មហាវីរក្សត្រចូលទីវង្គត់ក្នុងព្រះជន្ម ៨៩ព្រះវស្សា បើតាមបស្ចឹមលោក
អាយុ - និយាយឲ្យខ្លី នោះគឺដោយសារតែការប្រកាន់ នូវភាពប្រាកដនិយម (ឬផ្នត់គំនិត) មានភាពផ្ទុយស្រឡះពីគ្នា រវាងសាសន៍នានា នៅទ្វីបអាស៊ីខាងកើត និងបណ្ដាសាសន៍ នៅបស្ចឹមលោក។ ខាងក្រោមនេះជាការបកស្រាយ របស់លោក កែវ មានិត សាស្ត្រាចារ្យសង្គមវិទ្យាដើមកំណើតខ្មែរមួយរូប ដែលកំពុងរស់នៅក្នុងប្រទេសបារាំង ហើយបានសិក្សាពីករណីអាយុ របស់ជនជាតិខ្មែរ និងការរាប់អាយុរបស់ជនជាតិច្រមុះស្រួច នៅលោកខាងលិច។
ការរាប់អាយុរបស់ខ្មែរ ជាការរាប់តាមបែប ចូលឆ្នាំទីប៉ុន្មាន។ ឧទាហរណ៍ថា បើមានគេសួរ អូនអាយុប៉ុន្មានហើយ? មនុស្សនឹងឆ្លើយថា ខ្ញុំមានអាយុ១៨ឆ្នាំហើយ។ ការឆ្លើយនេះ ឆ្លុះបញ្ចាំងពីការរាប់អាយុ ថាខ្លួនចូលក្នុងឆ្នាំទី១៨ហើយ ប៉ុន្តែមិនមែនជាការរាប់ តាមបែបបង្គ្រប់អាយុ ឲ្យគ្រប់ [...]
