវបានលក់ដាច់នៅក្នុងការលក់ដេញថ្លៃមួយ នៅជប៉ុន កាលពីចុងសប្ដាហ៍មុន ក្នុងតម្លែប្រមាណជា១២ពាន់អ៊ឺរ៉ូ (ប្រមាណជា១៦ពាន់ដុល្លា)។ ជាតម្លៃដ៏ខ្ពស់ មិនដែលធ្លាប់មាន សម្រាប់ផ្លែឈើប្រភេទនេះ ដែលគេគិតថាមានទម្រង់រូបរាងយ៉ាងសមសួន និងមានរសជាតិយ៉ាងឆ្ងាញ់ពិសេស។

ត្រសក់ស្រូវ យូបារី របស់ជប៉ុន។ (រូបជំនួស)

ដើម្បីយល់ន័យពីប្រភទត្រសក់ស្រូវ កង់តាលូប៖ វាជាពូជត្រសក់ស្រូវ ដែលធ្លាប់ត្រូវបានដាំនៅក្នុងភូមិ កង់តាលូប ដែល​នៅក្បែរទីក្រុងរ៉ូមប្រទេស​អ៊ីតាលី និងត្រូវបានថែរក្សាស្រោចទឹកដោយ បុព្វជិកសាសនាគ្រឹស្ទ៍ នៃព្រះវិហារកាតូលិក​នៅទីនោះ។ ប៉ុន្តែត្រសក់ស្រូវដែលលក់ដាច់នៅប្រទេសជប៉ុននេះ មានឈ្មោះជាជប៉ុនម្យ៉ាងទៀតថា យូបារី (Yubari)។ [...]

រូបភាពដំបូងរបស់ឡេឌី ហ្គាហ្គា (Lady Gaga) បានលេចចេញតាមវីដេអូ ផ្សាយពាណិជ្ជកម្មឲ្យខ្សែភាពយន្ដ របស់ផលិតករ រ៉ូប៊ើរ រ៉ូឌ្រីហ្គ័រ ដែលបានជ្រើសរើសតារាចម្រៀងអន្តរជាតិ ដ៏ល្បីរបស់អាមេរិករូបនេះ មកសម្ដែង។

អ្នកចម្រៀង ឡេឌី ហ្គាហ្គា នៅក្នុងភាពយន្ដដំបូងរបស់នាង។ (រូបថតចម្លងចេញពីភាពយន្ដ)

ក្នុងចំណោមតួអង្គ ដែលពោពេញទៅដោយសកម្មភាពខ្លាំងរញ្ជួយចិត្ត មាននៅក្នុងភាពយន្ដ ម៉ាស៊ឺតេ ឃៀល (Machete Kills) មានដូចជា អង់តូនីញ៉ូ បង់ឌឺរ៉ា (Antonio Banderas) ម៉ែល ជីមសុន (Mel Gibson) ឆាលី ស៊ីន (Charlie Sheen) ចាស៊ីកា អាបា (Jessica Alba) និងលោកមីឆែល រ៉ូឌ្រីហ្គ័រ (Michelle Rodriguez)នោះ ក៏មានផងដែរ តារាភាពយន្ដថ្មី​ស្រឡាងដែល​ទើបនឹងរះ គឺអ្នកចម្រៀង ឡេឌី ហ្គាហ្គា។ វីដេអូផ្សព្វផ្សាយពាណិជ្ជកម្ម [...]