ជនបរទេសម្នាក់ មកដេកនៅលើថ្នល់ជិតស្ពាន៧មករាមួយថ្ងៃមិនទៅណា
តាមសាក្សីជាប្រជាពលរដ្ឋ នៅផ្ទាល់កន្លែង បានឲ្យដឹងថា មានទុកទុកកង់បី១គ្រឿង បានដឹកជនជាតិបរទេសនេះ មកដាក់ចោលនៅទីនេះ ដោយសារតែជនជាតិបរទេសម្នាក់នេះ ជក់ថ្នាំវង្វេងមិនដឹងទិសតំបន់។ សាក្សីដដែលបាននិយាយទៀតថា កង់បីនោះ បានដឹកជនជាតិបរទេសរូបនេះ ពីស្ទឹងមានជ័យមក ក្នុងទិសដៅពីលិចទៅកើត តែដោយបុរសនេះបានវាយម្ចាស់កង់បី១ដៃ ទើបបណ្តាលឲ្យអ្នកបើកកង់បីនោះ ទម្លាក់ជនបរទេស នៅត្រង់ខាងត្បូងស្ពាន៧មករា ពេទ្យលោកសង្ឃតែម្ដងទៅ។
រហូតមកដល់ម៉ោង៦ល្ងាច ថ្ងៃដដែលនេះ ក៏នៅមិនទាន់មានមន្ត្រីអាជ្ញាធរណាម្នាក់ ចុះមកអន្តរាគមន៍ ឬដោះស្រាយយកបុរសដែលដេកនៅលើផ្លូវសាធារណៈរូបនោះ ចេញនៅឡើយដែរ។
លោក អិត ពិទូ ដែលជានគរបាលចរាចរណ៍ ដែលប្រចាំការនៅគោលដៅនោះ បានឲ្យដឹងថា លោកបានដឹងរឿងនេះដែរ ហើយភ្លាមៗនោះ លោកបានដេញបុរសជនជាតិបរទេសនោះ [...]