Posts in ‘កីឡាគ្រប់ប្រភេទ’ Category

ពីពេលនេះតទៅ កីឡាករ ផ្លាវីយូ ការណីរ៉ូ (Flavio Carneiro) នឹងក្លាយជាតារាបាល់ទាត់ ដ៏ល្បីមួយ នៅលើបណ្ដាញ​អ៊ិនធើណែត និងបណ្ដាញសង្គម។ នៅក្នុងវគ្គចុងក្រោយ នៃការប្រកួតដណ្ដើមជើងឯង ក្នុងរដ្ឋ ស៊ែជីប៉ាណូ (Sergipano) របស់ប្រទេសប្រេស៊ីល រវាងក្រុមបាល់ទាត់ចំនួនបួនក្រុម កីឡាការខ្សែប្រយុទ្ធ ការណីរ៉ូ បានទាត់បញ្ចូលទី យក​ជ័យជំនះ​ឲ្យក្រុម កុងហ្វីយ៉ងស្សា (Confiança) របស់ខ្លួន ជាមួយនឹងថ្វីជើងដ៏ពិសេស និងគ្មាននរណានឹកស្មានដល់។

បើទោះជាមកដល់ពេលនេះ ក៏គេនៅតែឆ្ងល់ដែរថា តើកីឡាករជាតិប្រេស៊ីលម្នាក់នេះ កំពុងលេងកីឡាទាត់សី ឬទាត់​បាល់​សីដក់?

នៅពេលបានបណ្ដើរបាល់ មកដល់មុខទី របស់ក្រុម សូក័ររ៉េនសេ (Socorrense) កីឡាករយើង បានបញ្ឆោតអ្នកចាំទី ដោយ​បានទាត់បាល់ទៅមុខបន្តិច តែកីឡាករបានរត់លឿនជាងបាល់ ហើយបាល់នៅពេលនោះ បានរត់មកនៅ​ខាង​ក្រោយ ជើង​របស់​កីឡាករ។ បើសិនជាកីឡាករធម្មតា និងទូទៅ គេច្បាស់ជាត្រឡប់ក្រោយ ដើម្បីទាត់បាល់ពីមុខ [...]

តើកីឡាករល្បីៗ ក្នុងលោក សុទ្ធតែអាចប្រើក្បាលបញ្ជាបាល់ ដូចចិត្តដូច្នេះឬ? អាចប្រើបាន ឬមិនបាន តែវាបានកើត​រួច​ហើយ សម្រាប់កីឡាការល្បីមួយរូប ដែលកំពុងទាត់ឲ្យក្រុមអាជីព PSG នៃរដ្ឋធានីប៉ារីស។

នៅក្នុងការប្រកួត បាល់ទាត់វគ្គជម្រុះ រវាងក្រុមស៊ុយអែត និងក្រុមម៉ុលដាវី ដើម្បីឆ្ពោះទៅ ការដណ្ដើមពានរង្វាន់អ៊ឺរ៉ូ ២០១៦ កាលពីចុងសប្ដាហ៍នេះ កីឡាករអន្តរជាតិ របស់ប្រទេសស៊ុយអែត ស្លាតាន់ អ៊ីប្រាហ៊ីមូវិច (Zlatan Ibrahimovic ) បាន​រក​គ្រាប់​បាល់ ឲ្យក្រុមជម្រើសជាតិរបស់ខ្លួន ដល់ទៅពីគ្រាប់។ តែមួយគ្រាប់ដំបូង ជាគ្រាប់បាល់ដែល អ្នកចាំទី​របស់​ក្រុមម៉ុលដាវី ទាត់ចេញមកលើ តែបែរជាទៅប៉ះក្បាលរបស់ ស្លាតាន់ ធ្វើឲ្យបាល់ បានរត់ទៅចូលក្នុងទីរបស់ខ្លួន ធ្វើ​មិន​ដឹង។

គ្មាននរណាម្នាក់ អាចយល់បានពីបច្ចេកទេស ដែលកីឡាករស្លាតាន់ បានប្រើ ហើយក៏កាន់តែមិនយល់ដែរ ថាហេតុអ្វី ពេញមួយលំហ នៅលើទីលានបាល់ទាត់ អ្នកចាំទីរបស់ក្រុមម៉ុលដាវី [...]

ក្រុម ណាស៊ីយ៉ូណាល់ (Nacional) ដ៏ល្បីល្បាញ នៅក្នុងប្រទេសអេក្វាទ័រ ប្រាកដជាសប្បាយចិត្តណាស់ នឹងជ័យជំនៈ​របស់ពួកគេ។ កាលពីថ្ងៃអាទិត្យកន្លងមកនេះ នៅក្នុងការប្រកួត«ជុំ»យកពិន្ទុជើងឯកប្រចាំឆ្នាំ (ប្រហាក់ប្រហែលនឹង Premier league) សម្រាប់ប្រទេស នៃទ្វីបអាមេរិកកណ្ដាលមួយនេះ ក្រុមនេះបានរកបានគ្រាប់បាល់ ដ៏ពិសេសបំផុតមួយ ដែលកីឡាករបាល់ទាត់គ្រប់ៗរូប ស្រម័យចង់ធ្វើឲ្យបាន។ ហើយគ្រាប់បាល់នេះ ក៏បានឲ្យធ្វើពិភពលោកទាំងមូល ងាក​មកចាប់អារម្មណ៍ជាមួយនឹងក្រុមនេះ ក៏ដូចជាកីឡាករខ្លួនឯងដែរ។

ខណៈការប្រកួតបានកំពុងប្រទាញប្រទង់គ្នា តាមរយៈលទ្ធផលស្មើគ្នាទៅហើយនោះ ស្រាប់តែកីឡាករ គ្រីស្យ៉ង់ ម៉ាកេស ដែលដណ្ដើមបាល់បាន ពីកីឡាករគូប្រកួត បានទាត់ពីចំងាយ ដើម្បីរកគ្រាប់បាល់នេះ តាំងពីកណ្ដាលលានប្រកួត។

ករណីពិសេស មូលហេតុដែលធ្វើឲ្យគ្រាប់បាល់នេះ បង្កភាពរីករាយកាន់តែខ្លាំង ដល់ក្រុម ណាស៊ីយ៉ូណាល់ នោះ [...]